Jerimaya 26:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Kọye Jerimaya da ta kẹ isun vẹ ihwo na ejobi, nẹ, Ọrovwohwo ghine ju vwe rhe rhe ta eta ejobi re we nyori na kpahe uwevwi nana kugbe orere na.

Jerimaya 26:12 ပူးပေါင်းရင်းမြစ်များ

Jerimaya 26:15

Wa nabọ riẹn gbagba nẹ we de hwe vwe, yẹ ovwan che sun ọbara rẹ ọvwata te otọ kpahe oma rẹ ovwan vẹ enu rẹ orere nana kugbe ihwo re dia ejobi, kidie ghine uyota Ọrovwohwo ri ji vwe bru ovwan rhe nẹ me ta eta nana ejobi phihọ erhọn rẹ ovwan.

Jerimaya 26:2

Enẹ Ọrovwohwo tare. Mudia vwẹ ọguan rẹ uwevwi rẹ Ọrovwohwo na, re wọ ta kẹ irere ri Juda ejobi re cha ẹga vwẹ uwevwi rẹ Ọrovwohwo na eta ejobi ri mi jiji kẹ wẹ nẹ wọ ta kẹ ayen na, wo si ota ọvuọvo no-o.

Izikiẹl 21:7

Ọke rẹ ayen da ta kẹ wẹ, Die wọ vwọ viẹ? ku wọ ta, Fiki rẹ ikun na. Ọke rọ da rhe, udu kudu kọ wran abọ ejobi ke dia ghwrọghọ, erhi kerhi ko shero igbo ejobi ke dia rẹghẹ rẹghẹ kerẹ ame. Nighe, ọ cha o che ruẹ gba, eriyin Ọrovwohwo Ọghẹnẹ tare.

Emọs 3:8

Okpohrokpo na kperi; kono oshọ je muo? Ọrovwohwo Ọghẹnẹ na ta nure. kono ri jẹ aroẹmrẹ?

Iruo rẹ Iyinkọn na 4:19

Ẹkẹvuọvo Pita kugbe Jọn da kpahe kẹ ayen, o de fo vwẹ obaro rẹ Ọghẹnẹ ra vwo kerhọn rẹ ovwan jẹ Ọghẹnẹ vwo, ovwan ọvo gbe brorhiẹ nana.

Iruo rẹ Iyinkọn na 5:29

Ẹkẹvuọvo Pita kugbe otu rẹ iyinkọn na da kpahe nẹ, Avwanre se mu ọghọ kẹ Ọghẹnẹ nọ ihwo rẹ akpọ.