Jerimaya 25:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ gbe nighe, mi che se uvwiẹ rẹ obọhwẹre ọnre cha, eriyin Ọrovwohwo tare, kugbe Nebukadreza ovie ri Babilọn, odibo mẹ na, me ghwẹ ayen rhe vwọ họnre otọ nana vẹ ihwo re dia, je kpahe irere nana re yarierẹ na; me cha ghwọrọ ayen tọtọtọ, mi de ru ayen imuosho vẹ unuẹfiọn, kugbe ihwo ra hwe bẹdẹ.

Jerimaya 25:9 ပူးပေါင်းရင်းမြစ်များ

Ivie rẹ Ivẹ 24:2

Ọrovwohwo de ji ihwo ri Kaldia vẹ ihwo ri Siria vẹ Moab kugbe ihwo rẹ Ammọn ne ra họnre Juda rere ayen ghwọrọ, kerẹ ota rẹ Ọrovwohwo rẹ odibo rọye emraro na tare.

2 Ikun rẹ Ivie 29:8

Fiki rẹ ọtiọye na ophu rẹ Ọrovwohwo de bru Juda vi Jerusalẹm rhe, ọ da vwẹ ọbe rẹ oshọ re ayen, kugbe unueghe, kugbe unuẹfiọn, kirobo wa vwẹ ẹro rẹ ovwan mrẹ na.

2 Ikun rẹ Ivie 36:21

rere ota rẹ Ọrovwohwo wan unu ri Jẹrimaya ta vwọ sẹ, bẹsiẹ rẹ otọ na cha vwọ ghọghọ vwẹ edidjana rọye. Uche ẹdẹ ejobi ra kua no krite ọye ayen yọnrọn edidjana na te, bẹsiẹ rẹ ikpe ujorha gbẹ ihwe vwọ gba.

Isẹ 21:1

Udu rẹ ovie epha kerẹ uto rẹ ame vwẹ obọ rẹ Ọrovwohwo na; o se kuo rhẹriẹ kirobo ri jere.

Aizaya 10:5

E, Asiria, ophiaphien rẹ ophu mẹ, ọkpọ rẹ omẹdja mẹ!

Aizaya 13:3

Ekpuyovwi mẹ ji urhi kẹ ihwo efuanfon mẹ nure, mi se egba mẹ nẹ e ra reihri rẹ ophu mẹ, ihwo mẹ ri herẹ mu oma kpenu na.

Aizaya 39:7

Okpuyovwi re emọ wẹn evọ, re vwiẹ kẹ wẹ, ke che mu ayen yanran, ke cha dia ọghwanra vwẹ ighen re ovie ri Babilọn.

Aizaya 44:28

rọ ta kpahe Sairọs, Ọye osuigegede mẹ, ko che ru iroro mẹ ejobi gba; kọ ta kpahe Jerusalẹm, nẹ, Ka cha bọn wẹ, vwọ kpahe uwevwi na nẹ, Ka cha tọn uchivwo wẹn phihọ otọ.

Jerimaya 1:14

Ọrovwohwo da rha ta kẹ vwẹ, obọhwẹre ọnre na okpetu che nẹ brẹ ihwo rẹ otọ na cha.

Jerimaya 1:15

Kidie, nighe, Mi hiro se uvwie rẹ ivie rẹ obọhwẹre ọnre, Ọrovwohwo tare, ayen cha rhe ayen dohwo dekete rẹ uvie rọye cha bọn phihọ ughere ri Jerusalẹm, ayen cha bọn kpahe igbẹhẹ rọye ejobi riariẹ, je kpahe irere ri Juda ejobi.

Jerimaya 10:22

Kerhọn rẹ alegbe! Nighe, ọ vẹn cha– edo rode na nẹ oboọhwẹre ọnre cha ọ cha ghwọrọ irere ri Juda hirhe phihọ ofefe, kere unu rẹ ẹrha.

Jerimaya 12:14

Enẹ Ọrovwohwo tare kpahe irivẹ me imiomiovwi na re vwẹ obọ te ukuẹriọ re me vwo ke ihwo mẹ Izrẹl, nẹ vwọ reuku na: Nighe, mi che yoro ayen nẹ otọ rayẹn, ki mi yoro uwevwi ri Juda nẹ ohri rayen.

