Jerimaya 24:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Mi che ru ayen vwọ dia ometuo rode kẹ ivie re akpọ na, ayen ke dia ehwẹjẹ, ayen ke dia ọhare, ra mienuhọ vẹ ekan vwẹ asan kasan me cha djẹ ayen ra ejobi.

Jerimaya 24:9 ပူးပေါင်းရင်းမြစ်များ

1 Ivie 9:7

Etiyin ke Me nyavwe Izrẹl kufia nẹ otọ re Me vwọ kẹ ayen na; kugbe uwevwi ri mi ru fon kẹ odẹ mẹ na ki mi sio nẹ obaro mẹ; ka vwẹ Izrẹl bru isẹ vẹ ohare vwẹ ohri rẹ ihwo na.

2 Ikun rẹ Ivie 7:20

etiyin ke me cha kọrọ owẹ nẹ otọ na re me vwọ kẹ wẹ na; uwevwi nana, ri mi ru fon vwọ kẹ odẹ mẹ na, ke me kparọ kufia nẹ obaro mẹ, ke che vwo brisẹ, ke vwo bru ohare vwẹ ohri rẹ ihwo na.

Une rẹ Ejiro 69:11

Ọke me da vwẹ esiso ru amwa vwo rhuo, mẹvwẹ e vwo bru oha

Aizaya 43:28

Ọtiọye na Mi de gbe isun rẹ ẹshẹ na ẹgua, Mi de siobọ nẹ Jekọp kẹ ẹghwọrọ Izrẹl vwọ ehwẹjẹ.

Aizaya 65:15

Wọ cha yan jẹ odẹ wẹn vwo kẹ ọ re Me jẹreyọ na vwọ harhe ekan, Ọrovwohwo rẹ Ọghẹnẹ ko ghwie we hwe, ẹkẹvuọvo idibo rọye ko mu odẹ ọfa kẹ ayen.

Jerimaya 15:4

Ke ayen dia oshọẹdjẹ kẹ ivie rẹ akpọ na ejobi vwi fiki rẹ obo ri Manasse ọmọ ri Hezekaya, rẹ ovie ri Juda, ruru vwi Jerusalẹm.

Jerimaya 19:8

Ki mi ru orere nana kọ dia imuoshọ, ra fiọn unu kẹ; ohwo kohwo rọ wa rọ vrẹ ejobi oshọ ko muo kọ cha fiọn unu vwi fiki rẹ eghwọrọ rọye.

Jerimaya 25:18

Jerusalẹm vẹ irere ri Juda, ivie vẹ isun rọye, re e vwo ru ayen ofefe ra vwọ ghwọrọ ayen, ru ayen unuefiọn vẹ ekan, kirobọ rọ epha nọne na.

Jerimaya 26:6

ki mi che ru uwevwi nana kerẹ Shilo ki mi ji ru orere nana ekan vwọ ke irere re akpọ na ejobi.

Jerimaya 29:18

Ọlọkọ vẹ owẹvwe, kugbe ọtiekọ mi che vwo nene ayen, mi mi rhi ru ayen phiyọ imuoshọ kẹ ivie rẹ akpo na ejobi, re ayen vwọ dia ekan, osho, unuefiọn, vẹ ehwẹjẹ vwẹ uherevie rẹ irere ejobi re me djẹ ayen na.

Jerimaya 29:22

Fikiridie ayen ighuvwu re muru nẹ Juda kpo Babilọn na a cha vwẹ ekan nana harhe ayen, Ọrovwohwo ru ovwan kerẹ Zedikaya vẹ Ehab, e rẹ ovie ri Babilọn torhẹre vwẹ erhanre na,

Jerimaya 34:17

Ọtioye na, enẹ Ọrovwohwo tare ovwan mu ọghọ kẹ vwẹ vwẹ ofuvwegbe ri mi ghwoghwori kẹ dohwo doniọvo rọye kugbe dohwo dọrivẹ rọye-en, nighe, mi ghwoghwo kẹ ovwan ofuvwogbe rẹ ọlọkọ vẹ otiekọ kugbe owẹvwe, eriyin Ọrovwohwo tare. Mi che ru ovwan vwo dia imuoshọ kẹ ivie rẹ akpọ na ejobi.

