Jerimaya 23:39 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁹ ọtiọye na, gbe nighe, uyota me cha kpare owẹ kpenu mi de phi we nẹ obaro mẹ, wẹ vẹ orere re me kẹ wẹ vẹ esẹ wẹn na.

Jerimaya 23:39 ပူးပေါင်းရင်းမြစ်များ

Jẹnẹsis 4:16

Ken da yan nẹ obaro rẹ Ọrovwohwo, ọ da ra dia otọ ri Nọd, vwẹ obọrhe rẹ Idẹn

Jẹnẹsis 6:17

Kidie nighe, Me cha vwẹ ame ku akpọ na, re ọ rhe ghwọrọ uvwo ejobi ri vwo ẹnwẹn rẹ arhọ rẹ otọ rẹ odjuvwu na; kemu kemu ri enu rẹ akpọ na ejobi ko ghwu re.

Ivie rẹ Ivẹ 23:27

Ọrovwohwo na da ta, Mi che si Juda nẹ obaro mẹ kirobo ri mi ru Izrẹl, ke me cha kpare orere nana re me jẹreyọ na kufia, Jerusalẹm, uwevwi re me tare, nẹ ọde mẹ cha dia etiyin.

Une rẹ Ejiro 51:11

Wọ djẹ vwẹ nẹ obaro wẹ-ẹn, wọ reyọ Erhi ọfuanfon wẹn na mie vwe-e.

Isẹ 13:13

Ohwo rọ jẹ ota na fia ọye ọvo hwe oma rọye, ẹkẹvuọvo ohwo ro mu ọghọ kẹ urhi na che vwo osa.

Aizaya 48:15

Mẹvwẹ, Mẹvwẹ vẹ ekpuyovwi Mẹ ta nure mi ji se nure, Mẹvwẹ re reyerọ rhe, ko yovwi kẹ vwẹ idjerhe rọye,

Aizaya 51:12

Mẹvwẹ, Mẹvwẹ he ohwo ro bru we uche, ono owẹ rọ djẹ oshọ rẹ ohwo rẹ akpọ ro ghwẹ, re ọmọ re ohwo ra mare kerẹ odi ghevweghe,

Jerimaya 12:7

Me siẹn uwevwi mẹ, me yan jẹn ukuẹriọ mẹ vwo, mi phi ọ ro je vwe phihọ obo rẹ ivwighrẹ rọyẹ.

Jerimaya 23:33

Ọke rẹ ọvo vwẹ usun rẹ ihwo nana, eyẹ ọmraro ọvo, eyẹ orherẹn ọvo da nọ wẹ nẹ, Die tobọ hẹ oghwa rẹ Ọrovwohwo vwo? ku wo nyo kẹ ayen nẹ, ovwan oghwa na mi phi ovwan kufia, eriyin Ọrovwohwo tare.

Jerimaya 23:38

Ẹkẹvuọvo ọ da dianẹ wọ tare nẹ, Oghwa rẹ Ọrovwohwo, enẹ Ọrovwohwo tare, fikiridie wọ ta eta nana nure, Oghwa rẹ Ọrovwohwo na, oke mi vwo ju we na, ta nẹ, Oghwa rẹ Ọrovwohwo na,

Jerimaya 35:17

Vwẹ ọtiọye na, enẹ Ọrovwohwo Ọghẹnẹ rẹ otuofovwi, Ọghẹnẹ rẹ Izrẹl na tare: Nighe, me cha ghwa umiovwo rhurhu Juda vẹ ihwo ri Jerusalẹm ejobi, umiovwo re me ta kpahe ayen jovwe na, fikiridie me ta kẹ ayen yẹ ayen kerhọ-ọn mi se ayen yẹ ayen nyori-i.

Jerimaya 36:31

Ki mi che gboja kẹ, vẹ emọ rọye kugbe idibo rọye gangan fiki rẹ orukuruku rayen, ke me cha ghwa emiovwo mi ghwoghwo kpahe ayen jovwo na phihọ enu rayen, vẹ ihwo re dia Jerusalẹm, te ihwo ri Juda, ẹkẹvuọvo ayen rhọvwe nyo-o.

Jerimaya 52:3

Ghine uyota fiki rẹ ophu rẹ Ọrovwohwo na eravwọ da rhe gbaphihọ vwi Jerusalẹm vi Juda te obo ro de phi ayen kufia nẹ obaro rọye. Zedikaya de rhi mu kpahe ovie ri Babilọn.

Jerimaya 7:14

vwẹ ọtiọye na ki mi che ru kẹ uwevwi na ra vwẹ ode mẹ se na, re wa vwẹ ẹro so, kugbe asan na re me vwọ kẹ esẹ rẹ ovwan na, kirobo ri mi ru ki Shiloh.

