Jerimaya 23:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Nighe, ogiribo rẹ Ọrovwohwo! Ophu rọye ro otafe re, ọdju rode; ọ cha enu rẹ iriumwemwu na.

Jerimaya 23:19 ပူးပေါင်းရင်းမြစ်များ

Une rẹ Ejiro 58:9

Ro phẹre nẹ ẹrhorho rẹ itaso eriyin ẹrhorhọ re inwe na epha vwẹ oma wẹn, ọ diare wọnwọn eyẹ ọ muẹ la, jo hwerhe ayen yanran!

Isẹ 1:27

siẹ rẹ uguegue da ro ovwan oma kere ogiribo rẹ okpetu wẹn da rhe kerẹ odju, rẹ ọbẹvwẹ vẹ enuebro de rhi bru ovwan rhe.

Isẹ 10:25

Ọke rẹ ogiribo de dju fọ nu, a gbo mrẹ oruimwemwu ọfa-a ẹkẹvuọvo ọvwata cha dia bẹdẹ.

Aizaya 21:1

Aruemrẹ kpahe aghwa rọ obọ urhie. Kirobo rẹ ogoribo djuẹ vwẹ obi Nẹgẹb, ọ djuẹ nẹ obo aton cha, nẹ otọ ro mu oshọ rhe.

Aizaya 40:24

Ugbegangan a vwọ kọn ayen, ugbegangan e vwo voro, ugbegangan ugbẹn rayen vwọ dje ruotọ, ọke rẹ odju de dju ayen re ki phiorọ, aphopho ko djuẹ ayen yanran kerẹ iphopho.

Jerimaya 25:31

Edo na rhoma do te oba rẹ akpọ na re, kidie Ọrovwohwo vwo ẹdjọ kpahe irere na, ọ vẹ ihwo na ejobi che guẹdjọ, iruimwemwu ọ cha vwẹ ọlọkọ hwe ayen, eriyin Ọrovwohwo tare.

Jerimaya 25:32

Enẹ Ọrovwohwo rẹ otuofovwi na tare: Nighe, umiovwo nẹ orere ra ro orere re, O se ogidi rode na nẹ oba rẹ akpo na rhe!

Jerimaya 30:23

Gbe ni ogiribo rẹ Ọrovwohwo! Ophu rọye duvwu phia re, odju rode na; O cha bẹrẹ ku uyovwi rẹ oruimwemwu.

Jerimaya 30:24

Ophu ọgangan rẹ Ọrovwohwo na se rhivwi-i bẹsiẹ ro vwo ru iroro rọ jẹre vwẹ udu rọye na gba. Wa cha riẹn ọnana vwẹ ẹdẹ rẹ ukuko na.

Jerimaya 4:11

Ka cha ta kẹ ihwo nana vẹ Jerusalẹm vwẹ ọke yena, Odju ọrhorhorho che nẹ ugbenu phrẹphrẹphrẹ rẹ aton na cha che hirhe aro ku ọmọtẹ rẹ ihwo mẹ, ọ dianẹ re ọ vwọ sanọ eyẹ re o vwo ruo fo-on,

Jerimaya 51:1

Enẹ Ọrovwohwo tare: Nighe, me cha kpare erhi rẹ oghwọrọ ọvo vwọ kpahe Babilọn, vwo kpahe ihwo ri Kaldia.

Izikiẹl 1:4

Mi vwo no, nighe, odju rẹ ogiribo ro nẹ obọhwẹre ọnre cha, vẹ egho rode, ọ vẹ orẹmrẹ ro lo riariẹ, vẹ erhanre rọ nyavwaro kọke kọke, vwẹ uherevie rẹ erhanre na, kerẹ esiẹ rẹ o lo kerẹ ẹrovwo.

Izikiẹl 13:13

Fiki rẹ ọtiọye na enẹ Ọrovwohwo Ọghẹnẹ tare: Me cha vwẹ odju rẹ ogiribo cha vwẹ ophu mẹ, osio rẹ oghwe kọ cha rhọ vwẹ ivuemiovwo mẹ, ibieragha ride rẹ ophu mẹ ke guọghọ.

Emọs 1:14

Vwẹ ọtiọye na ki mi che koko erhanre phihọ igbẹhẹ ri Rabah, kọ tọrhẹ ogba ọgangan rọye, re unuebo vwẹ ẹdẹ rẹ ofovwi, vẹ ọgbogho vwẹ ẹdẹ rẹ ogiribo;

Zekaraya 7:14

Me da vwẹ odju rẹ ovwre vwo hra ayen ro ohri rẹ ẹgborho rẹ ayen riẹnre-e kọye otọ rẹ ayen nuru da rhe dia ofefe, ọtiọye na ohwo rha yanrhe yankpo vwọ-ọ, otọ esiri na da rhe dia ofefe.

Zekaraya 9:14

Etiyin Ọrovwohwo kọ cha vwẹ oma phia kẹ ayen odada rọye kọ yanran kerẹ enu rọ nyavwaro. Ọrovwohwo Ọghẹnẹ che hworo owanre na, ọ Me yan phia vwẹ odju rẹ ovwre re hẹ obọrhe ọnre.