Jerimaya 23:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Emraro re vwẹ odẹ mẹ mraro rẹ efian na mi nyo obo rẹ ayen ta nẹ, Me vwerhẹ evwerhẹ, Me vwerhẹ evwerhẹ!

Jerimaya 23:25 ပူးပေါင်းရင်းမြစ်များ

Jẹnẹsis 37:5

Vwẹ ọke nana Josẹf da vwerhe evwerhẹ, rọ vwọ ta evwerhẹ na kẹ imoni rọye kọ rhoma tun ayen oma dududu.

Jẹnẹsis 37:9

Ọ da rhoma vwerhe evwerhẹ ọfa, ọ da je ta kẹ imoni rọye, ọ da ta, Nighere, Me rha vwerhe evwerhẹ ọfa re, mi vwo ni, ọnre, emeranvwe, kugbe isio uhwọvo da vwẹ uyovwi te otọ kẹ vwẹ.

Une rẹ Ejiro 139:2

Wọwẹ re riẹn ọke mi vwo tidia kugbe ọkẹ mi vwo vrẹn; wọwẹ ri vughe iroro mẹ vwẹ ogboko.

Une rẹ Ejiro 139:4

Tavwe rẹ ota ke rhe dia ẹrenvwe mẹ, No, E Ọrovwohwo, ju wọ riẹnrẹ ejobi rẹ.

Jerimaya 13:27

Me mrẹ egua egbe wẹn nure, igberadja vẹ efian wẹn, ọfarhiẹ vẹ obẹnẹ kugbe igberadja ọbrabra wẹn, Vwẹ enu rẹ igbenu vwẹ aghwa. Ekan kẹ wẹ, E Jerusalẹm! Mavọ okrite ra ke họ wẹ fon?

Jerimaya 14:14

Ọrovwohwo da ta kẹ vwẹ, Emraro na vwẹ odẹ me mraro rẹ ofian, mi ji ayẹ-ẹn mi ji iji kẹ aye-en eyẹ ta kẹ aye-en, aroẹmrẹ rẹ ofian ayen mrẹ kẹ ovwan na, epha ri fiemu-u, vẹ ọphiọvwẹ rọ hẹ udu rayen.

Jerimaya 16:17

Kidie ibiẹro mẹ mrẹ idjerhe rayen ejobi, e djahe kẹ vwẹ-ẹ, umwemwu rayen je djahe kẹ ibiẹro mẹ-ẹ.

Jerimaya 23:28

E jẹ ọmraro rọ vwerhẹ evwerhẹ ta evwerhẹ rọye, ẹkẹvuọvo e jẹ ọ ro vwo ota mẹ vwẹ esegbuyota ta. Didi emu odi ve ọka gbe vwo kugbe? eriyin Ọrovwohwo tare.

Jerimaya 23:32

Nighe, Mi mu kpahe otu re mraro rẹ evwerhẹ rẹ efian, eriyin Ọrovwohwo tare, kugbe otu re ta kẹ ayen me vwẹ efian evwọrọ vẹ ozighi rayen vwo sun ihwo mẹ ghwru yi mi ji aye-en me je kẹ ayen oganga-an; ayen dia erere kẹ ihwo nana-a, eriyin Ọrovwohwo tare.

Jerimaya 27:10

Kidie ofian ayen mraro rọye kẹ ovwan na, oba rọye ke che si ovwan nẹ otọ rẹ ovwan na shesheri. Ke me djẹ ovwan kufia, ovwan ke cha ghwọrọ kufia.

Jerimaya 27:15

Mi ji aye-en, eriyin Ọrovwohwo tare, ẹkẹvuọvo ayen vwẹ odẹ mẹ mraro re efian, oba rọye ke me cha djẹ ovwan kufia, re ovwan da ghwọrọ kufia, ovwan kugbe emraro re mraro kẹ ovwan na.

Jerimaya 29:23

fikiridie ayen ru uruemu rẹ ẹkpa vwẹ Izrẹl ayen vẹ eya rẹ irivẹ rayen gbe ọfanrhiẹn, ayen da vwẹ odẹ mẹ ta eta rẹ efian re me vuẹ ayen nẹ ayen ta-a. Mẹvwẹ ohwo rọ riẹnre, mẹvwẹ je he oseri, eriyin Ọrovwohwo tare.

