Jerimaya 25:32 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³² Enẹ Ọrovwohwo rẹ otuofovwi na tare: Nighe, umiovwo nẹ orere ra ro orere re, O se ogidi rode na nẹ oba rẹ akpo na rhe!

Jerimaya 25:32 ပူးပေါင်းရင်းမြစ်များ

2 Ikun rẹ Ivie 15:6

Ayen da rhe hra ẹkuẹko, ẹgborho vwọ so ẹgborho orere vwọ so orere, kidie Ọghẹnẹ da vwẹ oghẹre koghẹre rẹ emiavwe vwo mu ayen.

Aizaya 30:30

Ọrovwohwo ko che ru re de nyo urhuru rẹ ọrho rọye ka je cha mrẹ odju rẹ ochẹ rẹ ighabọ rọye, vwẹ ophu ọtuatua kugbe ela ve ẹtorhẹ re erhanre, vẹ ikoro rọ bẹre vẹ ọgiribọ kugbe iblosio rẹ erhanre.

Aizaya 34:2

Kidie ophu mu Ọrovwohwo kpahe ẹgborho na ejobi, ophu djọghọ djogho kpahe usun re otu rayen, ọ vwe ughwu ke ayen nure, o siobọ ne ayen ke ehwe

Aizaya 5:28

ibige rayen pha dandan, imirhabọ rayen ejobi gba phihọ, ichuku awọ rẹ iyesi rayen pha gangan kerẹ utehru, adjugẹn rayen kerẹ adjugẹn rẹ odju.

Aizaya 66:18

Kidie Me riẹn iruo rayen kugbe iroro rayen, ye Me cha cha ghwẹ ẹgborho kugbe ẹrenvwe na kugbe, ayen ke cha rhe re mrẹ urinrin mẹ,

Jerimaya 23:19

Nighe, ogiribo rẹ Ọrovwohwo! Ophu rọye ro otafe re, ọdju rode; ọ cha enu rẹ iriumwemwu na.

Jerimaya 30:23

Gbe ni ogiribo rẹ Ọrovwohwo! Ophu rọye duvwu phia re, odju rode na; O cha bẹrẹ ku uyovwi rẹ oruimwemwu.

Jerimaya 6:22

Enẹ Ọrovwohwo na tare: Nighe, ihwo evo nẹ obọhwẹre ọnre cha ẹgborho rode na ri tue nẹ ogboko, oba rẹ akpo na cha.

Jerimaya 6:23

Ayen yọnrọn umurhabọ vẹ oshuẹ, ihwo umwemwu ri nẹ aruedọ-ọ, edo rayen họhọ ohọnre rẹ abadi ayen gua vwẹ enu re iyesi e nabo hwa phihọ kerẹ ihwo re hẹrhẹ ofovwi e hwa kpahe owẹ, E ọmọtẹ ri Zayọn!

Zẹfanaya 3:8

Fiki rẹ ọtiọye na gba hẹrhẹ ovwẹ, eriyin Ọrovwohwo na tare, vwẹ ẹdẹ ri mi de che vrẹn rhe kerẹ oseri. Kidie orhiẹbro mẹ na mi se ẹgborho na koko, me me ghwẹ uvie na koko, ki mi che ku ivuemiovwo mẹ ku ayen, ọrhorho rẹ ophu mẹ na, kidie vwẹ evun rẹ erhanre rẹ omeriọ rẹ ophu mẹ na akpọ na ejobi kọ cha tọrhe re.

Iyẹnrẹ Esiri ri Luk 21:10

Etiyin ọ da ta kẹ ayen, Ẹgborho che vrẹn vwọ so ẹgborho, uvie cha vwọ so uvie;

Iyẹnrẹ Esiri ri Luk 21:25

Oka kọ cha dia evun rẹ ọnre kugbe emeranvwe kugbe isio, vwẹ enu rẹ akpọ na kẹ uvwerhe rẹ ẹgborho na vẹ ofuedje vwẹ ẹsiẹ rẹ ọsẹghẹ rẹ abadi da cha rọ da gbogha,