Jerimaya 23:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ayen dje eta efa kẹ otu re siẹn ota rẹ Ọrovwohwo na. O che yovwẹ kẹ ovwan ji te ayen ihwo ri nene udu ọgangan rẹ evun rẹ rayen nẹ, Umiovwo se te ovwa-an.

Jerimaya 23:17 ပူးပေါင်းရင်းမြစ်များ

2 Samuẹl 12:10

Fiki rẹ ọtiọye na, ọlọkọ gbi se nẹ anurhoro wẹn bẹdẹ-ẹ, kidie wọ jẹn vwẹ fia, wọ da reyọ aye rẹ Uraya rẹ ohwo ri Hẹt vwo ru aye wẹn.

Aizaya 30:10

re ta kẹ emrẹ na nẹ, Wa mrẹ-ẹ kugbe emraro na neẹ, Wa mraro rẹ uyota na kẹ avwanre-e, ta avwerhe kẹ avwanre, mraro ri ghevweghe,

Aizaya 57:21

O vwo ufuoma-a eriyin Ọghẹnẹ mẹ tare, vwọ kẹ oruimwemwu-u.

Jerimaya 13:10

Ihwo umwemwu nana, re senre nẹ ayen nyo eta mẹ-ẹ na, re vwẹ udu ọgangan nene udu rẹ obọ rayen vwọ yan nene edjọ efa vwọ gan ayen je vwẹ uyovwi te otọ kẹ ayen na, ayen cha dia kerẹ otehun nana, ro fi emuọvo-o na.

Jerimaya 18:12

Ẹkẹvuọvo ayen da ta nẹ, Ọyena emu gheghe! Me nene iroro rẹ obọ rẹ avwanre, avwanre ohwo ọvuọvo ru kirobo rẹ udu ọgangan rẹ avwanre epha.

Jerimaya 18:18

Etiyin ayen da ta, wa yanrhe, ra jẹn iroro rhurhu Jerimaya, kidie urhi se miovwi nẹ obọ rẹ orherẹn rhe-e, eyẹ iroro ẹjẹ sa phiẹn ọvweghwanre-e, ota ji se nẹ obọ rẹ ọmraro na rhe-e. Wa rhe, re a vwẹ ẹrẹnvwe hwe, e ja kerhọn rẹ eta rọye ọvuọvo-o.

Jerimaya 3:17

Vwẹ ọke yena ke se Jerusalẹm nẹ ekete rẹ uvie rẹ Ọrovwohwo, irere na ejobi ki koko bro rhe, obaro rẹ Ọrovwohwo vwi Jerusalẹm, ayen gbe rha vwẹ udu ọgangan vwo nene umwemwu rẹ udu rayen ọfa-a.

Jerimaya 4:10

Etiyin me da ta, E Ọrovwohwo Ọghẹnẹ, uyota wọ ghene phiẹn ihwo nana kugbe Jerusalẹm reghe, nẹ, O che yovwẹ kẹ ovwan, yẹ ọlọkọ te urhuarhọ rayen nure.

Jerimaya 5:12

Ayen vwọnrọn efian kpahe Ọrovwohwo, ayen da tanẹ, O se ru emuọvo-o, umiovwo se te avwanre oma-a eyẹn avwanre sa mrẹ ọlọkọ eyẹrẹ owẹvwe-e.

Jerimaya 6:14

Ayen sivwi era rẹ ihwo mẹ te-e, ta nẹ, Ufuoma, ufuoma, yẹ ufuoma herọ-ọ.

Jerimaya 7:24

Ẹkẹvuọvo ayen nyori-i, ayen kerhọ-ọn, ẹkẹvuọvo ayen da yan nene iroro rẹ obo rayen vẹ udu ọgangan rẹ udu umwemwu rayen, ayen da ya kpuko o gbe dia obaro-o.

Jerimaya 8:11

Ayen vwẹ obọ pẹpẹ era rẹ ihwo mẹ tanẹ, Ufuoma, ufuoma, ye ufuoma herọ-ọ.

Jerimaya 9:14

ẹkẹvuọvo yẹ ayen ji nene udu ọgangan rayen, ayen da yan nene Baal, kirobo esẹ rayen yono ayen.

Uvwerhe 2:14

Emraro wẹn mraro rẹ efian vẹ ọphiẹnvwẹ kẹ wẹ, ayen se tue orukuruku wẹn phia-a rọ vwẹ ughwe wẹn rhivwi rhe, ẹkẹvuọvo kẹ ayen bọ epha rẹ efian ro suẹn ohwo ghwrẹ.

Izikiẹl 13:10

Fikiridie, uyota, ayen sun ihwo mẹ ghwru, tanẹ, Ufuoma ye ufuoma herọ-ọ, fikiridie, ọke rẹ ihwo na vwọ bọn igbẹhẹ, emraro nana da vwẹ oda ọfuanfon vwọ darọ.

Izikiẹl 13:19

Wo gbe vwe ẹgua vwẹ ohri rẹ ihwo mẹ fiki rẹ ẹkuobọ rẹ ọka kugbe ubro rẹ ikara, we mi hwe ihwo ri fo ughwu-u, ihwo ri fo ughwu we mi je ayen vwo, vwẹ oma rẹ efian re wa vwọrọ kẹ ihwo mẹ, re kerhọn rẹ efian.

