Jerimaya 23:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ ẹkẹvuọvo kirobo rẹ Ọrovwohwo herọ rọ reyọ uvwiẹ rẹ uwevwi rẹ Izrẹl ji sun ayen nẹ orho rẹ obọhwẹre ọnre rhe kugbe irho rọ djẹ ayen ra ejobi na. Ayen ke dia otọ rẹ obọ rayen.

Jerimaya 23:8 ပူးပေါင်းရင်းမြစ်များ

Aizaya 11:11

Vwẹ edẹ yena Ọrovwohwo kọ cha riẹn obọ rọye vwẹ obọ rivẹ rhe vwọ ghwẹ umuku rẹ ihwo rọye ri chekọ, nẹ Asiria rhe, nẹ Ijipt, nẹ Patios, nẹ Itiopia, nẹ Elam, nẹ Shinar, nẹ Hamat, kugbe irere re hẹ obo oma rẹ urhie.

Aizaya 14:1

Ọrovwohwo ko ni ehrọre ri Jekọp kọ rhoma jẹn Izrẹl reyọ, kọ rhoma vwẹ ayen kpo otọ rẹ obọ rayen, erhorha ki kuomagbe ayen, kẹ ayen churu oma mu uwevwi ri Jekọp.

Jerimaya 16:14

Ọtiọye na, nighe, ẹdẹ cha, eriyin Ọrovwohwo tare, a gbe ta ọfa-a nẹ, Obo rẹ Ọrovwohwo herọ rọ si ihwo rẹ Izrẹl nẹ otọ rẹ Ijipt rhe na,

Jerimaya 16:15

nẹ Obo rẹ Ọrovwohwo herọ rọ si ihwo rẹ Izrẹl nẹ ọrho rẹ obọhwẹre ọnre vẹ irho na ejobi vwẹ asan rọ dje ayen ra na. Kidie me cha vwẹ ayen rhivwi cha otọ re me vwọ kẹ esẹ rayen na.

Jerimaya 23:3

Ke me ghwẹ igegede mẹ ri chekọ nẹ asan me djẹ ayen ra ejobi rhe, me ghwẹ ayen rhivwi rhe ukoko rayen, ayen ki vwiẹ ji bu phihọ.

Jerimaya 29:14

Ovwan ke mrẹ vwẹ, eriyin Ọrovwohwo tare, ke me vwẹ ughwẹ rẹ ovwan rhivwi rhe ovwan ke me ghwe ovwan nẹ ẹgborho vẹ asan re me djẹ ovwan ra ejobi rhe, eriyin Ọrovwohwo tare, me je ghwa ovwan rhivwi nẹ asan ri mi mu ovwan ra kpo ighuvwu na.

Jerimaya 30:10

Wọ gbe djẹ oshọ-ọ, E Jekọp odibo mẹ, eriyin Ọrovwohwo tare, wo bru udu-u, E Izrẹl, kidie gbe no, mi che sivwi we nẹ ogboko rhe, emọ wẹn nẹ otọ rẹ ighuvwu rhe. Jekọp che rhivwi rhe o mi vwo ofuvwegbe, ohwo ro djẹ osho muo gbe dia-a.

Jerimaya 30:3

Kidie nighe, ẹdẹ cha, eriyin Ọrovwohwo tare, re me cha vwọ reyọ ughwẹ rẹ ihwo mẹ rhivwi rhe, Izrẹl vi Juda, eriyin Ọrovwohwo tare, ke me vwẹ ayen rhe otọ re me vwọ kẹ esẹ rayen, ayen ke reyọ.

Jerimaya 31:8

Nighe, me cha reyọ ayen nẹ orho rẹ obọhwerẹ ọnre rhe, koko ayen nẹ oboshesheri rẹ akpọ rhe, irhuẹro vẹ ikpono dia ohri rayen, aye vẹ ọmọ kugbe ọ rọ chuẹ uvwiẹ gbe koko; usun rode na, ayen che rhivwi rhe etinẹ.

