Jerimaya 25:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Me da reyọ uko na nẹ obọ rẹ Ọrovwohwo mi de ru irere rẹ Ọrovwohwo ju vwe bru ra na ejobi ayen da da.

Jerimaya 25:17 ပူးပေါင်းရင်းမြစ်များ

Jerimaya 1:10

Nighe, nonẹ na me vwẹ owẹ mu vwẹ enu rẹ ẹgborho kugbe enu rẹ ivie, wọ vwọ kọnre wọ je guọghọ te otọ, wọ vwọ ghwọrọ wo vwo phi kua, wọ vwọ bọn wọ je vwọ kọn.

Jerimaya 25:28

Ayen gbe rhọvwe mie we uko na da-a, ko wọ ta kẹ ayen nẹ, Enẹ Ọrovwohwo rẹ otuofovwi na tare, Ovwan jẹ da-a!

Jerimaya 25:9

gbe nighe, mi che se uvwiẹ rẹ obọhwẹre ọnre cha, eriyin Ọrovwohwo tare, kugbe Nebukadreza ovie ri Babilọn, odibo mẹ na, me ghwẹ ayen rhe vwọ họnre otọ nana vẹ ihwo re dia, je kpahe irere nana re yarierẹ na; me cha ghwọrọ ayen tọtọtọ, mi de ru ayen imuosho vẹ unuẹfiọn, kugbe ihwo ra hwe bẹdẹ.

Jerimaya 27:3

Vwẹ ovuẹ rhe ovie rẹ Idọm, kugbe ovie ri Moab, vẹ ovie rẹ emọ rẹ Ammọn, vwo rhe ovie ri Taya, ji rhe ovie ri Saidọn vwẹ obọ rẹ ikọn rọ rhe Jerusalẹm bru Zedikaya rẹ ovie ri Juda rhe.

Izikiẹl 29:2

Ọmọ rẹ ohwo tọn opharo wẹn vi Fẹro ovie rẹ Ijipt, ru wọ mraro kpahọ vẹ Ijipt ejobi;

Izikiẹl 3:2

Etiyin mi de rhie unu mẹ, ọ da vwẹ ekpirhi rẹ ọbe na kẹ vwẹ re.

Izikiẹl 43:3

Emramrẹ rẹ me mrẹre da họhọ emramrẹ ra mrẹre vwẹ ọke rọ vwọ rhe rhe ghwọghọ orere na, kerẹ emramrẹ re me mrẹre vwẹ oma rẹ urhie ri Kiba, mi de she họvwọn opharo rhuotọ.

Habakọk 2:16

Ehwẹjẹ kọ che dje we ọvẹn ọ rha dia urinri-nn. Da udi, phihọ oma wen, rere wo gele! Uko rọ hẹ obọrhe rẹ Ọrovwohwo na kọ cha riẹriẹ owẹ phihọ, omaẹvuọ kọ che rhurhu urinrin wẹn!