Jerimaya 23:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Vwọ kpahe emraro na: Udu mẹ guọghọre vwẹ evun me, ibeku mẹ ejobi kpoghori, Me họhọ ohwo rọ da udi rhe họhọ ohwo rẹ udi muẹ fiki rẹ Ọrovwohwo na kugbe fiki rẹ eta efuanfon rọye.

Jerimaya 23:9 ပူးပေါင်းရင်းမြစ်များ

Une rẹ Ejiro 60:3

Wẹ re nẹrhẹ ihwo wẹn re oja rẹ imu egangan; wẹ re kẹ avwanre udi da ro gele avwanre na.

Une rẹ Ejiro 69:20

Ekan vwirhi udu mẹ, ọtiọye na iroro mẹ da rhan. Me guọnọ ehrọre, ẹkẹvuọvo me mrẹre-e ibruche, ẹkẹvuọvo me mrẹre kakaka-a.

Aizaya 28:1

Ekan kẹ erhu rẹ uvie rẹ eheri rẹ ọgbaudi rẹ Ifrem, kugbe ododo ro vwioro rẹ urinrin rẹ erhuvwu rọye, rọ he enu rẹ uyovwi rẹ iyara oyoyovwi rẹ ihwo rẹ udi muẹ.

Aizaya 29:9

Ru oma wẹn phihọ ẹkpa ru wọ dia mimi, rhu ẹro wẹn ru wo rhuẹro. Jẹn oma mu we, ẹkẹvuọvo ọ dia udi-i, gele, ẹkẹvuọvo ọ dia ọ rẹ udi ọganga-an.

Aizaya 51:21

Fiki rẹ ọtiọye na, gbe nyo ọnana, ovwan re he ukpokpogho rẹ udi muẹ, ẹkẹvuọvo ye wa da udi-i:

Aizaya 6:5

Etiyin me da ta Ekan kẹ vwẹ! Fikiridie mi ghwruru, fikiridie mẹvwẹ ohwo rẹ ẹbẹrunu rọye jẹ ẹfuọn, me ke rha dia ohri rẹ ihwo rẹ ẹbẹrunu rayen jẹ ẹfuọn, fikiridie ẹro mẹ mrẹ Ovie na, Ọrovwohwo rẹ otuofovwi na!

Jerimaya 20:9

Me da tanẹ, Mi gbi che se odẹ rọye-e, eyẹ me gbe ta ota vwẹ odẹ rọye-e, yẹ ọ hẹ udu mẹ kerẹ erhanre rọ la re rhurhu phihọ evun rẹ ibeku mẹ, oma kọ rhọvwẹ vẹ eyọnrọn rọye, mi gbi se chiro-o.

Jerimaya 36:16

Ọkẹ rẹ ayen vwo nyo eta na, ayen da rhẹriẹ oma ni ohwohwo vẹ oshọ, ayen ke ta kẹ Barọk nẹ, Avwanre cha vuẹ ovie eta nana ejobi.

Jerimaya 5:31

emraro na mraro rẹ efian irherẹn na ki nene idjedje rayen ihwo mẹ ghwa reyọ wan ọtiọye, komavọ ovwan ru vwẹ ọke rẹ oba de te?

Jerimaya 8:18

E se fuẹ ophu mẹ-ẹ, Udu mẹ herọ mwọga.

Jerimaya 9:1

E manẹ uyovwi mẹ kẹ ame, rẹ ibiẹrọ mẹ da dia ogbugbu rẹ oviẹ? rere me a vie te ason te uvo fiki rẹ irivwi rẹ ọmọtẹ rẹ ihwo mẹ na!

Uvwerhe 3:15

Obo re yara ọye ọ vwọ vọn evun mẹ, Ọ da vwẹ akoro vwọ vọn vwẹ evun.

Izikiẹl 13:3

Enẹ Ọrovwohwo Ọghẹnẹ tare, Ekan kẹ emraro rẹ ẹkpa ri nene erhi rẹ obọ rayen, yẹ ayen mrẹ emuọvo-o!

Izikiẹl 9:4

Ọrovwohwo da ta kẹ, Yan wan uherevie rẹ orere na, wan uherevie ri Jerusalẹm, re wọ ka oka phihọ arhare rẹ ihwo re fiọn unu kugbe ihwo ri dirhivwẹ vwi fiki rẹ ẹgua re gberi vwẹ evun rọye.

Izikiẹl 9:6

hwe emare na ejobi ghwu, emeshare vẹ emetẹ, imitete vẹ eya, ẹkẹvuọvo wọ vwẹ obọ te ohwo ra ka oka phihọ na-a. Gba dia asan ẹshẹ na de muophihọ. Ọtiọye ayen da vwẹ ekpakọ re uwevwi na muophihọ.

Daniẹl 8:27

Etiyin Mẹvwẹ ri Daniẹl oma da ghwọrọ ovwẹ me da mwọga vwẹ ọmọke, etiyin mi de vrẹn kpo iruo rẹ ovie; ẹkẹvuọvo emramrẹ na de gbe vwẹ unu mamọ, me gbe rha riẹn otọ rọye-e.

Habakọk 3:16

Mi vwo nyo, oma me kọ phariẹ, ẹbẹrunu mẹ ko muẹ phariẹ; ibeku mẹ ki di muẹ gbo, awọ mẹ ki di muẹ phariẹ. Mi mudia gbiẹi herhẹ ẹdẹ rẹ ukpokpogho che vwo she vwa ihwo re kparẹ ofovwi bru avwanre rhe.

Ọbe ri Pọl si rhe Ihwo ri Rom 7:9

Ọke rẹ urhi herọ-ọ me da rhọ, ẹkẹvuọvo ọke rẹ urhi vwọ rhe nu, umwemwu da rhọvwọ mi de ghwu;