Jerimaya 25:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Jerusalẹm vẹ irere ri Juda, ivie vẹ isun rọye, re e vwo ru ayen ofefe ra vwọ ghwọrọ ayen, ru ayen unuefiọn vẹ ekan, kirobọ rọ epha nọne na.

Jerimaya 25:18 ပူးပေါင်းရင်းမြစ်များ

1 Ivie 8:24

rọ yọnrọn ive ro ve kẹ odibo rọye Devid ọsẹ mẹ, uyota, wọ vwẹ ugbunu wẹn vwọ ta nu, wọ da rhe vwẹ obọ ruo gba nonẹ na.

Ivie rẹ Ivẹ 22:19

Fikiridie udu wẹn kurhẹriẹ, wọ da vwẹ oma wẹn kpotọ vwẹ obaro rẹ Ọrovwohwo na, ọke wo vwo nyo obo me ta kpahe etinẹ na, vẹ ihwo rọye, nẹ ayen cha kua fiotọ, wọ da bẹrẹ emwa djẹ oma, wọ da viẹ vwẹ obaro mẹ, Mi ji nyo wẹn rhe, ọtiọye Ọrovwohwo tare.

2 Ikun rẹ Ivie 29:8

Fiki rẹ ọtiọye na ophu rẹ Ọrovwohwo de bru Juda vi Jerusalẹm rhe, ọ da vwẹ ọbe rẹ oshọ re ayen, kugbe unueghe, kugbe unuẹfiọn, kirobo wa vwẹ ẹro rẹ ovwan mrẹ na.

Ezra 9:7

nẹ ẹdẹ rẹ esẹ rẹ avwanre rhe rhi te nonẹ na, ọye avwanre vwọ hẹ evun rẹ abe, vwi fiki rẹ imwemwu rẹ avwanre, avwanre vẹ ivie rẹ avwanre, kugbe irherẹn rẹ avwanre: e vwo mu avwanre phihọ obọ rẹ ivie rẹ otọ na, vwọ kẹ ọlọkọ, vwọ kẹ ighuvwu, vwọ kẹ ugborho, vwọ kẹ omaẹvuọ kirobo rọ epha rhi te nonẹ na.

Nehemaya 9:36

Nighe, nonẹ na avwanre ke eviẹn; vwẹ evun re otọ ru wọ vwọ kẹ esẹ rẹ avwanre nẹ ayen re emamọ rọye kugbe emu esiri rọye, nighe, avwanre kẹ eviẹn.

Une rẹ Ejiro 60:3

Wẹ re nẹrhẹ ihwo wẹn re oja rẹ imu egangan; wẹ re kẹ avwanre udi da ro gele avwanre na.

Aizaya 40:23

ohwo ro hirhe emọ rẹ ivie phihọ emu diodi, o mi ni isun rẹ akpọ na ejobi phihọ ighevweghe.

Aizaya 65:15

Wọ cha yan jẹ odẹ wẹn vwo kẹ ọ re Me jẹreyọ na vwọ harhe ekan, Ọrovwohwo rẹ Ọghẹnẹ ko ghwie we hwe, ẹkẹvuọvo idibo rọye ko mu odẹ ọfa kẹ ayen.

Jerimaya 1:10

Nighe, nonẹ na me vwẹ owẹ mu vwẹ enu rẹ ẹgborho kugbe enu rẹ ivie, wọ vwọ kọnre wọ je guọghọ te otọ, wọ vwọ ghwọrọ wo vwo phi kua, wọ vwọ bọn wọ je vwọ kọn.

Jerimaya 13:3

Ota rẹ Ọrovwohwo ki bru uvwe rhe vwẹ obọ rivẹ,

Jerimaya 13:9

Enẹ Ọrovwohwo tare: Ọtiọye me tobọ miovwi eheri ri Juda kugbe okpeheri ri Jerusalẹm.

Jerimaya 24:9

Mi che ru ayen vwọ dia ometuo rode kẹ ivie re akpọ na, ayen ke dia ehwẹjẹ, ayen ke dia ọhare, ra mienuhọ vẹ ekan vwẹ asan kasan me cha djẹ ayen ra ejobi.

Jerimaya 25:11

Otọ nana soso na che hirhe phihọ umiovwo kọ dia ofefe, irere nana cha ga ovie ri Babilọn ikpe ujorha gbẹ ihwe.

Jerimaya 25:9

gbe nighe, mi che se uvwiẹ rẹ obọhwẹre ọnre cha, eriyin Ọrovwohwo tare, kugbe Nebukadreza ovie ri Babilọn, odibo mẹ na, me ghwẹ ayen rhe vwọ họnre otọ nana vẹ ihwo re dia, je kpahe irere nana re yarierẹ na; me cha ghwọrọ ayen tọtọtọ, mi de ru ayen imuosho vẹ unuẹfiọn, kugbe ihwo ra hwe bẹdẹ.

Jerimaya 26:6

ki mi che ru uwevwi nana kerẹ Shilo ki mi ji ru orere nana ekan vwọ ke irere re akpọ na ejobi.

Jerimaya 44:22

Ọrovwohwo gbi se chiri uruemu omiomiovwi rẹ ovwan kugbe ẹgua rẹ ovwan na ọfa-a, fiki rẹ ọtiọye na otọ rẹ ovwan rhi vwo hirhe phihọ ofefe vẹ ẹghwọrọ kugbe ekan, ihwo gbe herọ-ọ, kirobo rọ epha nonẹ na.

Izikiẹl 30:7

Kọ cha kua vwẹ ohri rẹ irho ra kua fiotọ irere rọye ke cha dia vwẹ evun rẹ uherevie rẹ irere ra guọghọ te otọ.

Daniẹl 9:12

O ru eta rọye na gba, rọ ta kpahe avwanre vẹ isun ri suẹn avwanre, rọ vwọ reyọ ukpokpogho rode vwo rhe avwanre, kidie vwẹ otọ rẹ ọnre na ejobi obọ re ru ke Jerusalẹm na e ji ruo dẹvo-o.

Emọs 2:5

Fiki rẹ ọtiọye na ki mi phi erhanre phihọ Juda, kọ torhẹ ogba ọgangan ri Jerusalẹm.

Emọs 3:2

Wẹ ọvo Me riẹnre vwẹ usun rẹ erua rẹ akpọ na ejobi, fiki rẹ ọtiọye na ki mi hwe we fiki rẹ orukuruku wẹn ejobi.

Maika 6:16

Kidie wọ je sẹro rẹ irhi rẹ Omri, kugbe iruo rẹ uwevwi rẹ Ehab; wọ da yan nene iroro rayen; rere mi vwo ru we dia ofefe, ihwo re dia evun wẹn ke fiọn unu yan; ọtiọye na ku wọ ghwa oghwa rẹ ehwẹjẹ rẹ ihwo na.

Joshua 6:18

Ẹkẹvuọvo ovwan kẹnẹ oma kẹ obo re vwo ze kẹ ẹghwọrọ na, ọke ra da vwẹ ayen ze kẹ ẹghwọrọ nu wa da rha vwẹ obọ te obo re vwo ze na ku we che ru erhọn rẹ Izrẹl dia kẹ ẹghwọrọ, ku wa cha so okpetu kẹ.

1 Pita 4:17

Kidie ọke na tere rẹ ẹdjọeguo na che vwo muhọ vwẹ evwruwevwi rẹ Ọghẹnẹ re; ọ da dia avwanre o vwo muhọ, komavọ oba rẹ ayen otu ri mu ọghọ kẹ iyẹnrẹ esiri rẹ Ọghẹnẹ na-a cha dia?