Jerimaya 23:36 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁶ Ẹkẹvuọvo wo gbi se odẹ rẹ oghwa rẹ Ọrovwohwo na ọfa-a, kidie oghwa na ọye ota rẹ ohwo ọvuọvo, wa rhẹriẹ eta rẹ Ọghẹnẹ ri bẹdẹ na, Ọrovwohwo rẹ otuofovwi na, Ọghẹne rẹ avwanre na.

Jerimaya 23:36 ပူးပေါင်းရင်းမြစ်များ

Ivie rẹ Ivẹ 19:4

Siẹvo yẹn Ọrovwohwo Ọghẹnẹ wẹn nyo eta ejobi ri Rabshake, rẹ onini rọye ovie rẹ Asiria ji rhe rhe ta vwọ reyọ Ọghẹnẹ ro vwo arhọ vwọ jehwẹ, kẹ Ọrovwọhwo Ọghẹnẹ wẹn na ọvo cha oja rẹ ota rẹ o nyori na; fiki rẹ ọtiọye na gba nẹ ẹrhovwo kẹ umuku ra yan jovwo na.

Une rẹ Ejiro 12:3

E jẹn Ọrovwohwo bru unu ro bru avwavwe ejobi kufia, kugbe ẹrenvwe rọ yeyan rẹ okpemu ride,

Une rẹ Ejiro 120:3

Kidie a vwọ kẹ wẹ? Kidie ọfa e rhe ru kẹ wẹ, wẹwẹ ẹrẹnvwe rọ phiẹn ohwo na?

Une rẹ Ejiro 149:9

ra vwẹ ayen guẹdjọ re si phihọ otọ na! Ọnana kọ dia urinrin rẹ ihwo rọye ejobi ri sere gbuyota. Jiri Ọrovwohwo na.

Une rẹ Ejiro 64:8

Fiki re ẹrẹnvwe rayen ko che sun ayen kpo ughwru, ayen ihwo re mrẹ ayen ejobi ki kpogho uyovwi.

Isẹ 17:20

O se yovwẹ kẹ ohwo ro vwo evun ọnko-o, ohwo vẹ ẹrẹnvwe ọbrabra sua okpetu.

Aizaya 28:22

Asakiephana wọ gbe jehwẹ-ẹ, e de rhe si ifi wẹn gan, kidie mi nyo urhi rẹ ẹguọghọ ro nẹ obọ rẹ Ọrovwohwo Ọghẹnẹ rẹ otuofovwi na bru otọ na ejobi cha.

Aizaya 3:8

Kidie Jerusalẹm rọ yẹghrẹ, Juda she nure; fikiridie ota rayen kugbe uruemu rayen vwọ so Ọrovwohwo ayen da phọphọ asan urinrin rọye.

Jerimaya 10:10

Ẹkẹvuọvo Ọrovwohwo ọye uvi rẹ Ọghẹnẹ, ọye Ọghẹnẹ rẹ urhuarhọ kugbe Ovie ri bẹdẹ bẹdẹ. Akpọ na kpogho vwẹ ophu rọye ẹgborho na se chiri ivuemiovwo rọye-e.

Jerimaya 23:37

Enẹ wọ ta kẹ ọmrarọ na, Die Ọrovwohwo kpahe kẹ wẹ? eyẹ, Die Ọrovwohwo ta kẹ wẹ?

Uvwerhe 2:14

Emraro wẹn mraro rẹ efian vẹ ọphiẹnvwẹ kẹ wẹ, ayen se tue orukuruku wẹn phia-a rọ vwẹ ughwe wẹn rhivwi rhe, ẹkẹvuọvo kẹ ayen bọ epha rẹ efian ro suẹn ohwo ghwrẹ.

Matiu 12:36

Me ta kẹ ovwan nẹ, omota rẹ ọdẹ rẹ ovwan tare ejobi e vwo gu ẹdjọ rẹ ovwan.

Iyẹnrẹ Esiri ri Luk 19:22

Ọ da ta kẹ, obo ri nẹ unu wẹn rhe ọye mi vwo brorhiẹ hwe we wẹ odibo umwemwu na! Wọ riẹnre nẹ mẹvwẹ ohwo ro siaro, rọ tọrọ obo mi phihọ otọ-ọ, ro vuẹ obo Me kọnre-e?

Iruo rẹ Iyinkọn na 14:15

Ihwo na, die ovwan vwo ruẹ ọnana? Avwanre je hẹ ihwo rhe kerẹ ovwan, re ghwẹ iyẹnre esiri rhe ovwan rere ovwan yan jẹ emu diodi nana vwo bru Ọghẹnẹ ọkpokpọ na rhe, ohwo rọ ma odjuvwu kugbe akpọ kugbe abadi kugbe obo re hẹro ejobi.

Galesha 6:5

Kidie, dohwo doghwa rọye gba cha ghwa.

Urhi Rivẹ 5:26

Kidie didi ohwo vwẹ ihwo na ejobi ri nyo urhuru rẹ Ọghẹnẹ rọ ta ota, nẹ evun rẹ erhanre rhe, kirobo rẹ avwanre nyoro na, rọ da rhọ?

1 Tẹsalonaika 1:9

Kidie ekpuyovwi rẹ ayen nẹ iyẹnrẹ kẹ avwanre oghẹre rẹ edede rẹ avwanre vwori vwẹ ohri rẹ ovwan, kugbe obo rẹ ovwan siobọ nẹ ẹdjọ bru Ọghẹnẹ rhe, rhe ga Ọghẹnẹ rẹ uyota ro jeghwo,

2 Pita 3:16

rọ vwọ ta ota rẹ nana kirobo ro ruẹ vwẹ evun rẹ ẹbe rọye ejobi. Emu evo hẹ evun rẹ ayen re epha bẹnbẹn re sa ro ohwo-o, re ihwo ughẹghẹ rẹ owọ rayen gan vwẹ otọ-ọ kuẹrhẹriẹ kẹ ẹghwọrọ robọ rayen, kirobo rẹ ayen ruẹ kẹ ẹbe efuanfon ri chekọ na.

1 Samuẹl 17:26

Devid da ta kẹ ihwo ri mudia kẹrẹ, kidie e ru kẹ ohwo ro hwe ohwo re Filistia nana, ro de si ehwẹjẹ nẹ Izrẹl oma? Kono upheruphe nana ohwo ri Filistia nana, ro gbobọ se unuofovwi rẹ Ọghẹnẹ ri bẹdẹ na?

1 Samuẹl 17:36

Odibo wẹn hwe ikpohrokpo kugbe ikorhi; upheruphe nana ohwo ri Filistia kọ họhọ ọvo vwẹ usun rẹ ayen, kidie o gbobo se unuofovwi rẹ Ọghẹnẹ ri bẹdẹ na.