Jerimaya 23:30 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁰ Vwe ọtiọye na, gbe nighe, mi mu kpahe emraro na, eriyin Ọrovwohwo tare, iri cho ota mẹ miẹ ohwohwo na.

Jerimaya 23:30 ပူးပေါင်းရင်းမြစ်များ

Une rẹ Ejiro 34:16

Ọrovwohwo hirhe opharo ku iruimwemwu, ro vwo phoro ẹkarohọ rayen nẹ otọ rẹ akpọ na.

Jerimaya 21:13

Nighe, mi mu kpahe ovwan, E Ihwo re dia iyara na, E oragha rẹ asan ophephẹ, eriyin Ọrovwohwo tare Wẹ rọ tanẹ, Ono se rhi mu kpahe avwanre, eyẹ ono sa ro ẹdia re avwanre.

Jerimaya 23:31

Nighe, mi mu kpahe emraro na, eriyin Ọrovwohwo tare, e re vwẹ ẹrẹnvwe rayen tanẹ, eriyin Ọrovwohwo tare.

Jerimaya 44:11

Fiki rẹ ọtiọye na enẹ Ọrovwọhwo rẹ otuofovwi, Ọghẹne rẹ Izrẹl, tare. Nighe, mi che mu opharo mẹ vwọ kpahe ovwan fiki rẹ umiovwo, ri mi de bru Juda ejobi kufia.

Jerimaya 44:29

Ọnana cha dia oka kẹ ovwan, eriyin Ọrovwohwo tare, nẹ mi che hwe ovwan vwẹ etinẹ na, rere wa vwọ riẹn nẹ eta mẹ ghine sẹ mu ovwan vwẹ ọ rẹ umiovwo.

Izikiẹl 13:20

Fiki rẹ ọtiọye na enẹ Ọrovwohwo Ọghẹnẹ tare: Nighe, me vwọ so egbene rẹ egbẹnẹkẹ rẹ ovwan wan bẹrẹ ibefi rẹ arhọ rẹ ihwo na, ke me cha bẹrẹ ayen nẹ abọ wẹn, ki mi siobọ nẹ ihwo ru wọ vwẹ ibefi vwo mu na kpọ ọphẹ kerẹ emephran re siobọ nu.

Izikiẹl 13:8

Fiki rẹ ọtiọye na enẹ Ọrovwohwo Ọghẹnẹ tare. Fikiridie wọ ta eta rẹ ọphiẹvwe wọ da rha mrẹ efian na, fiki rẹ otiọye gbe nighe, ki mi mukpahe owẹ, eriyin Ọrovwohwo Ọghẹnẹ tare.

Izikiẹl 15:7

Ke Me tọn opharo mẹ vi ayen, owene ayen vwọ vabọ rẹ erhanre na dede, yẹ erhanre na je cha torhẹ ayen, ku wọ riẹn nẹ mẹvwẹ Ọrovwohwo, vwẹ ọke re me da tọn opharo me vi ayen.

Livitikọs 20:3

Ekpuyovwi mẹ ki mi hirhe opharo mẹ ku ohwo yena, ki mi bro nẹ ohri rẹ ihwo rọye, fikirobo rọ vwọ reyọ ọmọ rọye kẹ Molẹk, ro vwo gbe ẹshẹ mẹ ẹgua ro rhe vwo miovwo odẹ ọfuanfon Me na.

Livitikọs 26:17

ki mi che hirhe opharo mẹ ku ovwan, ivwighrẹn rẹ ovwan ke vwẹ ovwan chiyi awọ; ihwo ri mu kpahe ovwan ki che sun ovwan, ke ovwan che muẹ dje ye ohwo ọvuọvo djẹ ovwa-an.

Urhi Rivẹ 18:20

Ẹkẹvuọvo ọmraro rọ de ta ota ọvo vwẹ odẹ mẹ ro dia ota ri mi jiro-o, eyẹ ohwo rọ vwẹ odẹ rẹ ẹdjọ ta ota, ọmraro yena ko ghwu.

Urhi Rivẹ 29:20

Ọrovwohwo rhe se vwo ghovwo-o, ukpe rẹ evworhovwo ophu vẹ omẹriọ rẹ Ọrovwohwo ko guvwie nene ohwo yena, ekan re siri phihọ ọbe nana na ki bro ra, Ọrovwohwo ko phoro odẹ rọye nẹ otọ rẹ odjuvwu na.

1 Pita 3:12

Kidie ẹro rẹ Ọrovwohwo e hẹ enu rẹ ọvwata, erhọ rọye rhie phihọ kẹ ẹrhovwo rayen, Ẹkẹvuọvo Ọrovwohwo mukpahe otu ri ruẹ umwemwu.