Jerimaya 25:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Etiyin ikpe uje gbẹ erha re, nẹ ẹgbukpe ihwe gbẹ erha ri Josaya ọmọ rẹ Amọn ovie ri Juda na, rhi te nonẹ na, ota rẹ Ọrovwohwo na bru vwe rhe, me je ta kẹ ovwan ẹtẹta kẹ, dede na wa kerhọ-ọn.

Jerimaya 25:3 ပူးပေါင်းရင်းမြစ်များ

Jẹnẹsis 22:3

Etiyin Ebraham de vrẹn vwẹ irhiọke ride, ọ da jẹn ufi phihọ ekẹtẹkẹtẹ rọye, ọ da reyọ emeshare rọye ivẹ vwọ boma, kugbe ọmọ rọye Aizik, o de kru ekrirhe re ze izobo rẹ ẹtorhẹ na, o de vrẹn vwo kpo asan rẹ Ọghẹnẹ dje kẹ na.

1 Ivie 22:3

Ovie rẹ Izrẹl da ta kẹ idibo rọye, Wa riẹn Ramot-gilead ọ rẹ avwanre, yẹ avwanre rha je reyọ mie ovie ri Siria?

Ivie rẹ Ivẹ 17:13

Dede na yẹn Ọrovwohwo ji ọmraro kọmraro kugbe ọmrẹ kọmrẹ ra nẹ Izrẹl vi Juda iroro, nẹ, Kurhẹriẹ nẹ idjerhe umwemwu rẹ ovwan na rere ovwan sẹro rẹ irhi mẹ kugbe iji mẹ, ovwan yọnrọn ayen kirobo ri mi ji urhi vwọ kẹ esẹ rẹ ovwan, kirobo ri mi ji idibo mẹ emraro na rhi yono ovwan.

2 Ikun rẹ Ivie 24:19

Yẹ o ji ji emraro rhe ohri rayen rere ọ vwẹ ayen rhivwi rhe Ọrovwohwo; enana ki se oseri hwe ayen, ẹkẹvuọvo yẹ ayen davwerhọ-ọn.

2 Ikun rẹ Ivie 34:1

Josaya ikpe ẹrenre ọke ro vwo mu phihọ ẹriọ, ọ da re ikpe ọgban gbe ọvo vwi Jerusalẹm.

2 Ikun rẹ Ivie 34:3

Kidie vwẹ ikpe ẹrenre rẹ ẹriọ rọye, yọ je hẹ omotete na, ọ da guọnọ Ọghẹnẹ ri Devid ọsẹ rọye; vwẹ ikpe ihwivẹ rẹ ẹriọ rọye ọ da guọghọ asan ri kpenu ejobi, ighriki na, re hẹ Juda vi Jerusalẹm, kugbe ema re bru ena phihọ kugbe i re kuru.

2 Ikun rẹ Ivie 34:8

Asakiephana vwẹ ikpe rihwe gbẹ ẹrenre rẹ ẹriọ rọye, ọke ro vwo hwerhe otọ na vẹ uwevwi na nu, o de ji Shafan ọmọ rẹ Azalaya, kugbe Maaseiya osun rẹ orere na, kugbe Joah ọmọ ri Joahaz, rẹ okeri na, nọ rhuẹrẹ uwevwi rẹ Ọrovwohwo Ọghẹnẹ rọye na.

2 Ikun rẹ Ivie 36:15

Ọrovwohwo na, Ọghẹnẹ rẹ esẹ rayen, de ji ikọn ejobi bru ayen, fikiridie ọ re ehrọre rẹ ihwo rọye kugbe asan rọ dia.

Une rẹ Ejiro 81:13

E manẹ kẹ ihwo mẹ sa kerhọn mẹ vwonẹ, rere Izrẹl yan vwẹ idjerhe mẹ!

Ẹyano 8:20

Etiyin Ọrovwohwo da ta kẹ Mosis, Vrẹn vwẹ irhiọke rhirhi wọ ra hẹrhẹ Fero, vwẹ ọke ro de kpo obo ame na, rere wọ ta kẹ, Enẹ Ọrovwohwo tare, Jẹn ihwo mẹ kpo rere ayen ra ga vwẹ.

Aizaya 55:2

Die wọ vwọ rhaphiẹ igho wẹn phihọ emu rọ dia emuọre-e, wọ vwọ wian phihọ obọ re vọn evu-un? Nabọ kerhọn Mẹ, re wọ re obo ri yovwiri, rere oma rẹ ivwir vwerhe owẹ.

Jerimaya 1:2

ohwo rẹ ota rẹ Ọrovwohwo brurhẹ vwẹ ọke ri Josaya ọmọ rẹ Amọn, ovie ri Juda, vwẹ ikpe ihwerha rẹ ẹriọ rọye.

Jerimaya 11:7

Kidie me da nabọ kpokpa kẹ esẹ rẹ ovwan re me vwọ reyọ ayen nẹ otọ rẹ Ijipt cha, kọke kọke rhi te nonẹ na, tanẹ, Nyo urhuru mẹ.

Jerimaya 19:15

Enẹ Ọrovwohwo rẹ otuofovwi, Ọghẹnẹ rẹ Izrẹl, tare, Nighe, me herọ ghwa umiovwo cha orere nana kugbe irere rọye ejobi umiovwo ri mi ghwoghwo kpahọ ejobi, fikiridie ayen gan udu phihọ, ayen rhọvwe nyo eta mẹ-ẹ.

