Jerimaya 24:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Obere ọvo vwo omamọ ri fig, e re họhọ fig ri ke vwie, ẹkẹvuọvo obere rivẹ de vwo fig imiomiovwi gangan, imiovwi nọ i gbi ja re-e.

Jerimaya 24:2 ပူးပေါင်းရင်းမြစ်များ

Aizaya 5:4

Die ọfa chekọ re ru kẹ ogba ri vain mẹ, ri mi gbi ru kẹ-ẹ? Ri mi vwo no rhẹro nẹ ọ mọ otiẹ, rọ rha vwọ mọ grape rẹ erivwi?

Aizaya 5:7

Kidie ogba ri vain rẹ Ọrovwohwo rẹ otuofovwi ọye uwevwi rẹ Izrẹl, ihwo ri Juda eye kẹ ivi rẹ ekakọn rọye rọ kọnre, o de nẹro rẹ ọsoso, ẹkẹvuọvo e vwo ni, ke ọbara, o de nẹro rẹ ọvwata, ẹkẹvuọvo nighe, kẹ oviẹ!

Jerimaya 29:17

Enẹ Ọrovwohwo rẹ otuofovwi tare, Nighe, me cha vwẹ ọlọkọ vẹ owẹvwe kugbe ọtiekọ mu ayen, ji ru ayen kerẹ orharhe ri fig ro miovwiri rẹ ọ gbe ja re-e.

Hosia 9:10

Kerẹ otiẹ vwẹ evun rẹ aghwa, ọtiọye me mrẹ Izrẹl. Kerẹ otumọ rẹ emamọ rẹ owe, re mọre vwẹ ọke ororo rọye, ọtiọye me mrẹ esẹ wẹn. Ẹkẹvuọvo ayen de bru Baal-peor rhe, ayen de rhi phorho oma ki Baal, Obo rẹ ayen guọnọre na de phi ayen phihọ ekuakua rẹ omaetuo.

Maika 7:1

Ekan kẹ vwẹ! Kidie me rhe họhọ ọke ra da kọrọ emamọ rẹ ọkeuvo nu, kerẹ ọke ra da kọrọ ibi ri vain ejobi nu: rẹ erheghe ọvuọvo gbe herọ ra ria-a, o gbi vwo ubi ri fig rẹ ẹsosuọ rọ vware rẹ erhi mẹ guọnọre-e

Nahum 3:12

Asan odjahọ wẹn kọ họhọ irhe ri fig rẹ ibi rẹ ọtomọ rọye vware– e de kpogho ki she phihọ unu rẹ ọriemu.

Ukeri 18:13

Emamọ rẹ ẹsosuọ re ka vware vwẹ otọ rayen, rẹ ayen vwọ rhe Ọrovwohwo na, kọ dia ọwẹn, kohwo kohwo rọ fọnro vwẹ evun rẹ uwevwi wẹn kọ sa rio.

Matiu 5:13

Ovwan ughweraka rẹ akpọ na. Ẹkẹvuọvo ughweraka de ku avwerhe rọye kufia, komavọ o ru vwerhe? o gbi yovwi ọfa-a, ke kuo kufia, ihwo ki chiyo wan.