Jerimaya 7:15

Ke me djẹ ovwan nẹ obaro mẹ, kirobo me djẹ imoni rẹ ovwan kufia ye, uvwiẹ rẹ Ifrem ejobi.

Uvwerhe 5:20

Die avwanre vwo chọrọ owẹ ẹro bẹdẹ, die wọ vwọ siẹn avwanre kri te enẹ?

Izikiẹl 34:11

Kidie e nẹ Ọrovwohwo Ọghẹnẹ tare: Nighe, Mẹvwẹ, ekpuyovwi mẹ ọvo kọye re guọnọ ayen phia.

Izikiẹl 34:20

Vwẹ eriyin na, e nẹ Ọrovwohwo Ọghẹnẹ ta kẹ ayen. Nighe, Mẹvwẹ vẹ okpuyovwi mẹ che guẹdjọ rẹ igodẹ re pha tubie tubie kugbe igodẹ edọndọn.

Izikiẹl 5:8

Fiki rẹ ọtiọye na enẹ Ọrovwohwo Ọghẹnẹ tare. Nighe, Mẹvwẹ, ekpuyovwi mẹ, kọ vwọ so wẹ; ke me che brorhiẹ wẹn vwẹ irharo rẹ ẹgborho na.

Izikiẹl 6:3

re wọ ta, Wẹ igbenu rẹ Izrẹl, nyo ota rẹ Ọrovwohwo Ọghẹnẹ! Enẹ Ọrovwohwo Ọghẹnẹ ta kẹ igbenu ride vẹ itete na, kẹ eghwrọrọ vẹ iyara: Nighe, ekpuyovwi mẹ, cha reyọ ọlọkọ vwọ so wẹ, ke me cha guọghọ asan ri kpenu wẹn ejobi.

Izikiẹl 8:18

Fiki rẹ ọtiọye na ayen kpare o vwẹ ophu; ẹro mẹ gbi jẹn ayen vwo-o, eyẹ me gbe re ehrọre-e, owenẹ ayen kperi phihọ ovwẹ erhọn vẹ urhuru ọgangan dede, me cha kerhọn rẹ aye-en.

Izikiẹl 9:6

hwe emare na ejobi ghwu, emeshare vẹ emetẹ, imitete vẹ eya, ẹkẹvuọvo wọ vwẹ obọ te ohwo ra ka oka phihọ na-a. Gba dia asan ẹshẹ na de muophihọ. Ọtiọye ayen da vwẹ ekpakọ re uwevwi na muophihọ.

Hosia 4:6

A guọghọ ihwo mẹ fiki rẹ jẹriẹn fikiridie wọ sen erianriẹn, Me sen we nẹ wọ gbe dia orherẹn mẹ-ẹ. Ọtiobo rẹ urhi rẹ Ọghẹnẹ wẹn vwọ chọro owẹ ẹro na, emọ wẹn ke je chọro ovwẹ ẹro rhe.

Hosia 5:14

Kidie me cha họhọ okpohrokpo kẹ Ifrem, kerẹ ọmọ rẹ okpohrokpo kẹ uwevwi ri Juda. Mẹvwẹ, ekpuyovwi mẹ, me da bẹrẹ nu ke me yanran, Mi che muo yanran, yẹ o vwo ohwo ro se sivwo mie vwe-e.

Livitikọs 26:28

ke Me vwẹ ophu yan jẹn ovwan vwo, ke Me cha fa ovwan asieghwrẹn fiki rẹ imwemwu rẹ ovwan.

Matiu 25:41

Kọ cha ta kẹ ihwo re hẹ obọhwẹre rọye nẹ, Bioma nẹ asan mie epha, ovwan ihwo ra harhere na, vwo kpo erhanre ri bẹdẹ re koko phihọ kẹ ẹdjọ vẹ emakashe rọye.

Urhi Rivẹ 32:39

Gba mrẹ nẹ Mẹvwẹ, mẹvwẹ vẹ ekpuyovwi mẹ ọye, ọye ọghẹnẹ ọfa gbe herọ chọ vwẹ ra-a. Mi se hwe mi ji sivwi rhọ; Me sa woma mi mi ji se hworo kpo; ọ ro se sivwẹ nẹ obọ mẹ herọ-ọ.

2 Tẹsalonaika 1:9

Kẹ ayen cha reoja rẹ ehwe kugbe ẹghwọrọ ri bẹdẹ ka djẹ ayen nẹ obaro rẹ Ọrovwohwo kugbe urinrin rẹ ẹgba rọye.