Jerimaya 18:16

Ayen ru otọ rayen phihọ emu rẹ oshọ emu ra fiọn unu kẹ bẹdẹ. Oshọ mu ohwo kohwo rọ wan rọ vrẹn o mi kpogho uyovwi.

Jerimaya 2:15

Ikpohrokpo re kperẹ nene, ayen re kperẹ gangan, Ayen ru otọ rọye ofefe; irere rọye hẹ evun rẹ oghwọrọ ihwo gbe hẹ ayẹ-en.

Jerimaya 20:4

Kidie enẹ Ọrovwohwo tare, Nighe, mi che ru we vwọ dia imuọshọ kẹ omobọ wẹn ji kugbe igbeyan wẹn ejobi. Ọlọkọ rẹ ivwighrẹ rayen che gere ayen she yi wo di ni ughe. Ki mi phi Juda ejobi phihọ obọ rẹ ọvie ri Babilọn, ọ cha ghwa ayen kpọ imu kpo Babilọn, ọ da vwe ọlọkọ hwe ayen.

Jerimaya 24:9

Mi che ru ayen vwọ dia ometuo rode kẹ ivie re akpọ na, ayen ke dia ehwẹjẹ, ayen ke dia ọhare, ra mienuhọ vẹ ekan vwẹ asan kasan me cha djẹ ayen ra ejobi.

Jerimaya 25:8

Ọtiọye na enẹ Ọrovwohwo rẹ otuofovwi na tare, Fiki rẹ obo ri we nyo eta mẹ-ẹ na,

Jerimaya 29:18

Ọlọkọ vẹ owẹvwe, kugbe ọtiekọ mi che vwo nene ayen, mi mi rhi ru ayen phiyọ imuoshọ kẹ ivie rẹ akpo na ejobi, re ayen vwọ dia ekan, osho, unuefiọn, vẹ ehwẹjẹ vwẹ uherevie rẹ irere ejobi re me djẹ ayen na.

Jerimaya 35:11

Ẹkẹvuọvo ọke rẹ Nebukadreza ovie ri Babilọn vwọ rhe rhi mu kpahe otọ nana re, ma da ta, Wa mọ, ra yanran kpo Jerusalẹm fiki rẹ oshọ rẹ unuofovwi rẹ ihwo ri Kaldia vẹ unuofovwi rẹ ihwo ri Siria na. Kọye ma vwọ dia Jerusalẹm na.

Jerimaya 36:2

Reyọ ekpirhi rẹ ọbe wo si eta re me ta kẹ wẹ kpahe Izrẹl vẹ Juda vẹ irere na ejobi phihọ, nẹ ẹdẹ re me vwọ ta ota kẹ we na, nẹ ẹdẹ ri Josaya rhi te ẹdẹ ri none na.

Jerimaya 36:29

Ku wọ ta kpahe Jehoiakim ovie ri Juda, Enẹ Ọrovwohwo tare, Die nẹrhe wo si phihọ nẹ ovie ri Babilọn ghine cha rhe ọ me rhe ghwọrọ otọ nana, ro de si ohwo vẹ eranvwe no?

Jerimaya 4:7

Okpohrokpo nẹ evun rẹ etu rọye rhe, ọghwọrọ rẹ ẹgborho na yan phiare; ọ yan nẹ asan rọye re rere ọ ru otọ rẹ ovwan phihọ ofefe irere rẹ ovwan ke cha dia erhurhu ohwo gbe dia aye-en.

Jerimaya 40:2

Onotu rẹ ohẹrhẹ na da reyọ Jerimaya ọ da ta kẹ nẹ, Ọrovwohwo rẹ Ọghẹnẹ wẹn na ghwoghwo umiovwo nana kpahe etinẹ,

Jerimaya 43:10

ọ da ta kẹ ayen nẹ, Enẹ Ọrovwohwo rẹ otuofovwi, Ọghẹnẹ rẹ Izrẹl tare, Nighe, mi che ji ikọn ra reyọ Nebukadreza ovie ri Babilọn, odibo mẹ, rhe, o che phi ekete rẹ uvie rọye phihọ enu rẹ elalọ nana ri mi sinu na, kọ bẹrẹ eharha rẹ uvie rọye sa enu rọye.

