Jerimaya 25:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ ovwan yan nene eghẹnẹ efa re wa ga ayen, shiguẹ kẹ aye-en, eyẹ wa vwẹ iruo rẹ abo rẹ ovwan kpare ovwẹ ophu-u. Me gbe wan ovwan oma-a.

Jerimaya 25:6 ပူးပေါင်းရင်းမြစ်များ

1 Ivie 14:22

Juda de ru obo re brare vwẹ obaro rẹ Ọrovwohwo, ayen da vwẹ imwemwu re ayen ruru vwọ kpare omẹriọ rọye, nọ obo rẹ esẹ rayen ri chekọ ruru.

Ivie rẹ Ivẹ 17:35

Ọrovwohwo vẹ ayen da rẹ ọphọ, o de ji urhi kẹ ayen, Wa djẹ oshọ rẹ edjọ efa-a, we she iguẹ kẹ ayẹ-en, wa ga aye-ẹn, eyẹ we ze izobo kẹ aye-en.

Ẹyano 20:23

Wọ rha kare edjọ rẹ idọnọ ọfuanfon vwọ ba vwẹ-ẹ, eyẹ wọ je ma edjọ rẹ oro kẹ oma wẹ-ẹn.

Ẹyano 20:3

Wo vwo eghẹnẹ efa-a mẹvwẹ ọvo.

Jerimaya 32:30

Kidie emọ rẹ Izrẹl vẹ emọ ri Juda rhe ji ru emuọvo-o jokpa rẹ umiovwo ọvo vwẹ obaro mẹ nẹ ọke emọ rhe, rẹ Izrẹl ji ru emu ọvo-o jokpa rẹ ophu mẹ rẹ ayen kpare ọvo, eriyin Orovwohwo tare.

Jerimaya 35:15

Mi ji idibo mẹ rẹ emraro na ejobi bru ovwan rhe, mi ji ayen ejojo, nẹ, Dohwo didjerhe umwemwu rọye rhẹriẹ ru, wa rhuẹrẹ eyere rẹ ovwan, vwo je edjọ efa ẹyan nene re we jẹn ayen egọ, re wa sa dia evun rẹ otọ re me kẹ ovwan vẹ esẹ rẹ ovwan na. Ẹkẹvuọvo wa vwẹ erhọn kpọtọ-ọ wa je kerhọn mẹ-ẹ.

Jerimaya 44:7

Vwẹ asakiephana enẹ Ọrovwohwo Ọghẹnẹ rẹ otuofovwi, Ọghẹnẹ rẹ Izrẹl tare: Die sorọ ru we vwo ru umwemwu kpahe ekpuyovwi rẹ ovwan, re wa vwọ nyavwẹ ọshare vẹ aye, omotete vẹ ọmọfofa nẹ uherevie ri Juda, rẹ ohwo ọvuọvo vwo je chekọ kẹ ovwan?

Jerimaya 44:8

Die sorọ re wọ vwọ reyọ iruo rẹ abọ rẹ ovwan vwọ nẹrhẹ ovwe phihọ ophu, rọ vwọ torhẹ ugboduma kẹ edjọ efa vwẹ otọ ri Ijipt re wa rhere rhe dia na, rere e vwo bru ovwan kufia re we rhi hirhe phihọ ekan vẹ ehwẹje kẹ uvwiẹ rẹ akpọ na?

Jerimaya 7:6

rẹ ovwan gbi shenyẹ ọrhorha-a, rẹ ovwan gbi shenyẹ ọmọphrorivwi-i, kugbe ayeuku-u, eyẹ ovwan gbi sun ọbara ekueku te otọ vwẹ etinẹ na-a, rẹ ovwan gbi nenesi rẹ eghẹnẹ efa-a kẹ emiovwo rẹ ovwa-an,

Jerimaya 7:9

Kẹ we cho uji, dia ozighẹ, we gbe igberadja, duvwu iyori rẹ eku, torhẹ incens ki Baal, we nene eghẹnẹ efa re ovwan riẹnre-e,

Hosia 1:7

Ẹkẹvuọvo me re ehrọre rẹ uwevwi ri Juda, ki mi sivwi ayen vwẹ oma rẹ Ọrovwohwọ rẹ Ọghẹnẹ rayen, Me vwẹ umurhabọ sivwi aye-en, eyẹrẹ ọlọkọ, eyẹrẹ ofovwi eyẹrẹ Iyesi, eyẹrẹ ihwo re gua iyesi.

Urhi Rivẹ 13:2

rẹ oka eyẹ emuigbunu rọ vuẹ wẹ na, da ghine phia, tanẹ, Mọ ra gọ ẹdjọ, rẹ wọ riẹnre-e, nẹ jẹ avwanre ga ayen

Urhi Rivẹ 28:14

re ovwan rhe kuoma rhẹriẹ nẹ eta ri mi ji urhi kẹ ovwan nonẹ na-a, vwọ yan kpo obọrhẹ eyẹ obohwerẹ, vwo nene edjọ efa vwọ gan aye-en.

Urhi Rivẹ 6:14

We che nene edjọ-ọ, edjọ rẹ ihwo re yariẹ ovwan phihọ na;

Urhi Rivẹ 8:19

O de rhi te, ọ da dianẹ Ọrovwohwo Ọghẹnẹ wẹn chọrọ owẹ ẹro, ro wọ da yan nene ẹdjọ, wọ da ga ayen, ji shiguẹ kẹ ayen, Me vuẹ wẹ nonẹ nẹ wo ghinẹ ghwu.

Joshua 24:20

Ọ da dianẹ ovwan siẹn Ọrovwohwo na ra gọ edjọ erhorha ko kuoma rhẹriẹ re wan ovwan oma, kọ ghwọrọ ovwan, yo ru emu esiri kẹ ovwan nure.