Jerimaya 24:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ki mi ji ọlọkọ vẹ owẹvwe, kugbe emiavwe bru ayen ra, bẹsiẹye re ayen vwọ ghwọrọ tototo nẹ otọ re me kẹ ayen vẹ esẹ rayen na.

Jerimaya 24:10 ပူးပေါင်းရင်းမြစ်များ

1 Ivie 14:15

Ọrovwohwo kọ cha guọghọ Izrẹl, kirobo rẹ ẹgon kpogho vwẹ enu rẹ ame, ki mi ghwie Izrẹl nẹ otọ esiri na rọ vwọ kẹ esẹ rayen na, ke me hra ayen kpo abọ oboyi ri Yufretis, kidie ayen ru ighriki, vwọ kpare ophu rẹ Ọrovwohwo.

Aizaya 51:19

lmu ivẹ nana ri she vwa wẹn– kono ri bru we uche?– evẹre kugbe ẹghwọrọ, owẹvwe kugbe ọlọkọ; kono ri se bru we uche?

Jerimaya 14:12

Owenẹ ayen chirẹ owẹvwe, mi che nyo oviẹ raye-en, owenẹ ayen ji ze izobo rẹ ẹtorhẹ vẹ izobo rẹ eka dede, me rhọvwe reyọ aye-en, ẹkẹvuọvo me vwẹ ọlọkọ vẹ owẹvwe vẹ emiavwe guọghọ ayen.

Jerimaya 15:2

Ọke rẹ ayen da nọ wẹ, Bovọ ma ra vwo? Wọ me vuẹ ayen nẹ, E nẹ Ọrovwohwo tare: Erẹ emiavwe vwọ kẹ emiavwe, erẹ ọlọkọ vwọ kẹ ọlọkọ erẹ owẹvwẹ vwọ kẹ owẹvwe erẹ a vwọ kẹ imu, vwọ kẹ imu.

Jerimaya 16:4

Emiavwe ọbrabra che hwe ayen. A cha viẹ aye-en, e ji che shi aye-en; ayen cha họhọ isọn vwẹ enu rẹ otọ na. Ọlọkọ vẹ owẹvwe che hwe ayen, irivwi rayen ke dia emuọre kẹ emephran rẹ enu kugbe eranvwe rẹ akpọ na.

Jerimaya 19:7

Vwẹ etinẹ na me da hra iroro ri Juda vẹ iroro ri Jerusalẹm, ki mi ru ihwo rayen re ọlọkọ hwe ayen vwẹ obaro rẹ ivwighrẹ rayen, vwẹ obọ rẹ otu re guọnọ arhọ rayen hwe. Me cha vwẹ irivwi rayen ru emuọre kẹ emephran rẹ obenu na kugbe eranvwe rẹ aghwa na.

Jerimaya 21:9

Ohwo rọ da oma ji orere nana che ghwu ughwu rẹ ọlọkọ vẹ ọ rẹ owẹvwe, kugbe ọ rẹ emiavwe; ẹkẹvuọvo ohwo rọ yan nọ rọ da vwẹ oma rọye kẹ ihwo ri Kaldia re yariẹ ovwan phihọ na cha rhọ ye arhọ rọye kọ cha dia osa re ofovwi.

Jerimaya 27:8

Ẹkẹvuọvo ọ da dianẹ uvie ọvo gbe rhọvwe ga Nebukadreza nana rẹ ovie ri Babilọn na-a, ro gbi ji phi ohọre rọye phihọ otọ rẹ urhekpe rẹ ovie ri Babilọn na-a, me vwẹ ọlọkọ kugbe owẹvwe vẹ emiavwe ru ẹgborho yena gangan, bẹsiẹye me vwọ wan obọ rọye ghwọrọ ẹgborho yena nu, eriyin Ọrovwohwo na tare.

Jerimaya 29:17

Enẹ Ọrovwohwo rẹ otuofovwi tare, Nighe, me cha vwẹ ọlọkọ vẹ owẹvwe kugbe ọtiekọ mu ayen, ji ru ayen kerẹ orharhe ri fig ro miovwiri rẹ ọ gbe ja re-e.

Jerimaya 29:18

Ọlọkọ vẹ owẹvwe, kugbe ọtiekọ mi che vwo nene ayen, mi mi rhi ru ayen phiyọ imuoshọ kẹ ivie rẹ akpo na ejobi, re ayen vwọ dia ekan, osho, unuefiọn, vẹ ehwẹjẹ vwẹ uherevie rẹ irere ejobi re me djẹ ayen na.