Jerimaya 22:21

Me ta kẹ wẹ vwẹ evun rẹ oyovwe wẹn, ẹkẹvuọvo wọ tare, Me cha kerhọ-ọn, Ọnana uruemu wẹn nẹ emọ rhe, nẹ wo nyo urhuru mẹ-ẹ.

Jerimaya 25:4

Wa kerhọ-ọn wa je vwẹ erhọn kpotọ re we nyo-o, owene Ọrovwohwo na jẹ idibo na emraro na ejobi bru ovwan rhe vwẹ ọke ejobi,

Jerimaya 26:5

vwọ kerhọn rẹ eta rẹ idibo mẹ emraro na ri mi ji bru ovwan cha phẹrephẹre na, dede na wa kerhọ-ọn,

Jerimaya 29:19

Fikiridie ayen davwẹ erhọn rẹ eta mẹ na-a ri mu jẹ idibo mẹ rẹ emraro na nẹ e ra ta kẹ ayen kẹsiẹ kẹsiẹ, eriyin Ọrovwohwo tare, ẹkẹvuọvo wa cha kerhọ-ọn, eriyin Ọrovwohwo tare.

Jerimaya 32:33

Ayen hirhe obuko rayen ku vwe ọ dia opharo raye-en, obo mi dje ayen eyeyono te na ayen sa kerhọn vwọ reyọ uyono-o.

Jerimaya 35:14

Urhi ri Jonadab ọmọ ri Rekab vwọ kẹ emọ rọye, nẹ ayen da waini-i, ayen yonrọn; ayen dare rhi te none na-a, kidie ayen yọnron urhi rẹ ọsẹ rayen, mi dje ovwan ẹtẹta kẹ, ẹkẹvuọvo wa kerhọn mẹ-ẹ.

Jerimaya 35:15

Mi ji idibo mẹ rẹ emraro na ejobi bru ovwan rhe, mi ji ayen ejojo, nẹ, Dohwo didjerhe umwemwu rọye rhẹriẹ ru, wa rhuẹrẹ eyere rẹ ovwan, vwo je edjọ efa ẹyan nene re we jẹn ayen egọ, re wa sa dia evun rẹ otọ re me kẹ ovwan vẹ esẹ rẹ ovwan na. Ẹkẹvuọvo wa vwẹ erhọn kpọtọ-ọ wa je kerhọn mẹ-ẹ.

Jerimaya 36:1

Vwẹ ukpe rẹ ẹne ri Jehoiakim ọmọ ri Josaya ovie ri Juda na, ota nana de nẹ obọ rẹ Ọrovwohwo bru Jerimaya rhe:

Jerimaya 36:2

Reyọ ekpirhi rẹ ọbe wo si eta re me ta kẹ wẹ kpahe Izrẹl vẹ Juda vẹ irere na ejobi phihọ, nẹ ẹdẹ re me vwọ ta ota kẹ we na, nẹ ẹdẹ ri Josaya rhi te ẹdẹ ri none na.

Jerimaya 44:4

Dede na mi dje idibo mẹ emraro na ejejo bru ovwan rhe tanẹ, E, we ruẹ emuẹgha nana ro tu vwe oma na-a!

Jerimaya 7:13

Fiki rẹ obo rẹ ovwan vwo ru imu nana, vwẹ asakiephana, eriyin Ọrovwohwo na tare, ọke mi vwo dje ovwan ẹtẹta kẹ wa kerhọ-ọn, mi vwo se ovwan we nyori-i,

Jerimaya 7:25

Nẹ ẹdẹ rẹ esẹ rẹ ovwan vwo nẹ otọ rẹ Ijipt rhe rhi te none na, mi vwo ji idibo mẹ emraro na ejejo bru ayen, nẹ ẹdẹ ra ro ẹdẹ,

Izikiẹl 33:4

ri kohwo kohwo ro nyo umri rẹ owanre na rọ rha kẹnẹ oma-a, rẹ ọlọkọ na da rhe rhe reyọ yanran, ọbara rọye kọ dia uyovwi rẹ obọ rọye.

Zekaraya 1:4

Wa họhọ esẹ rẹ ovwa-an, e rẹ emraro rẹsosuọ kperi phia kẹ, E nẹ Ọrovwohwo rẹ otuofovwi tare, We rhivwi nẹ idjerhe umwemwu rẹ ovwan vẹ uruemu ebrabra rhe. Ẹkẹvuọvo ayen nyo vwe-e, ayen je kerhọn mẹ-ẹ, Ọrovwohwo tare.

Iyẹnrẹ Esiri ri Mak 1:35

Vwẹ irhiọke ride, tavwe rẹ ọke ki ri rhie o de vrẹn kpo asan ofuefu ofuefu, kẹ etiyin ọ da ra nẹ ẹrhovwo.

Iyẹnrẹ Esiri ri Jọn 8:2

Vwẹ irhiọke ride ọ da rhoma rhe uwevwi rẹ ẹga na; ihwo na ejobi de bro rhe, o de tidia o de yono ayen.

Iyẹnrẹ Esiri ri Jọn 8:47

Ọ rọ dia ọ rẹ Ọghẹnẹ nyo eta rẹ Ọghẹnẹ; otọ rẹ obo rẹ ovwan gbi nyo aye-en na kọye sorọ rẹ ovwan vwo jẹ ọ rẹ Ọghẹnẹ ẹ dia.

2 Timoti 4:2

Ghwoghwo ota na, kpata kpata vwẹ evwru eyẹ vwẹ oghẹre rẹ ọke ejobi, vwẹ erhiori wo jọ bẹn wẹ-ẹ, ta rọ ro ohwo ghwo, bru uche,