Jerimaya 23:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Ophu rẹ Ọrovwohwo se rhivwi-i bẹsiẹ ro vwo brorhiẹ rẹ imu re hẹ udu rọye re nu. Vwẹ ẹdẹ rẹ okuko na wa cha riẹn phephe.

Jerimaya 23:20 ပူးပေါင်းရင်းမြစ်များ

Jẹnẹsis 49:1

Etiyin Jekọp de se emọ rọye, ọ da ta, Wa ghwẹ oma koko, re Me ta kẹ ovwan obo re cha phia kẹ ovwan vwẹ ẹdẹ rọ cha.

1 Ivie 8:47

ayen da rhe karohọ vwẹ otọ rẹ mu ayen ighuvwu ra na, ayen de kurhẹriẹ, rẹ ayen da rẹ wẹ vwẹ otọ re mu ayen ra na, tanẹ, Avwanre ru imwemwu, avwanre ru chọ brabra;

Ivie rẹ Ivẹ 23:26

Dede na Ọrovwohwo gbobọ nyẹ ophu rọye ọgangan na-a, ophu ro muru kpahe Juda, vwi fiki rẹ ophu ẹkparọ ri Manasse kpaerọ.

Ivie rẹ Ivẹ 23:27

Ọrovwohwo na da ta, Mi che si Juda nẹ obaro mẹ kirobo ri mi ru Izrẹl, ke me cha kpare orere nana re me jẹreyọ na kufia, Jerusalẹm, uwevwi re me tare, nẹ ọde mẹ cha dia etiyin.

Isẹ 21:30

O vwo aghwanre-e, o vwo ẹruọ-ọ, o vwo iroro-o o se ru emuọvo kpahe Ọrovwohwo-o.

Aizaya 14:24

Ọrovwohwo rẹ otuofovwi kpokpa nure Obo ri mi roro phihọ, eriyin ọ cha dia, obo me tanẹ ọ dia ọtiọye o mudia phihọ,

Aizaya 55:11

ọtiọye ota Mẹ ro ne unu Mẹ rhe; che se fiabọ-ọ, ẹkẹvuọvo o ru obo ri mi jiro gba, obo mi jiro no ru ko yovwi.

Jerimaya 30:24

Ophu ọgangan rẹ Ọrovwohwo na se rhivwi-i bẹsiẹ ro vwo ru iroro rọ jẹre vwẹ udu rọye na gba. Wa cha riẹn ọnana vwẹ ẹdẹ rẹ ukuko na.

Jerimaya 4:28

Fiki rẹ ọnana akpọ na ki che muomahọ, obenu ko che bi, kidie me ta nure, me jẹn iroro nure, mi che dogho obọ-ọ mi ji kurhẹriẹ-ẹ.

Jerimaya 51:12

Vwẹ aphiana tan kpahe igbẹhẹ ri Babilọn; jẹn ohẹrhẹ na gan vwẹ erhẹrotọ mu, jẹn ihwo hwa phihọ. Kidie Ọrovwohwo jẹ iroro na ọye ji ruo obo rọ tare kpahe ihwo ri Babilọn.

Izikiẹl 21:10

a nọro da phẹrẹphẹrẹ re ọghwọrọ, e riere fia re ọ nyavwẹ aro kerẹ enu! Eyẹ kẹ avwanre ghọghọ? Wọ jẹ ọkpọ na fia, ọmọ mẹ, kugbe emu kemu ra vwẹ urhe kare.

Izikiẹl 21:5

ihwo ejobi ke riẹn nẹ mẹvwẹ Ọrovwohwo yoro ọlọkọ mẹ nẹ ako rọye rhe, e gbi dje phihọ ako na ọfa-a.

Zekaraya 1:6

Ẹkẹvuọvo eta mẹ vẹ iji Me, ri mi ji kẹ idibo mẹ emraro na, o rhe mu ese re ovwan? Eriyin ayen de kurhẹriẹ ta, kirobo rẹ Ọrovwohwo rẹ otuofovwi rori nẹ ọye ru avwanre fiki rẹ idjerhe vẹ uruemu rẹ avwanre na, ọtiọye o ghine ru avwanre.

Urhi Rivẹ 4:30

Ọke rẹ ovwan da evun rẹ ukpokpogho rẹ emu nana ejobi de bru ovwan rhire, ku ovwan rhivwi bru Ọrovwohwo Ọghẹnẹ rẹ ovwan na, ke ovwan kerhọ rẹ urhuru rọye;