Jerimaya 32:37

Nighe, Me cha ghwẹ ayen koko nẹ irere kirere re me vwẹ ophu ọgangan mẹ vẹ ivue miovwo mẹ djẹ ayen ra na rhe etinẹ, kẹ ayen dia egbẹrhẹnẹdẹ.

Jerimaya 8:3

Ughwu kọye che me jẹ umuku rẹ ihwo ri chekọ vwẹ orua umwemwu nana vrẹn arhọ, vwẹ asan re me djẹ ayen ra ejobi; eriyin Ọrovwohwo rẹ otuofovwi na tare.

Izikiẹl 28:25

E nẹ Ọrovwohwo Ọghẹnẹ tare: Ọke mi de rhi koko uwevwi rẹ Izrẹl nẹ ohri rẹ ihwo ra hra ayen ra na, ra da vwẹ urinrin mẹ phia vwẹ oma rẹ ayen vwẹ obaro rẹ ẹgborho na, Eeiyin kẹ ayen cha dia otọ rẹ obọ rayen re me vwọ kẹ odibo mẹ Jekọp.

Izikiẹl 34:13

Ki mi si ayen nẹ ohri rẹ ihwo na rhe, ki mi si ayen koko nẹ evun rẹ irho na rhe, ke me reyọ ayen vwo kpo otọ robọ rayen, ke me ghẹrẹ ayen vwẹ enu rẹ igbenu rẹ Izrẹl, vwẹ oma rẹ ogbugbu na, kugbe asan rẹ ihwo dia vwẹ evun rẹ orho na ejobi.

Izikiẹl 36:24

Kidie me cha reyọ owẹ nẹ ẹgborho na rhe, mi mi si we koko nẹ irho na rhe, ke me vwẹ owẹ rhe oto rẹ obọ wẹn.

Izikiẹl 36:35

Ayen ke ta, otọ nana ra kuanu jovwo na rhe rhoma hirhe phihọ ogba rẹ Idẹn; te otọ ofefe ra kuanu ro hirhe phihọ erhurhu vwẹ evun rẹ irere na ejobi a rhoma dia ayen re a je gba ogba phihọ ayen.

Izikiẹl 37:25

Ayen ke dia otọ na rẹ esẹ rẹ ovwan diare re me vwọ kẹ odibo mẹ Jekọp, te ayen te emọ rayen kugbe uvwiẹ rayen ke dia etiyin bẹde; Devid odibo mẹ kọ dia osun rayen bẹdẹ.

Izikiẹl 39:28

Etiyin ayen ke riẹn nẹ mẹvwẹ Ọrovwohwo Ọghẹnẹ rayen kidie mẹvwẹ re djẹ ayen kpo imu vwẹ orhi rẹ ẹgborho na, rọ da rha ghwẹ ayen kpo otọ rẹ obọ rayen. Me rha yan jẹ ayen ọvuọvo vwo vwẹ ohri rẹ ẹgborho na ọfa-a.

Joẹl 3:7

Ẹkẹvuọvo mẹ ra kpare ayen vrẹn nẹ asan ra she ayen ra na rhe, vwẹ uyovwi rẹ obọ wẹn Me da nọ ekpẹn rẹ uruemu wẹn na.

Maika 7:15

Kẹrẹ ọke rẹ ovwan vwo nẹ otọ rẹ Ijipt rhe na ke Me vwẹ emu rẹ igbunu buebu nẹ ayen.

Zẹfanaya 3:20

Vwẹ ọke yena ki mi se we kpo uwevwi, vwẹ ọke yena ri mi de che se ovwan koko; e, ki mi ru we vwo kperi usi re de jiri uwe vwẹ ohri rẹ ihwo rẹ akpọ na, re me da vwẹ ughwẹ rẹ ovwan rhivwi rhe vwẹ irharo rẹ ovwan na, eriyin Ọrovwohwo na tare.