Jerimaya 25:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Otọ nana soso na che hirhe phihọ umiovwo kọ dia ofefe, irere nana cha ga ovie ri Babilọn ikpe ujorha gbẹ ihwe.

Jerimaya 25:11 ပူးပေါင်းရင်းမြစ်များ

2 Ikun rẹ Ivie 36:20

Ihwo re vabọ rẹ oda ejobi o de mu ayen kpo Babilọn, ayen da rhe dia eviẹn kẹ vẹ emọ rọye bẹsiẹ uvie ri Pẹsha rhe vwo ghwotọ,

Aizaya 5:6

Ki mi miovwo, e gbi che fro-o eyẹ a gbe gua-a okpia vẹ idjigbẹ ke cha djẹ rhe vwọ, ki mi ji urhi kẹ enu na nẹ osio gbe rhọ phihọ-ọ.

Jerimaya 25:12

Siẹ rẹ ikpe ujorha gbẹ ihwe na da gba nure, ki mi ru ovie ri Babilọn vẹ orere yena djadja, otọ rẹ ihwo ri Kaldia na, fiki rẹ orukuruku rayen, eriyin Ọrovwohwo tare, ki mi ru ayen ofefe bẹdẹ bẹdẹ.

Jerimaya 25:38

Ọ ya jẹ emwa rọye vwọ kerẹ okpohrokpo, kidie otọ rayen ghwọrọ kufia fiki rẹ ọlọkọ rẹ Ọrovwohwo na, kugbe fiki rẹ ophu ọtuatua rọye na.

Jerimaya 27:22

A cha ghwa ayen kpo Babilọn re ayen da dia oboyi bẹsiẹye ro vwo te ẹdẹ me vwọ kerhọn rayen, eriyin Ọrovwohwo tare, kẹsiẹye me ke reyọ ayen rhe ri mi de phi ayen phihọ etinẹ na.

Jerimaya 27:7

Irere na ejobi cha ga vẹ ọmọshare rọye kugbe ovwrọmọ rọye, rhiri bẹsie rẹ ọke rẹ ọ rọye vwọ te; etiyin ẹgborho buebu vẹ ivie ride ki vwo ru ọviẹn.

Jerimaya 28:14

Kidie enẹ Ọrovwohwo rẹ otuofovwi, Ọghẹnẹ rẹ Izrẹl, tare: Mi phi ahwa rẹ utehru rẹ ọviẹn phihọ ohọre rẹ ẹgborho nana re ayen dia eviẹn ri Nebukadneza ovie ri Babilọn, ayen cha ga, kidie me je kẹ eranvwe rẹ aghwa dede.

Jerimaya 29:10

Kidie enẹ Ọrovwohwo tare: Ọke rẹ ikpe ujorha gbẹ ihwe da gba vwẹ Babilọn nu, ki mi bru ovwan cha, ri ru ive me gba kẹ ovwan vwọ reyọ ovwan rhivwi rhe asan etinẹ na.

Jerimaya 4:26

Mi vwo ni, me da mrẹ nẹ, otọ ro yovwe emu na kẹ aton, irere rọye ejobi hirhe phihọ erhurhu vwẹ obaro rẹ Ọrovwohwo vẹ obaro rẹ ophu ọtuatua rọyẹ.

Jerimaya 4:27

Kidie enẹ Ọrovwohwo na tare, Otọ na soso cha dia ofefe, ẹkẹvuọvo me cha guọghọ totọ-ọ.

Jerimaya 43:10

ọ da ta kẹ ayen nẹ, Enẹ Ọrovwohwo rẹ otuofovwi, Ọghẹnẹ rẹ Izrẹl tare, Nighe, mi che ji ikọn ra reyọ Nebukadreza ovie ri Babilọn, odibo mẹ, rhe, o che phi ekete rẹ uvie rọye phihọ enu rẹ elalọ nana ri mi sinu na, kọ bẹrẹ eharha rẹ uvie rọye sa enu rọye.

Jerimaya 44:22

Ọrovwohwo gbi se chiri uruemu omiomiovwi rẹ ovwan kugbe ẹgua rẹ ovwan na ọfa-a, fiki rẹ ọtiọye na otọ rẹ ovwan rhi vwo hirhe phihọ ofefe vẹ ẹghwọrọ kugbe ekan, ihwo gbe herọ-ọ, kirobo rọ epha nonẹ na.

Izikiẹl 12:19

rere wọ ta kpahe ihwo rẹ otọ na, Enẹ Ọrovwohwo Ọghẹnẹ ta kpahe ihwo re dia Jerusalẹm vwẹ otọ rẹ Izrẹl: Ayen cha re ikara rayen vẹ oshọemuo, ayen me da ame vẹ opharo emuophihọ, fikiridie a cha ghwẹ obo re hẹ otọ rọye ejobi no, fiki rẹ ogbarogba rẹ ihwo ejobi re dia evun rọye.

Izikiẹl 29:11

Owọ re ohwo gbi se chiyo wa-an, owọ rẹ eranvwe ji se chiyọ wa-an, ikpe ujuvẹ soso a rha mrẹ ohwo ro yere asan na-a.

Izikiẹl 6:14

Ke Me cha riẹn obọ Me kpahe ayen, ki mi ru otọ na dia ofefe rhaphiẹ rhaphie, vwẹ asan rẹ ayen dia ejobi, nẹ obo aton na re te Riblah. Etiyin kẹ ayen riẹn nẹ mẹvwẹ Ọrovwohwo na.

Daniẹl 9:2

Vwẹ ukpe rẹsosuọ rọ vwọ hẹ ovie, Mẹvwẹ, ri Daniẹl, da rhe mrẹ vughe vwẹ ẹbe na uchukpe, kerẹ ikpe ujorha gbẹ ihwe re wanvrẹn a ke mrẹ oba rẹ ẹguọghọ ri Jerusalẹm, kirobo rẹ ota rẹ Ọrovwohwo ro bru Jerimaya re ọmraro na rhe epha.

Livitikọs 26:32

Ki mi che miovwi otọ na, rere ivwighrẹ re ovwan re dia vwẹ otọ na o vwo se gbe ayen unu.

Maika 7:13

Ẹkẹvuọvo ọto na kọ cha dia ofefe fiki re ihwo re dia, fiki rẹ emamọ rẹ uruemu rayen .

Zekaraya 1:12

Ọye amakashe re Ọrovwohwo da ta, E Ọrovwohwo rẹ otuofovwi mavọ okrite wo ki ni arodọvwẹ ri Jerusalem vẹ irere ri Juda ri wo mu ophu kpahe ikpe ujorha gbe ihwe re na?

Zekaraya 7:5

Ta ke ihwo rẹ otọ na ejobi kugbe irherẹn na, Ọke re ovwan vwo chiri owẹnvwe ji muomahọ vwe emeranvwe riyori veẹ ọrighwrẹ, vwẹ ikpe ujorha gbe ihwe nana, mẹvwẹ ovwan chiro kẹ?