Jerimaya 23:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Ohwo se si oma nu vwẹ asan rọ djahere mi de jẹ mrẹ, eriyin Ọrovwohwo tare. Ọ dia mẹvwẹ re ghwẹ odjuvwu vẹ akpọ na vọn eriyin Ọrovwohwo tare.

Jerimaya 23:24 ပူးပေါင်းရင်းမြစ်များ

Jẹnẹsis 16:13

Kọye o de se asan rẹ Ọrovwohwo da ta ota kẹ na, Wẹ Ọghẹnẹ rọ mrorẹ, kidie ọ tare nẹ, Ke Me ghene mrẹ Ọghẹnẹ, Me mrẹrẹ nu Me da je rhọ?

1 Ivie 8:27

Ẹkẹvuọvo kẹ Ọghẹnẹ sa tobọ dia otọ rẹ akpọ na? Nighere, odjuvwu kugbe odjuvwu ro me kpenu na sa gba wẹ-ẹ; komavọ uwevwi ọhahavwe nana re me bọnre na.

2 Ikun rẹ Ivie 2:6

Ẹkẹvuọvo kono re sa bọn uwevwi kẹ, yẹ odjuvwu tobọ odjuvwu ro me kpenu na, sa gba-a? Mẹvwẹ ono re me vwọ bọn uwevwi kẹ, jokpa rẹ amasan ra da torhẹ insẹns kẹ?

2 Ikun rẹ Ivie 6:18

Ẹkẹvuọvo vwẹ ọ rẹ uyota na kẹ Ọghẹnẹ vẹ ihwo dia otọ rẹ akpọ na? Nighere, odjuvwu kugbe odjuvwu ro me kpenu na sa gba wẹ-ẹ; komavọ umuwevwi nana re me bọnre na?

ỌBE RẸ JOB 34:21

Kidie ẹro rọye hẹ idjerhe rẹ ohwo rẹ akpọ, ọ mrẹ ichiyotọ rọye ejobi.

ỌBE RẸ JOB 34:22

Egho eyẹ ebri herọ rẹ iruimwemwu de sioma rẹ ayen nẹ-ẹ.

Une rẹ Ejiro 10:11

O roro vwẹ udu rọye nẹ, Ọghẹnẹ gbe karọphihọ-ọ, o si opharo rọye nu, ọ gbe cha mrẹ bẹdẹ-ẹ.

Une rẹ Ejiro 139:7

Tivọ me djẹ ra kẹ Erhi wẹn? Eyẹ ki tivọ me djẹ nẹ opharo wẹn ra?

Une rẹ Ejiro 139:8

Ọ da dianẹ mi yeri kpo odjuvwu, wọ hẹ etiyin! Ọ da dianẹ me hwa ehwa mẹ phihọ Erivwi, wọ he etiyin!

Une rẹ Ejiro 148:13

Jẹn ayen jiri odẹ rẹ Ọrovwohwo na, kidie odẹ rọye ọvo a kpare kpenu; urinrin rọye ọ hẹ enu rẹ akpọ vẹ odjuvwu.

Une rẹ Ejiro 90:8

Wọwẹ ri mu imwemwu rẹ avwanre phihọ obaro wẹn, imwemwu rẹ avwanre re djahere he evun rẹ urhukpẹ rẹ opharo wẹn.

Isẹ 15:3

Ibiẹro rẹ Ọrovwohwo mrẹ asan kasan ejobi, ọ rọ rhẹrẹ iruimwemwu vẹ ohwoesiri ejobi,

Aizaya 29:15

Ekan kẹ otu ri si aghwanre rayen nẹ kokodo kẹ Ọrovwohwo, ri ruẹ uruemu rayen vwẹ evun rẹ ebri, re tanẹ, Kono mrẹ avwanre? Kono riẹn avwanre?

Aizaya 57:15

Kidie enẹ Ọro grori ro kpenu Ọvuọvo na tare rọ dia uphephẹ re rara, rẹ odẹ rọye Ọfuanfon. Me dia asan ro kpenu rọ fonro, ihwo re fonro rẹ udu rayen kpotọ Me vayen gbe dia, rere Me vwọ rhọvwọ udu ro kpotọ, rere Me vwọ sasa udu rọ fonro,

Aizaya 66:1

Enẹ Ọrovwohwo tare: Odjuvwu he ekete Mẹ akpọ na kẹ asan Me ghwe awọ kpaha, ki didi uwevwi wa bọn kẹ vwẹ ki tivọ asan rẹ urovwoma Mẹ?

Jerimaya 16:17

Kidie ibiẹro mẹ mrẹ idjerhe rayen ejobi, e djahe kẹ vwẹ-ẹ, umwemwu rayen je djahe kẹ ibiẹro mẹ-ẹ.

Jerimaya 32:19

rọ rhoro vwẹ ẹghwanre vẹ ẹgba kugbe uruemu; rẹ ẹro rọye rhie phihọ kẹ idjerhe rẹ ihwo ejobi, ọ rọ je hwa osa kẹ ohwo kohwo kirobo rẹ idjerhe rọye vẹ emamo rẹ iruo rọye epha;

Jerimaya 49:10

Ẹkẹvuọvo me ban Isọ phihọ krodjo, mi rhie odjahọ rọyẹ phihọ, o gbi se si oma rọye nu-u. A ghwọrọ emọ rọyẹ, vẹ iniọvo rọye rẹ eshare, vẹ irivẹ rọye; ọ gbe herọ ọfa-a.

Izikiẹl 8:12

Etiyin ọ da ta kẹ vwẹ, Ọmọ rẹ ohwo, wọ mrẹ obo rẹ ekpako rẹ uwevivi rẹ Izrẹl ruẹ vwẹ evun rẹ ebri, ohwo ọvuọvo vwẹ evun rẹ uvun ri foto rọye? Kidie ayen ta, Ọrovwohwo mrẹ avwanre-e, Ọrovwohwo siẹn otọ na

Izikiẹl 9:9

Etiyin ọ da ta kẹ vwẹ, abe rẹ uwevwi rẹ Izrẹl vi Juda rhoro gangan, otọ na vọnre vẹ ọbara, orere na da rha vọn vẹ orhiẹn rẹ eku, kidie ayen ta, Ọrovwohwo siẹn otọ na, Ọrovwohwo gbe mrẹ-ẹ.

Daniẹl 2:22

Ọ vwẹ obo ri kodori vẹ emuigbunu vwọ phia, ọ riẹn obo rọ hẹ evun rẹ ebri, orẹmrẹ vọye gba dia.

Daniẹl 4:35

Ihwo re dia akpọ na ejobi e kere ayen kerẹ emu diodi; obo ri jere ọye o ruẹ vwẹ ohri rẹ otu rẹ obo odjuvwu vẹ ohri rẹ ihwo re dia akpọ na; o vwo ohwo ọvuọvo rọ sa da obọ rọye jẹ-ẹ yẹrẹ ta kẹ nẹ, die wọ ruẹ?

Ẹfesọs 1:23

kọye hẹ oma rọye, ọvọnvọn rọ vọn ro emu na ejobi oma.

Hibru 4:13

O vwo emama ọvuọvo ro sioma nu kẹ-ẹ, emu na ejobi rhie phihọ ghwroro kẹ ohwo rẹ avwanre vẹ ọye gbe yerẹ kuẹgbe na.