Jerimaya 24:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Me vwẹ ẹro mẹ ni ayen fiki rẹ erhuvwu, me cha reyọ ayen rhe otọ nana, mi che mu ayen vi, me gbe ghwọrọ aye-en, me kọn ayen, mi gbi che ghwie aye-en.

Jerimaya 24:6 ပူးပေါင်းရင်းမြစ်များ

Jẹnẹsis 44:21

Etiyin wọ da ta kẹ idibo wẹn, Reyọ vwo rhe vwe, rere Me. mrẹ.

2 Ikun rẹ Ivie 16:9

Kidie ẹro rẹ Ọrovwohwo djuẹ kpenẹ kpenẹ wan akpọ na ejobi, ro vwo dje ẹgba rọye kpahe ihwo rẹ udu rọye fon kpahọ. Wo ru emu ẹkpa vwẹ Ọnana, kẹ etinẹ yanran ku wọ cha mrẹ ofovwi phi.

Nehemaya 5:19

Karophihọ ovwẹ vwẹ ọresiri, E Ọghẹnẹ mẹ, fiki rẹ emu ejobi ri mi ru kẹ ihwo nana.

Une rẹ Ejiro 34:15

Ẹro rẹ Ọrovwohwo re nẹ ọvwata, erhọn rọye rhie phihọ kẹ oviẹ rayen.

Une rẹ Ejiro 44:2

Wọ da vwe obọ wẹn ọvo djẹ ẹgborho na kufia, ẹkẹvuọvo ayen kọye wọ kọn phihọ, wọ da vwẹ osọnọ vwọ re ihwo na, ẹkẹvuọvo ayen kọye wo siobọ nu,

Aizaya 14:1

Ọrovwohwo ko ni ehrọre ri Jekọp kọ rhoma jẹn Izrẹl reyọ, kọ rhoma vwẹ ayen kpo otọ rẹ obọ rayen, erhorha ki kuomagbe ayen, kẹ ayen churu oma mu uwevwi ri Jekọp.

Aizaya 60:21

Ihwo wẹn ejobi ke cha dia evwata; ayen ki che vwo otọ na bẹdẹ, eyoro cha rẹ ekankọn Mẹ, iruo re abọ Mẹ, rere a mrasan vwe urinrin kẹ vwẹ.

Jerimaya 1:10

Nighe, nonẹ na me vwẹ owẹ mu vwẹ enu rẹ ẹgborho kugbe enu rẹ ivie, wọ vwọ kọnre wọ je guọghọ te otọ, wọ vwọ ghwọrọ wo vwo phi kua, wọ vwọ bọn wọ je vwọ kọn.

Jerimaya 12:15

Mi de yoro ayen nu, me je rhoma nẹ arodọvwẹ rayen ke me reyọ ayen rhe dohwo dukuẹriọ rọye je rhe dohwo dotọ rọye.

Jerimaya 16:15

nẹ Obo rẹ Ọrovwohwo herọ rọ si ihwo rẹ Izrẹl nẹ ọrho rẹ obọhwẹre ọnre vẹ irho na ejobi vwẹ asan rọ dje ayen ra na. Kidie me cha vwẹ ayen rhivwi cha otọ re me vwọ kẹ esẹ rayen na.

Jerimaya 21:10

Kidie mi mu opharo mẹ kpahe orere na vwẹ ọ rẹ umiovwo ọ dia ọ rẹ erhuvwu-u eriyin Ọrovwonwo tare. A cha vwọ kẹ Ovie ri Babilọn, ọ cha vwẹ erhanre torhẹ.

Jerimaya 23:3

Ke me ghwẹ igegede mẹ ri chekọ nẹ asan me djẹ ayen ra ejobi rhe, me ghwẹ ayen rhivwi rhe ukoko rayen, ayen ki vwiẹ ji bu phihọ.

