Jerimaya 25:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Ivie rẹ obọhwẹre ọnre ejobi, te iri sheri vẹ ere kẹre, ohwo kpahe ohwo, vẹ uvie rẹ akpọ na ejobi re hẹ enu rẹ otọ na. Ayen da da nu ovie ri Babilọn kọ da.

Jerimaya 25:26 ပူးပေါင်းရင်းမြစ်များ

Jerimaya 51:41

Mavọ e mu Babilọn, ejiro rẹ akpọ ejobi de fuen! Mavọ Babilọn rhoma rhe dia emuoshọ vwẹ ohri rẹ ẹgborho na!

Jerimaya 25:9

gbe nighe, mi che se uvwiẹ rẹ obọhwẹre ọnre cha, eriyin Ọrovwohwo tare, kugbe Nebukadreza ovie ri Babilọn, odibo mẹ na, me ghwẹ ayen rhe vwọ họnre otọ nana vẹ ihwo re dia, je kpahe irere nana re yarierẹ na; me cha ghwọrọ ayen tọtọtọ, mi de ru ayen imuosho vẹ unuẹfiọn, kugbe ihwo ra hwe bẹdẹ.

Habakọk 2:16

Ehwẹjẹ kọ che dje we ọvẹn ọ rha dia urinri-nn. Da udi, phihọ oma wen, rere wo gele! Uko rọ hẹ obọrhe rẹ Ọrovwohwo na kọ cha riẹriẹ owẹ phihọ, omaẹvuọ kọ che rhurhu urinrin wẹn!

Izikiẹl 32:30

Isun rẹ obọhwẹre ọnre hẹ etiyin, ayen ejobi, kugbe ihwo ri Sidọn, re yanran vẹ omaẹvuọ kpọ ughwu, fiki rẹ uguegue rẹ ẹgba rẹ ayen, ayen da riẹn nene otọ vẹ upheruphe kugbe ayen otu rẹ ọlọkọ hweri, ayen da ghwa oghwa rẹ omaẹvuọ rayen kugbe ayen otu re yanran kpo obo Ukpotọ na.

Jerimaya 25:12

Siẹ rẹ ikpe ujorha gbẹ ihwe na da gba nure, ki mi ru ovie ri Babilọn vẹ orere yena djadja, otọ rẹ ihwo ri Kaldia na, fiki rẹ orukuruku rayen, eriyin Ọrovwohwo tare, ki mi ru ayen ofefe bẹdẹ bẹdẹ.

Aizaya 51:23

Ki Mi phio phihọ obọ rẹ ihwo ri gbe oja kẹ wẹ, re ta kẹ wẹ nẹ, Rhuẹn kpotọ, rere Me shariẹ owẹ vrẹn, Yi wo ru ugbuko wẹn kerẹ otọ kere urhuvwu kẹ ayen otu re wan vrẹn

Jerimaya 51:51

A vwẹ avwanre jehwe, kidie me nyo ehweje, omaẹphọphọ rhurhu avwanre opharo, kidie erhorha rhe evun rẹ asan ọfuanfon rẹ uwevwi rẹ Ọrovwohwo na.