Jerimaya 23:31 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³¹ Nighe, mi mu kpahe emraro na, eriyin Ọrovwohwo tare, e re vwẹ ẹrẹnvwe rayen tanẹ, eriyin Ọrovwohwo tare.

Jerimaya 23:31 ပူးပေါင်းရင်းမြစ်များ

1 Ivie 22:11

Zẹdikaya ọmọ ri Chenaanah de duvwu lghoro rẹ utehru kẹ oma rọye, ọ da ta, E nẹ Ọrovwohwo tare, Ighoro nana we che vwo dje ihwo ri Siria bẹsiẹ rẹ ayen vwọ ghwọrọ.

2 Ikun rẹ Ivie 18:5

Etiyin ovie rẹ Izrẹl de se emraro na koko, ihwo ujori ẹne, ọ da ta kẹ ayen, Avwanre rẹ phi Ramot-gilead, eyẹ e jovwo? Ayen da ta, Wa yanran; kidie Ọghẹnẹ che phio phihọ obọ rẹ ovie na.

Aizaya 30:10

re ta kẹ emrẹ na nẹ, Wa mrẹ-ẹ kugbe emraro na neẹ, Wa mraro rẹ uyota na kẹ avwanre-e, ta avwerhe kẹ avwanre, mraro ri ghevweghe,

Jerimaya 23:17

Ayen dje eta efa kẹ otu re siẹn ota rẹ Ọrovwohwo na. O che yovwẹ kẹ ovwan ji te ayen ihwo ri nene udu ọgangan rẹ evun rẹ rayen nẹ, Umiovwo se te ovwa-an.

Jerimaya 23:30

Vwe ọtiọye na, gbe nighe, mi mu kpahe emraro na, eriyin Ọrovwohwo tare, iri cho ota mẹ miẹ ohwohwo na.

Jerimaya 23:32

Nighe, Mi mu kpahe otu re mraro rẹ evwerhẹ rẹ efian, eriyin Ọrovwohwo tare, kugbe otu re ta kẹ ayen me vwẹ efian evwọrọ vẹ ozighi rayen vwo sun ihwo mẹ ghwru yi mi ji aye-en me je kẹ ayen oganga-an; ayen dia erere kẹ ihwo nana-a, eriyin Ọrovwohwo tare.

Jerimaya 28:15

Oye Jerimaya rẹ ọmraro na da ta kẹ Hananaya rẹ ọmraro na, Kerhọn, Hananaya, Ọrovwohwo ji we-e, wo ru ihwo nana re vwẹ ẹro so ofian.

Jerimaya 28:17

Vwẹ ukpe yena, vwẹ emeranvwe righwrẹ Hananaya rẹ ọmraro na de ghwu.

Maika 2:11

Ohwo de vrẹn kpo otafe ra ta eta ifefe vẹ efian, tanẹ, me ta ota rẹ udi vẹ udi ọgangan kẹ ovwan, kọye re cha ta ota kẹ ihwo nana.

Urhi Rivẹ 18:20

Ẹkẹvuọvo ọmraro rọ de ta ota ọvo vwẹ odẹ mẹ ro dia ota ri mi jiro-o, eyẹ ohwo rọ vwẹ odẹ rẹ ẹdjọ ta ota, ọmraro yena ko ghwu.