Jerimaya 25:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ọ rọ ma rho, mi che si urhuru rẹ omavwerhovwẹ vẹ urhuru rẹ aghọghọ, urhuru rẹ oshare rẹ ọpha vẹ urhuru rẹ ọpha nẹ ayen obọ, ẹnọ rẹ elanọ vẹ elo rẹ urhukpẹ.

Jerimaya 25:10 ပူးပေါင်းရင်းမြစ်များ

Ẹsta 3:13

A de vwẹ ẹbe na kẹ ikọn na ghwa kpo ubrakpọ rẹ ovie na suẹn ejobi, re a ghwọrọ re ehwe, re si ihwo ri Ju ejobi notọ, tọmọ tọkpako, teya temọ, vwẹ ẹdẹ ọvuọvo, ẹdẹ ihwerha rẹ emeranvwe ihwivẹ rọ dia emeranvwe re se Ada, e mi rhe gborho ekuakua rayen reyọ.

Ẹsta 7:4

Fikiridie a shẹ avwanre, Mẹvwẹ vẹ ihwo mẹ, re a ghwọrọ, re e hwe ayen, re e phoro ayen nu. O dianẹ kẹ eviẹn ọvo a shẹ avwanre ra, te eshare te eya, mane me fọre, fikiridie ukpokpogho rẹ avwanre e se vwo dje obo re cha ghwọrọ nẹ ovie obọ-ọ.

Ẹsta 8:11

Vwẹ ọnana ovie na da vwẹ uphẹ kẹ ihwo ri Ju re hẹ orere ọvuọvo rere i koko rere ayen vwo sivwi arhọ rayen vwo nẹ ẹ guọghọ, vwọ hwe, vwo phorho nẹ otọ kunuofovwi eyẹ kohwo kihwo yẹrẹ ubrakpọ kubrakpọ re kpare ohọnre vwọ so ayen, te emọ rayen vẹ eya rayen, we mi rhe gborho ekuakua rayen.

Aizaya 47:2

Reyọ ọmọ re ukuta re wọ nọ si oga wẹn nu, ghwie adngba wẹn nu, rhie awọ wẹn phihọ, wan evun rẹ urhie wẹn.

Jerimaya 16:9

Kidie enẹ Ọrovwohwo rẹ otuofovwi na tare, Ọghẹnẹ rẹ Izrẹl na, Nighe, mi che ru rere urhuru rẹ omavwerhovwẹ vẹ urhuru rẹ aghọghọ, urhuru rẹ ọshare rẹ ọpha kugbe urhuru rẹ ọpha de ghwru nẹ etine na, vwẹ aro rẹ ovwan na ejobi.

Jerimaya 48:33

Omavwerhovwẹ vẹ aghọghọ a reyọ ayen yanran nẹ otọ oyoyovwi ri Moab; Mẹvwẹ re da iwani ji vwẹ asan re de mio, ohwo ọvuọvo rha vwẹ aghọghọ chiyi aye-en, edo na gbe dia edo rẹ aghọghọ-ọ.

Jerimaya 7:34

Ki mi fue urhuru rẹ aghọghọ vẹ omavwerhovwẹ nẹ irere ri Juda kugbe Jerusalẹm ejobi, urhuru rẹ opha vẹ ọshare rọye, kidie otọ na cha dia ofefe.

Uvwerhe 5:15

Aghọghọ rẹ udu rẹ avwanre reri; ehegbe rẹ avwanre hirhe phihọ omemuohọ.

Izikiẹl 26:13

Ihwehworo vẹ ine wẹn ke me da ayen ji, edo rẹ isorogun wẹn e gbi nyo ọfa-a.

Hosia 2:11

Ki mi phi oba phihọ omavwerhovwẹ rọye, te erẹ rọye, tẹ ọtuphro rẹ emeranvwe rọye, ẹdidjala rọye, kugbe ẹdẹ rẹ orẹ re bruru.