Jerimaya 32:24

Nighe otuofovwi rhe riariẹ orere na phihọ rere ayen vwọ reyọ. Fiki rẹ ọlọkọ, owẹvwe vẹ ọtiekọ ọye e vwo siobọ nẹ orere na kẹ ihwo ri Kaldia ri phio na. Obo re wọ tare na ọ phiare, gbe nighe, wọ mrẹrẹ re.

Jerimaya 32:25

Dede na we, E Ọrovwohwo Ọghẹnẹ, re ta kẹ vwẹ, vwẹ igho de udju na re wo vwo iseri–-owenẹ a vwẹ orere na ke ihwo ri Kaldia dede.

Jerimaya 34:17

Ọtioye na, enẹ Ọrovwohwo tare ovwan mu ọghọ kẹ vwẹ vwẹ ofuvwegbe ri mi ghwoghwori kẹ dohwo doniọvo rọye kugbe dohwo dọrivẹ rọye-en, nighe, mi ghwoghwo kẹ ovwan ofuvwogbe rẹ ọlọkọ vẹ otiekọ kugbe owẹvwe, eriyin Ọrovwohwo tare. Mi che ru ovwan vwo dia imuoshọ kẹ ivie rẹ akpọ na ejobi.

Jerimaya 42:17

Eshare ejobi rẹ tọn opharo rayen vi Ijipt ri kpo oboyi ra dia na ọlọkọ che hwe ayen, owẹvwe vẹ ọtiekọ che hwe ayen, o che vwo ohwo ro che chekọ kẹ ayen vwẹ umiovwo re me vwo bru ovwan cha na.

Jerimaya 42:22

Asakiephana we jo mu ovwan ẹro nẹ obo rẹ ovwan ra ra dia na, ọlọkọ vẹ owẹvwe kugbe ọtiekọ che hwe ovwan vwẹ oboyi.

Jerimaya 5:12

Ayen vwọnrọn efian kpahe Ọrovwohwo, ayen da tanẹ, O se ru emuọvo-o, umiovwo se te avwanre oma-a eyẹn avwanre sa mrẹ ọlọkọ eyẹrẹ owẹvwe-e.

Jerimaya 9:15

Vwẹ ọtiọye na enẹ Ọrovwohwo rẹ otuofovwi na, Ọghẹnẹ rẹ Izrẹl, tare Kighe, me cha vwẹ akoro vwọ ghẹrẹ ihwo nana, me da vwẹ ame rẹ obi kẹ ayen da.

Jerimaya 9:16

Ke me cha hra ayen ro ohri rẹ ẹgborho na re ayen te esẹ rayen riẹnre-e, ki mi ji ọlọkọ nene ayen, bẹsiẹye me vwọ guọghọ ayen nu.

Izikiẹl 33:27

Ta ọnana kẹ ayen, E nẹ Ọrovwohwo Ọghẹnẹ tare: Kirobo re me herọ na, uyota ayen otu re dia asan ra kua jovwo ọlọkọ a cha vwọ nyavwe ayen hwe, ọ rọ hẹ obo evun rẹ aghwa me cha vwọ kẹ eranvwe nẹ e re kugbe ayen otu re hẹ obo ogba ọgangan kugbe evun rẹ emwa emiavwe kọye ayen wan ghwu.

Izikiẹl 6:11

Enẹ Ọrovwohwo Ọghẹnẹ tare, Teyọ abọ wẹn, vwẹ owọ wẹn teyẹ otọ, re wọ ta, Ẹghwọ! fiki rẹ ẹgua omiomiovwi rẹ uwevwi rẹ Izrẹl, kidie ayen che she vwẹ oma rẹ ọlọkọ, vẹ owẹvwe, vẹ emiavwe.

Izikiẹl 7:15

Ọlọkọ ọ hẹ uphephẹ, emiavwe vẹ owẹvwe hẹ evun rẹ uwevwi, ọ rọ hẹ obo uphephẹ ghwu ughwu rẹ ọlọkọ; ọ rọ hẹ obo evun rẹ orere owevwe te emiavwe ke ghwọrọ.

Urhi Rivẹ 28:21

Ọrovwohwo kọ vwẹ emiavwe rẹ ughwu mu ovwan bẹsiẹ rọ vwọ guọghọ ovwan nẹ otọ rẹ ovwan ra dia na.

Ẹvwọphia 6:8

Me vwọ mrẹ, nighe, esi rọ vwara munẹ munẹ, e de se odẹ rẹ ọ rọ gua na nẹ Ughwu, Ushi da vwọ kpahọ ukuko; a da vwẹ ogangan kẹ ayen vwẹ enu rẹ akane rẹ akpọ na, rọ vwẹ ọlọkọ hwe kugbe owẹvwe kugbe ọtiekọ ji kugbe eranvwe re djoma vwẹ akpọ na.