Jerimaya 25:30 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁰ Vwẹ ọtiọye na, wọ me mraro rẹ eta nana kpahe ayen, wọ ta kẹ ayen nẹ: Ọrovwohwo cha van nẹ enu cha, O che do urhuru nẹ ẹdia ọfuanfon rọye rhe; Ọ cha van gangan kpahe igegede rọye kperi, kere ihwo ri chiyi edi, kpahe ihwo re dia akpọ na ejobi.

Jerimaya 25:30 ပူးပေါင်းရင်းမြစ်များ

2 Samuẹl 15:25

Etiyin ovie da ta kẹ Zadọk, Mu ekpeti rẹ Ọghẹnẹ na hirhe kpo obo orere. Ọ da dianẹ me mrẹ ẹroesiri vwẹ obaro rẹ Ọrovwohwo, kọ vwo vwẹ hirhe rhe, me je mrẹ kugbe asan rọ dia;

1 Ivie 9:3

Ọrovwohwo da ta kẹ, Mi nyo ẹrhovwo wẹn kugbe orẹ wẹn, ru wọ nẹ kẹ vwẹ; mi ru uwevwi nana ru wọ bọnre na fon, mi de phi odẹ mẹ phihọ bẹdẹ; ẹro mẹ kugbe udu mẹ kọ dia etiyin vwẹ ọke ejobi.

2 Ikun rẹ Ivie 30:27

Etiyin irherẹn na vẹ ihwo ri Livae na de vrẹn ayen da nẹ ẹrhovwo kẹ ihwo na, dẹ nyo urhuru rayen, ẹrhovwo rayen de rhi te ẹdia ọfuanfọn rọye vwẹ obo odjuvwu.

Une rẹ Ejiro 11:4

Ọrovwohwo ọ he evun rẹ uwevwi ọfuanfọn rọye, Ekete rẹ Ọrovwohwo ọ hẹ obo odjuvwu; ẹro rọye mrẹ, iphọphẹro rọye davwa, emọ rẹ ihwo rẹ akpọ.

Une rẹ Ejiro 132:14

Ọnana asan omerovwo mẹ bẹdẹ, etinẹ me dia, kidie me guọnerọ.

Une rẹ Ejiro 46:6

Ẹgborho na ra họnra, uvie na ghwẹre ọ ta ota, akpọ na ejobi da wran re.

Une rẹ Ejiro 58:5

rere o vwo jẹ urhuru rẹ ohwo ro hworo ẹbo enyo eyẹ ọ ro ru ona re ẹbo ephopho.

Une rẹ Ejiro 78:65

Etiyin Ọrovwohwo da rhọvwọ rhe kerẹsiẹ ra vwerhẹ, kerẹ ọgba rọ kperẹ vwẹ ọke rẹ udi de muo.

Aizaya 16:9

Eriyin na oviẹ ri Jazer kọ nẹrhẹ ovwẹ viẹ fiki ri vain ri Sibmah, Me vwẹ oviẹ mẹ kpọrhọ owẹ, E Hẹshbọn kugbe Elealeh; kidie vwẹ enu rẹ emamọ wẹn kugbe orhọ wẹn ọye unuebo rẹ ofovwi na she phihọ.

Aizaya 33:3

Vwe edo re ovan re aghrahra wẹn, ihwo ki muẹ dje, wọ da kparọma wẹn eghọrhọ na kẹ de hra;

Aizaya 42:13

Ọrovwohwo yan phia kerẹ ọgba, kerẹ ohwo rẹ ofovwi rẹ ophu kpare, ọ viẹ phia, o kperi phia, ọ vwẹ ẹgba rọye phia gangan kẹ ivwighrẹ rọye.

Jerimaya 17:12

Ekete rẹ urinrin re mu phihọ nẹ ẹtuọhọ rhe ọye hẹ ẹshẹ rẹ avwanre.

Jerimaya 25:38

Ọ ya jẹ emwa rọye vwọ kerẹ okpohrokpo, kidie otọ rayen ghwọrọ kufia fiki rẹ ọlọkọ rẹ Ọrovwohwo na, kugbe fiki rẹ ophu ọtuatua rọye na.

Jerimaya 48:33

Omavwerhovwẹ vẹ aghọghọ a reyọ ayen yanran nẹ otọ oyoyovwi ri Moab; Mẹvwẹ re da iwani ji vwẹ asan re de mio, ohwo ọvuọvo rha vwẹ aghọghọ chiyi aye-en, edo na gbe dia edo rẹ aghọghọ-ọ.

Hosia 11:10

Ayen che nene Ọrovwohwo, ko che kperi kerẹ okpohrokpo, e, o che kperi, emọ rọye ki che nẹ obuko ọnre rhe vẹ ophariẹ;

Hosia 5:14

Kidie me cha họhọ okpohrokpo kẹ Ifrem, kerẹ ọmọ rẹ okpohrokpo kẹ uwevwi ri Juda. Mẹvwẹ, ekpuyovwi mẹ, me da bẹrẹ nu ke me yanran, Mi che muo yanran, yẹ o vwo ohwo ro se sivwo mie vwe-e.

Joẹl 3:16

Ọrovwohwo de do nẹ Zayọn rhe, urhuru rọye da mra nẹ Jerusalẹm rhe, odjuvwu vẹ akpọ na de mu kpogho Ẹkẹvuọvo Ọrovwohwo hẹ odjahọ kẹ ihwo rọye, ogba ọgangan kẹ ihwo rẹ Izrẹl.

Emọs 1:2

Ọ da ta: Ọrovwohwo na do ni Zayọn rhe, Ọ da ta ota ni Jerusalẹm rhe, egbri re isuigodẹ na muoma phihọ, enu ri ugbenu ri Kamẹl vwiori.

Emọs 3:8

Okpohrokpo na kperi; kono oshọ je muo? Ọrovwohwo Ọghẹnẹ na ta nure. kono ri jẹ aroẹmrẹ?

Zekaraya 2:13

Ihwo ejobi, fọ gbiẹi vwẹ obaro rẹ Ọrovwohwo; kidie ọ kpare oma rọye nẹ ẹdia ọfuanfọn rọye rhire.

Urhi Rivẹ 26:15

Gba dia ẹdia ọfuanfon wẹn na de ni otọ nẹ obo odjuvwu rhe, rere wo bruphihọ kẹ Izrẹl rẹ ihwo wẹn vẹ otọ re wọ vwọ kẹ avwanre na, kirobo wo veri kẹ esẹ rẹ avwanre otọ rọ djẹ ọkẹre rẹ ameivie vẹ ọnyọn.

Ẹvwọphia 19:15

Ọlọkọ rọ dan prẹprẹ de yoro nẹ unu rọye rhe kọye ọ vwọ nyavwe ẹgborho na hwe, kọ vwẹ ọkpọ rẹ utehru sun ayen; ko che chiyi okọ rẹ imiemi rẹ ophu rẹ Ọghẹnẹ Ọrovwoẹgba.