Jerimaya 25:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ayen cha da ayen ki yeghrẹ ayen ke mua orhuẹ vwi fiki rẹ ọlọkọ ri mi che ji phihọ ọhri rayen na.

Jerimaya 25:16 ပူးပေါင်းရင်းမြစ်များ

Jerimaya 13:12

Ku wọ ta ota nana kẹ ayen, Enẹ Ọrovwohwo Ọghẹnẹ rẹ Izrẹl tare, e chẹ ku wain vọn ochẹ kochẹ. Ayen ke ta kẹ, Avwanre gbe riẹn nẹ e che ku wain vọn ochẹ kochẹ?

Jerimaya 13:14

Ki mi che geri ayen ohwohwo teye ohwo, esemọ vẹ emọ kugbe, eriyin Ọrovwohwo tare, mi che nẹ aruẹdọ-ọ eye me re ehrọre-e, ri mi di ji ayen eghwọrọ-ọ,

Jerimaya 25:27

Kẹsiẹye wọ ke ta kẹ ayen, Enẹ Ọrovwohwo rẹ otuofovwi na, Ọghẹnẹ rẹ Izrẹl tare, Wa da re idi mu ovwan we geri, we she we gbi vrẹn ofa-a, fiki rẹ ọlọkọ re me vwọ cha ọhri rẹ ovwan na.

Jerimaya 45:5

Wọ guọnọ imu ride kẹ oma wẹn? Wọ guọnọ aye-en, kidie, gbe nighe, me herọ ghwa umiovwo rhe ihwo ejobi eriyin Ọrovwohwo tare, ẹkẹvuọvo me cha vwẹ arhọ wẹn kẹ wẹ kere osa rẹ ofovwi vwẹ asan kasan wọ cha ra ejobi.

Jerimaya 48:26

Ruo re idi muo, fikiridie ọ kpare oma kpenu kpahe Ọrovwohwo, ọtiọye Moab cha vwẹ obo rọkpare vwo ghworo oma, ekpuyovwi rọye rhe ka cha vwọ jehwẹ.

Jerimaya 51:39

Ọke rẹ ophu de mu ayen re ki mi mu emuọre kẹ ayen re, ke me vwẹ idi mu ayen, bẹsiẹ rẹ ayen vwọ shero ovwerhẹ ke vwerhẹ ovwerhẹ ri bẹdẹ ayen rha rhọvwọ-ọ, eriyin Ọrovwohwo tare.

Jerimaya 51:7

Babilọn uko rẹ oro vwẹ obọ rẹ Ọrovwohwo jovwo, o da nẹrhẹ idi mu akpọ na ejobi; ẹgborho na da da wain rọye, ọtiọye na ẹgborho na da mwo orhuẹ.

Uvwerhe 3:15

Obo re yara ọye ọ vwọ vọn evun mẹ, Ọ da vwẹ akoro vwọ vọn vwẹ evun.

Uvwerhe 4:21

Ghọghọ re oma vwerhe owẹ, E emetẹ rẹ Idọm, ovwan re dia otọ rẹ Uz; ẹkẹvuọvo uko na je cha wan ovwan vrẹn; idi ki che mu ovwan kẹ ovwan cha ban phihọ.

Ọbe rẹ Ọmraro Ọbadaya Obadaya 1:16

Kidie kirobo wọ dare vwẹ ugbenu ọfuanfon me na, ẹgborho re riariẹ owẹ na ke cha da, ayen ke da, ki gele, ke họhọ ihwo re je dia dẹvo-o.

Nahum 3:11

Udi ko che mu we rhe, ku wo che ni asan ọvo kei; wọ cha guọnọ asan wọ de sioma nu kẹ ovweghrẹ.

Ẹvwọphia 14:10

kọ je da udi rẹ ophu rẹ Ọghẹnẹ, ra guare-e re ku phihọ uko rẹ ivuemiovwo rọye, kọ mrẹ odjadja rẹ erhanre kugbe ibiosio rẹ erhanre vwẹ irharo rẹ emakashe efuanfon na kugbe irharo rẹ Omogodẹ na.

Ẹvwọphia 14:8

Amakashe ọfa, ọrivẹ, de nene, rọ tanẹ, Osheri, osheri, Babilọn rẹ orere rode na sheri, wẹ rọ vwẹ igberadja wẹn mu ẹgborho ejobi na.

Ẹvwọphia 18:3

kidie ẹgborho na ejobi da udi rẹ igberadja rọye, ivie rẹ akpọ na ejobi duro re, ineki rẹ akpọ na vwi fiki rẹ ọfanrhiẹ rọye fe.