Jerimaya 25:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Siẹ rẹ ikpe ujorha gbẹ ihwe na da gba nure, ki mi ru ovie ri Babilọn vẹ orere yena djadja, otọ rẹ ihwo ri Kaldia na, fiki rẹ orukuruku rayen, eriyin Ọrovwohwo tare, ki mi ru ayen ofefe bẹdẹ bẹdẹ.

Jerimaya 25:12 ပူးပေါင်းရင်းမြစ်များ

Ivie rẹ Ivẹ 24:1

Vwẹ ọke rọye Nebukadreza ovie ri Babilọn vwọ phia, Jehoyakin da dia odibo rọye ikpe erha; o de phren oma, ọ da vwẹ ẹghwọ vwọ suọ.

2 Ikun rẹ Ivie 36:22

Asakiephana vwẹ ukpe rẹsosuo ri Sairọs ovie ri Pẹsha, ota rẹ Ọrovwohwo ro wan unu ri Jẹrimaya ta vwọ sẹ, Ọrovwohwo da kpare erhi ri Sairọs ovie ri Pẹsha vwo ghwoghwo aghwoghwo wan uvie rọye ejobi duvwu o de ji sio phihọ otọ;

Une rẹ Ejiro 137:8

E ọmọtẹ ri Babilọn, wẹ oghwọrọ na! Aghọghọ kẹ ohwo rọ hwa osa kẹ wẹ kirobo ru wo ru kẹ avwanre na!

Aizaya 13:19

Babilọn, rẹ urinrin re uvie ejobi na, udindin vẹ eheri rẹ ihwo ri Kaldia, ko cha họhọ Sọdọm vi Gomorrah vwẹ ọke rẹ Ọghẹnẹ vwọ guọghọ ayen.

Aizaya 14:23

Ki mi che vwo ru asan re isorhuẹn dia, kugbe ẹtẹrhe rẹ ame, ke me vwẹ uhwerhe rẹ ughwu vwo hwerhe, eriyin Ọrovwohwo re otuofovwi tare.

Aizaya 15:6

ame ri Nimrim ayen djẹ fiotọ re kakare; odi vwiori, ekpokpọ gbe djẹ cha-a, odi djidji na gbe herọ-ọ

Aizaya 20:1

Vwẹ ukpe yena rẹ onotu rẹ ofovwi rode, ri Sargọn ovie rẹ Asiria jiri, da rhe Ashdọd rhe họnrọ, ọ da reyọ,

Aizaya 33:1

Ekan ke we, oghwọrọ na, kono ekpuyovwi wẹn je ẹghwọrọ; wẹ ohwo ogbarogba na, ohwo ve owe ji ru emu ogbarogha devo-o Ọke wọ da ghwọrọ ihwo nu, ekpuyovwi wẹn ka je ghwọrọ owe; ọke wo de ru ogbarogba ru wo se ru nure, ke ji nene uwe ru emu ogbarogba rhe.

Aizaya 46:1

Bel gbe uyovwi otọ, Nebo rhuenri, ẹdjọ rayen eranvwe vẹ uchuru, imu nana ri wo mu ghwa na e pha tẹgbẹ kerẹ oghwa rọ he enu rẹ eranvwe re oghwa bẹn.

Jerimaya 23:2

Ọtioye na enẹ Ọrovwohwo, Ọghẹnẹ rẹ Izrẹl tare, kpahe isuigegede ri nẹ ihwo mẹ: wa hra ukoko rẹ igegede mẹ, wa djẹ ayen ghwru, wa vwẹ ẹro te aye-en. Nighe, Me cha mrẹ ovwan fiki rẹ iruo omiomiovwi rẹ ovwan, eriyin Ọrovwohwo tare.

Jerimaya 25:14

Kidie irere buebu vẹ ivie ride na cha vwẹ evo rayen ru eviẹn, obo rẹ umwemwu rayen vẹ iruo rẹ abọ rayen epha me cha hwa osa kẹ ayen te.

Jerimaya 27:22

A cha ghwa ayen kpo Babilọn re ayen da dia oboyi bẹsiẹye ro vwo te ẹdẹ me vwọ kerhọn rayen, eriyin Ọrovwohwo tare, kẹsiẹye me ke reyọ ayen rhe ri mi de phi ayen phihọ etinẹ na.

Jerimaya 27:7

Irere na ejobi cha ga vẹ ọmọshare rọye kugbe ovwrọmọ rọye, rhiri bẹsie rẹ ọke rẹ ọ rọye vwọ te; etiyin ẹgborho buebu vẹ ivie ride ki vwo ru ọviẹn.

Jerimaya 29:10

Kidie enẹ Ọrovwohwo tare: Ọke rẹ ikpe ujorha gbẹ ihwe da gba vwẹ Babilọn nu, ki mi bru ovwan cha, ri ru ive me gba kẹ ovwan vwọ reyọ ovwan rhivwi rhe asan etinẹ na.

Izikiẹl 35:9

Ki mi ru we ru wọ de dia asan ra kua fiotọ rhiri bẹdẹ, irere wẹn a gbe dia aye-en. Etiyin wọ ke riẹn nẹ mẹvwẹ Ọrovwohwo na.

Daniẹl 9:2

Vwẹ ukpe rẹsosuọ rọ vwọ hẹ ovie, Mẹvwẹ, ri Daniẹl, da rhe mrẹ vughe vwẹ ẹbe na uchukpe, kerẹ ikpe ujorha gbẹ ihwe re wanvrẹn a ke mrẹ oba rẹ ẹguọghọ ri Jerusalẹm, kirobo rẹ ota rẹ Ọrovwohwo ro bru Jerimaya re ọmraro na rhe epha.

Habakọk 1:17

Ọ gba vwi kẹdẹ kẹdẹ siẹ iyeri nẹ ariri rọye, o gbe di hwe ẹgborho na ekueku bẹdẹ?