Jerimaya 46:20

Ijipt umuomuo rẹ erhuẹn ro yovwiri, ẹkẹvuọvo egbaregba che nẹ obọrhe ọnre bro cha.

Jerimaya 49:19

Kirobo rẹ okpohrokpo pho nẹ egbo ri Jọdan cha ro ogba ọgangan rẹ igegede ye, mi che ru ayen ra da djẹ jovwo kpregede, ohwo ro jevwe kọye me cha sanọ nọ re vwẹ enu rọye, Kidie ono re họhọ ovwẹ? Ono ri si ọbe se vwe?

Jerimaya 6:1

Djẹ kẹ arhọ wẹn, E ovwan ihwo ri Bẹnjamin, nẹ uherevie ri Jerusalẹm! Hworo ọgban vwi Tekoa, dje oka phia vwi Betakcherem; kidie umiovwo re ghwie nẹ obohwẹre ọnre cha, kugbe eghwọrọ rode.

Jerimaya 8:16

Ọ dia Dan e de nyo inwe ẹ fiọn rẹ iyesi rayen; kugbe ẹguangon rẹ azanọ rẹ rayen, otọ na soso de kpogho. Ayen rhere ayen da ghwọrọ otọ na kugbe obọ re vọnrọn, ọrere na ve ọtu re dia ejobi.

Izikiẹl 12:20

Irere rẹ ihwo dia ejobi ka kua ayen fiotọ, otọ na ko che hirhe phihọ ofefe, ku wọ riẹn nẹ mẹvwẹ Ọrovwohwo na.

Izikiẹl 16:40

Ayen cha ghwẹ urogho rhe vwọ so owẹ, ke ayen vwẹ ukpokpo phi we ayen me vwẹ ọlọkọ rayen nyavwe owẹ ibribro.

Izikiẹl 21:11

Ọtiọye na e de siobọ nẹ ọlọkọ na rere a nabọ rie, rere o vwo je a yọnre; a nọrọ e de rie, rere e phio phihọ obọ re ohwe-ihwo.

Izikiẹl 26:7

Kidie e nẹ Ọrovwohwo Ọghẹnẹ tare: Nighe, me cha reyọ Nebukadreza ovie ri Babilọn nẹ obọhwere ọnre rhe vwọ so Taya, ovie rivie na, vẹ iyesi kugbe ekpẹrẹ vẹ ihwo re gua iyesi kugbe otu ofovwi buebu.

Izikiẹl 36:5

vwẹ ọtiọye na kẹ e nẹ Ọrovwohwo Ọghẹnẹ tare: Me ta ota vwẹ evun rẹ omẹriọ mẹ vwọ kpahe ẹgborho ri chekọ na, vwọ kpahe Idọm ejobi, re vwẹ otọ mẹ ghare ughwẹ kẹ oma rẹ ayen vẹ aghọghọ rode kugbe ehwẹjẹ, rere ayen mrasan vwọ reyọ rere ayen gborho.

Daniẹl 5:18

E ovie, Ọghẹnẹ ro Me Kpenu ejobi vwẹ adia rẹ ovie, ọrho te urinrin vẹ ọghọ kẹ Nebukadneza ọsẹ wẹn.

Habakọk 1:12

Ọ dia owẹ re herọ rhiri bẹdẹ, E Ọrovwohwo Ọghẹnẹ mẹ, Ọfuanfọn Ọvuọvo mẹ na? Avwanre che ghwu-u, E Ọrovwohwo, wẹ re vwẹ ayen mu kerẹ ẹdjọeguo; Wẹ, E Oragha, wẹ re vwẹ ayen mu vwọ kẹ efafa.

Habakọk 1:17

Ọ gba vwi kẹdẹ kẹdẹ siẹ iyeri nẹ ariri rọye, o gbe di hwe ẹgborho na ekueku bẹdẹ?

Urhi Rivẹ 28:37

Ku wo hirhe phihọ utuoma vẹ isẹ, kugbe ehwẹjẹ, vwẹ uherevie rẹ ihwo na ejobi rẹ asan rẹ Ọrovwohwo che sun we ra na.