Jerimaya 29:10

Kidie enẹ Ọrovwohwo tare: Ọke rẹ ikpe ujorha gbẹ ihwe da gba vwẹ Babilọn nu, ki mi bru ovwan cha, ri ru ive me gba kẹ ovwan vwọ reyọ ovwan rhivwi rhe asan etinẹ na.

Jerimaya 31:28

O de rhi te re kirobo me rhẹrẹ ayen vwọ kọrọ ayen vwẹ ayen ghwiọtọ na, vwọ gere ayen she, vwọ ghwọrọ ayen, vwọ ghwẹ umiovwo rhe ayen na, ọtiọye me je cha rhẹrẹ ayen mu ayen vi kọn ayen, eriyin Ọrovwohwo tare.

Jerimaya 31:4

Me je rhọma bọn wẹ, ka je bọn wẹ, E ọmọtobẹ Izrẹl! Wọ cha rhoma vwẹ eshẹghẹshẹghẹ rhuẹrẹ oma wẹn, wọ cha ro ehegbe rẹ otu re ghọghọ.

Jerimaya 32:37

Nighe, Me cha ghwẹ ayen koko nẹ irere kirere re me vwẹ ophu ọgangan mẹ vẹ ivue miovwo mẹ djẹ ayen ra na rhe etinẹ, kẹ ayen dia egbẹrhẹnẹdẹ.

Jerimaya 32:41

Me cha ghọghọ vwẹ emu esiri ri mi ru kẹ ayen, ke me kọn ayen phihọ evun rẹ otọ nana vwẹ esegbuyota, kugbe udu vẹ ẹnwẹn mẹ ejobi.

Jerimaya 33:7

Me cha vwẹ oyovwe ri Juda vẹ oyovwe rẹ Izrẹl rhivwi rhe ayen, ke me rhoma bọn ayen kirobo rẹ ayen epha vwẹ ẹsosuọ.

Jerimaya 33:9

O nana kọ dia odẹ rẹ aghọghọ kẹ vwẹ, kugbe ejiro vẹ urinrin vwẹ obaro rẹ irere rẹ akpo na ri che nyo erhuvwu ri mi che ru kẹ ayen, oshọ ko mu ayen rẹ ayen de kpogho vwi fiki rẹ erhuvwu vẹ oyovwe ejobi re me rhuẹrẹ hẹrhẹ na.

Jerimaya 39:12

Reyọ, nabọ vwẹ ẹro te wọ wan oma-a, ru obo rọ guọnọre.

Jerimaya 42:10

Ọ da dianẹ we ghinẹ dia otọ nana, etiyin ke me bọn ovwan me gbe guọghọ ovwa-an, ke me kọn ovwan, me gbe kọrọ ovwa-an, kidie me rhẹriẹ nẹ umiovwo ri mi ru ovwan na re.

Izikiẹl 36:24

Kidie me cha reyọ owẹ nẹ ẹgborho na rhe, mi mi si we koko nẹ irho na rhe, ke me vwẹ owẹ rhe oto rẹ obọ wẹn.

Emọs 9:14

Ke Me cha rhoma reyọ ughwẹ rẹ ihwo mẹ Izrẹl rhivwi rhe ayen, irere ri sheri na ka rhoma bọn ayen ka dia ayen; kẹ ayen kọn ogba ri vain, kẹ ayen da udi rọye, kẹ ayen kọn ogba ayen ke re ibi rọye.

Urhi Rivẹ 11:12

otọ rẹ Ọrovwohwo Ọghẹnẹ wẹn na vwẹ ẹro te; ibiẹro rẹ Ọrovwohwo Ọghẹnẹ wẹn hẹ enu rọye vwẹ ọke ejobi, nẹ emuohọ rẹ ukpe re te oba rẹ ukpe.

1 Pita 3:12

Kidie ẹro rẹ Ọrovwohwo e hẹ enu rẹ ọvwata, erhọ rọye rhie phihọ kẹ ẹrhovwo rayen, Ẹkẹvuọvo Ọrovwohwo mukpahe otu ri ruẹ umwemwu.