Jerimaya 29:8

Kidie enẹ Ọrovwohwo rẹ otuofovwi, Ọghẹnẹ rẹ Izrẹl, tare. We jẹ emraro vẹ eboepha re hẹ uherevie rẹ ovwan na phiẹ ovwa-an, wa kerhọn rẹ evwerhẹ re ayen vwerhe na-a,

Jerimaya 8:6

Me nabọ vwẹ oma kpoto kerhọn, ẹkẹvuọvo ota rayen ji shephihọ-ọ ọ rọ kurhẹriẹ nẹ orukuruku rọye herọ-ọ, yẹ ọ tanẹ, Die mi ruru? Dohwo didjerhe rọye vwo gbe, kerẹsiẹ rẹ iyesi da vwẹ uyovwi hẹrhẹ ofovwi.

Uvwerhe 2:14

Emraro wẹn mraro rẹ efian vẹ ọphiẹnvwẹ kẹ wẹ, ayen se tue orukuruku wẹn phia-a rọ vwẹ ughwe wẹn rhivwi rhe, ẹkẹvuọvo kẹ ayen bọ epha rẹ efian ro suẹn ohwo ghwrẹ.

Izikiẹl 22:28

Emraro rọye da vwẹ ophiẹvwe vwo ghwọrọ ayen, re mrẹ emramrẹ rẹ efian re bọ epha rẹ efian kẹ ayen, tanẹ, E nẹ Ọrovwohwo Ọghẹnẹ tare, jẹ Ọrovwohwo na tare-e.

Joẹl 2:28

Rẹ ọke de rhi te vwẹ ukuko rọye re, ki mi che ku erhi mẹ ku ihwo ejobi, te emeshare wẹn te emetẹ wẹn kẹ cha mraro, ememare wẹn ke cha vwerhe evwerhẹ, imighene wẹn ke cha mrẹ emramrẹ.

Zekaraya 13:3

Re ọ da dianẹ ohwo rhoma vwẹ oma ru ọmraro, ọsẹ vẹ oni rọye ri vwiẹrẹ me ta kẹ nẹ, Wọ cha rhọ-ọn, kidie wọ vwẹ odẹ rẹ Ọrovwohwo vwọrọn efian, ọsẹ vẹ oni rọye ri vwiẹrẹ na mi duvwo fi vwẹ ọke rọ da mraro na.

Ukeri 12:6

Etiyin ọ da ta, We nyo eta mẹ: ọ da dianẹ ọmraro uherevie rẹ ovwan, mẹvwẹ rẹ Ọrovwohwo ọye vwẹ oma phia kẹ vwẹ emramrẹ, mi nenire ta ota vwẹ evun rẹ evwerhẹ.

Matiu 1:20

Ọke rọ vwọ jẹ iroro na, nighe amakashe rẹ Ọrovwohwo de bro rhe vwẹ evwerhẹ, ọ da ta kẹ, Josẹf rẹ ọmọ ri Devid, wọ djẹ oshọ-ọ, ra reyọ Meri rẹ aye wẹ na, kidie evun rọ mrẹre na ọ rẹ Erhi Ọfuanfon.

Iyẹnrẹ Esiri ri Luk 12:3

Kota kota rẹ ovwan tare vwẹ evun rẹ egho ke nyo ayen vwẹ evun rẹ uvo, obo wa bẹbẹ ta vwẹ evun rẹ uvun ke ghwoghwo ayen vwẹ okpo rẹ uwevwi.

1 Kọrẹnt 4:5

Eriyin na wo rhe brorhiẹ tavwe rẹ ọke na ki te-e, tavwe rẹ Ọrovwohwo ke rhe, ohwo rọ cha vwẹ obo re sinu asakiephana vwẹ ebri vwọ phia kugbe obo rẹ udu roro ejobi vwọ phia. Etiyin ohwo ọvuọvo ki che vwo ejiro rọye vwẹ obo rẹ Ọghẹnẹ.

Hibru 4:13

O vwo emama ọvuọvo ro sioma nu kẹ-ẹ, emu na ejobi rhie phihọ ghwroro kẹ ohwo rẹ avwanre vẹ ọye gbe yerẹ kuẹgbe na.

Ẹvwọphia 2:23

Emọ rẹ ayen vwẹ ọfanrhiẹ vwiẹ na ki ghwu re. Ishọshi na ejobi ke riẹn nẹ mẹvwẹ re hiẹ iroro kugbe udu, ke me hwa osa kẹ ovwan ọvuọvo kirobo rẹ iruo rẹ ovwan teri.