Jerimaya 42:18

Kidie enẹ Ọrovwohwo rẹ otuofovwi Ọghẹnẹ rẹ Izrẹl tare, Ọtiobo rẹ ophu vẹ ivuemiovwo mẹ hwẹ ku ihwo ri Jerusalẹm na, ọtioye ivuemiovwo mẹ ji hwẹ ku ovwan vwẹ ọke ru we de kpo Ijipt. Wa cha dia isọn, emuroshọ, ekan, vẹ ehwẹjẹ rode. Wa gbe mrẹ etinẹ na ọfa-a.

Jerimaya 44:12

Me cha reyọ umuku ri chekọ vwi Juda re ga ro vi re cha otọ rẹ Ijipt cha dia, ayen ejobi cha ghwọrọ; ayen che she vwẹ otọ rẹ Ijipt na; ọlọkọ vẹ owẹvwe che hwe ayen, ayen che hirhe phihọ isọn, vẹ oshẹdjẹ, ve ekan, kugbe ehwẹjẹ

Jerimaya 44:13

Mi hwe ayen otu re dia otọ rẹ Ijipt na gangan, kirobo ri mi hwe Jerusalẹm na, vẹ ọlọkọ, vẹ owẹvwe, kugbe ọtiekọ.

Jerimaya 44:22

Ọrovwohwo gbi se chiri uruemu omiomiovwi rẹ ovwan kugbe ẹgua rẹ ovwan na ọfa-a, fiki rẹ ọtiọye na otọ rẹ ovwan rhi vwo hirhe phihọ ofefe vẹ ẹghwọrọ kugbe ekan, ihwo gbe herọ-ọ, kirobo rọ epha nonẹ na.

Izikiẹl 23:46

Kidie e nẹ Ọrovwohwo Ọghẹnẹ tare: Reyọ urogho rhe rhe vwo so ayen, gba vwẹ ayen ru emu rẹ uguegue kugbe emu rẹ ugborho.

Izikiẹl 25:3

Ta kẹ ihwo rẹ Ammọn, Nyo ota rẹ Ọrovwohwo Ọghẹnẹ: E nẹ Ọrovwohwo Ọghẹnẹ tare: Fikiridie wọ tare, Ẹhẹ! vwọ kpahe enu rẹ ẹshẹ mẹ na vwẹ ọke re vwo gbe ẹgua, je vwọ kpahe otọ rẹ Izrẹl vwẹ ọke ra vwọ kua fiotọ, je vwọ kpahe uwevwi ri Juda vwẹ ọke re vwo muo kpo imu;

Izikiẹl 26:2

Ọmọ rẹ ohwo, fikiridie Taya ta ota kpahe Jerusalẹm nẹ, E nẹ, anurhoro rẹ ihwo na tuegheri, o rhiephihọ ghwroro kẹ vwẹ; kẹ oyovwi kẹvwẹ, vwẹ asakiephana a ghwọrọ te otọ na re,

Izikiẹl 5:8

Fiki rẹ ọtiọye na enẹ Ọrovwohwo Ọghẹnẹ tare. Nighe, Mẹvwẹ, ekpuyovwi mẹ, kọ vwọ so wẹ; ke me che brorhiẹ wẹn vwẹ irharo rẹ ẹgborho na.

Urhi Rivẹ 28:25

Ọrovwohwo kọ nẹrhẹ ivwighrẹ rẹ ovwan phi ovwan kparobọ; ovwan da vwọ so ayen vwẹ idjerhe ọvo, idjerhe ighwrẹ kọye ovwan djẹ wan kpo; ovwan ke dia utuoma kẹ ivie rẹ akpọ na ejobi.

Urhi Rivẹ 28:37

Ku wo hirhe phihọ utuoma vẹ isẹ, kugbe ehwẹjẹ, vwẹ uherevie rẹ ihwo na ejobi rẹ asan rẹ Ọrovwohwo che sun we ra na.