Jerimaya 25:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Kidie irere buebu vẹ ivie ride na cha vwẹ evo rayen ru eviẹn, obo rẹ umwemwu rayen vẹ iruo rẹ abọ rayen epha me cha hwa osa kẹ ayen te.

Jerimaya 25:14 ပူးပေါင်းရင်းမြစ်များ

Une rẹ Ejiro 137:8

E ọmọtẹ ri Babilọn, wẹ oghwọrọ na! Aghọghọ kẹ ohwo rọ hwa osa kẹ wẹ kirobo ru wo ru kẹ avwanre na!

Aizaya 13:4

Kerhọn, edo mu vwẹ enu rẹ igbenu na kerẹ edo rẹ urogho! Kerhọn, edo rẹ uvie ọ rẹ ẹgborho ri bi koko! Ọrovwohwo rẹ otuofovwi ro biẹ otuofovwi koko ri kpo ofovwi.

Aizaya 14:2

Ihwo na ke reyọ ayen vwọ rhe adia rayen, uwevwi rẹ Izrẹl ko vwo ayen vwẹ otọ rẹ Ọrovwohwo na; kẹ ayen dia eviẹn rẹ eshare vẹ e rẹ eya, ihwo ri ke mu ayen jovwo na ka rhoma mu ayen ighuvwu, kẹ ayen rhoma sun ihwo ri ke shenyẹ ayen jovwo na.

Aizaya 66:6

Kerhọn, unuebo nẹ obo orere na cha! Urhuru nẹ uwevwi rẹ ẹga na cha! Urhuru rẹ Ọrovwohwo, rọ hwa osa kẹ ivwighrẹ rọye!

Jerimaya 27:7

Irere na ejobi cha ga vẹ ọmọshare rọye kugbe ovwrọmọ rọye, rhiri bẹsie rẹ ọke rẹ ọ rọye vwọ te; etiyin ẹgborho buebu vẹ ivie ride ki vwo ru ọviẹn.

Jerimaya 32:19

rọ rhoro vwẹ ẹghwanre vẹ ẹgba kugbe uruemu; rẹ ẹro rọye rhie phihọ kẹ idjerhe rẹ ihwo ejobi, ọ rọ je hwa osa kẹ ohwo kohwo kirobo rẹ idjerhe rọye vẹ emamo rẹ iruo rọye epha;

Jerimaya 50:41

Nighe, ihwo evo nẹ obọrhe ọnre cha, ẹgborho rẹ egba vẹ ivie buebu e rọ kpara nẹ ugbo shesheri rẹ akpọ na cha.

Jerimaya 50:9

Kidie gbe no, me cha kpara vwọ so Babilọn usun rẹ ẹgborho ride na, ri nẹ orho rẹ obọrhe ọnre na cha, ayen cha hwa phihọ vwo suọ, etiyin e de muo yanran. Edada rayen họhọ ọgbofovwi re yonori ro fiabọ kpo-o.

Jerimaya 51:6

Djẹ nẹ uherevie ri Babilọn, jẹn dohwo darhọ rọye sivwi! Wo je bru uwe kufia vwẹ ehwe rọye na-a, kidie ọnana ọke rẹ ihriẹriọ rẹ Ọrovwohwo, osa rọ hwa kẹ.

Daniẹl 5:28

PẸRẸS, A ghare uvie wẹn a da vwọ kẹ ihwo ri Mid vi Pẹsha.

Hosia 9:7

Ẹdẹ rẹ ojẹriọ na rhire, ẹdẹ rẹ osa ẹ hwa tere Izrẹl cha riẹn. Ọmraro na vwonẹ ẹkpa, ohwo rẹ erhi rheri yọ mwa orhuẹ, fiki rẹ orukuruku rode wẹn kugbe omaetuo rode.