Izikiẹl 13:22

Fikiridie wọ nẹrhẹ udu bru evwata na ekueku, ye me vwẹ udu bro kẹ, wo de phi udu phihọ ohwo umwemwu awọ, rere o je rhivwi nẹ idjerhe umwemwu rọye ro sivwi arhọ rọye,

Emọs 9:10

Iruimwemwu rẹ hẹ ohri rẹ ihwo mẹ ejobi che ghwu ughwu rẹ ọlọkọ, re tanẹ, umiovwo che se te avwanre oma-a.

Maika 2:11

Ohwo de vrẹn kpo otafe ra ta eta ifefe vẹ efian, tanẹ, me ta ota rẹ udi vẹ udi ọgangan kẹ ovwan, kọye re cha ta ota kẹ ihwo nana.

Maika 3:11

Igbuyovwi rọye da udi tavwe ri ki brorhiẹ, irherẹn rọye yono fiki rẹ osa, emraro na hẹrhẹ igho re ke mraro, ye ayen vwẹ oma kpahe Ọrovwohwo ayen me ta, Ọrovwohwo na he uherevie rẹ avwanre-e? Emu umwemwu ọvuọvo che te avwanre oma-a.

Maika 3:5

E nẹ Ọrovwohwo ta kpahe emraro na ri suẹn ihwo mẹ ghwrẹ na, ri kperẹ, Ufuoma yẹ ayen vwo emuọvo rẹ ayen ria-a, ẹkẹvuọvo yẹ ayen vwẹ ofovwi suọ ohwo ro phi emuọvo phihọ unu raye-en.

Zẹfanaya 1:12

Vwẹ ọke yena kẹ urhukpẹ me vwọ guọnọ Jerusalẹm, ki mi hwe eshare na otu re kerhọn rẹ uyono esiri ọkpokpo na-a, otu re ta vwẹ udu rayen nẹ, Ọrovwohwo se ruẹ obo ri yoma-a, eyẹ o ji se ruẹ ọbo ri miovwiri-i.

Zekaraya 10:2

Kidie ama ta ogbeta, emraro je mrẹ efian rhe, evwerhẹewerhẹ ta evwerhẹ re efian ọ me kẹ uchebro ofefe. Ọtiọye na ihwo na da hra kerẹ igegede; a wan ayen oma kidie ayen vwo osuigegede-e.

Malakae 1:6

Ọmọ mu ọghọ kẹ ọse rọye, odibo mi rhe mu ọghọ kẹ onini rọye. Me da dia ọsẹ, kẹ ọghọ mẹ rhọ? Me da rha dia onini, kẹ oshọẹdjẹ mẹ rhọ? eriyin Ọrovwohwo rẹ ọgba rẹ ofovwi na ta kẹ wẹ, E irherẹn, re jẹ odẹ mẹ fia na? Wọ rọ ta nẹ, idjerhe vọ ma vwọ jẹ odẹ wẹn fia?

Ukeri 11:20

ẹkẹvuọvo ọsoso rẹ emeranvwe, bẹsiẹ rẹ ọ cha vwọ wan inwe wẹn phia, ke kpare owẹ ohọre, fikiridie wọ sien Ọrovwohwo rọ ohri rẹ ovwan, wa da viẹ vwẹ obaro rọye, tanẹ, Die avwanre vwọ tobọ nẹ otọ rẹ Ijipt rhe vwọ?

Iyẹnrẹ Esiri ri Luk 10:16

Ọ ro nyo ota rẹ ovwan yo nyo ọ mẹ, ọ rọ sen ovwan yọ sen vwẹ, ọ rọ sen vwẹ yọ sen ọ ro ji vwe rhe.

Urhi Rivẹ 29:18

Wa kẹnoma eyẹ a da rhe mrẹ ọshare eyẹ aye eyẹ orua eyẹ uvwiẹ ọvo, rẹ udu rọye kurhẹriẹ jẹ Ọrovwohwo Ọghẹnẹ rẹ avwanre vwo nonẹ na ra ga edjọ rẹ ẹgborho yena; eyẹ a da rhe mrẹ ọvo rọ mọ omamọ ro vwo obi kugbe omamọ ro muenu vwẹ uherevie rẹ ovwan,

Urhi Rivẹ 29:19

ohwo ọvo ro nyo eta rẹ ọphọ nana ra rere na rọ bẹbẹ nẹ ẹrhovwo vwẹ udu rọye nẹ, Owenẹ Me yan nene obo rẹ udu mẹ guọnọre dede, emu ọvuọvo se ru vwe-e. Ọnana kọye cha ghwa ehwerhe kuẹfia rẹ odjidjiro vẹ ọyaya rhe.

1 Tẹsalonaika 4:8

Vwẹ ọtiọye na ohwo ro se uyono nana gbe emu-u, ọ dia ohwo rẹ akpọ ọ jefia-a ẹkẹvuọvo Ọghẹnẹ, rọ vwẹ Erhi Ọfuanfon rọye na kẹ ovwan.

1 Samuẹl 2:30

Vwẹ ọtiọye na Ọrovwohwo Ọghẹnẹ rẹ Izrẹl na tare: Mi veri jovwo nẹ uwevwi wẹn kugbe uwevwi rẹ ọsẹ wẹn ke ro uwevwi ro otafe vwẹ obaro mẹ bẹdẹ; ẹkẹvuọvo asakiephana Ọrovwohwo tare: ọ gbe dia omẹvwẹ; ọfa-a; kidie ihwo ri mu ọghọ kẹ vwẹ eye mi mu ọghọ kẹ, ihwo re jẹ vwẹ fia ke ni ayen phorhi.