Jerimaya 23:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ọtiọye na enẹ Ọrovwohwo rẹ otuofovwi na ta kpahe emraro na: Nighe, me cha vwẹ emu ro muenu ghẹrẹ ayen, me ke ayen ame rẹ obi da, kidie vwẹ obọ rẹ emraro ri Jerusalẹm Jẹn ọghẹnẹ ẹriẹn rhe wan ro otọ na ejobi.

Jerimaya 23:15 ပူးပေါင်းရင်းမြစ်များ

Une rẹ Ejiro 69:21

Ayen da vwẹ obi ru emuọre kẹ vwẹ, ki viniga me dare vwo fue urhuru rẹ ame mẹ.

Jerimaya 14:15

Ọtiọye na enẹ Ọrovwohwo tare kpahe emraro ri mi jiri-i ye vwẹ odẹ mẹ mraro na, ere ta nẹ, ọlọkọ vẹ owẹvwe sa rhe otọ nana-a! ọlọkọ vẹ owẹvwe cha ghwọrọ emraro yena.

Jerimaya 8:14

Die avwanre vwo tidia gbiei? Sioma koko, re avwanre yan ruẹ irere ra gba ogba phihọ na, re me ghwu vwẹ etiyin; kidie Ọrovwohwo Ọghẹnẹ rẹ avwanre vwẹ ughwu vwọ pẹtiẹ avwanre, ọ da vwẹ obi kẹ avwanre da, kidie avwanre ru umwemwu kpahe Ọrovwohwo.

Jerimaya 9:14

ẹkẹvuọvo yẹ ayen ji nene udu ọgangan rayen, ayen da yan nene Baal, kirobo esẹ rayen yono ayen.

Jerimaya 9:15

Vwẹ ọtiọye na enẹ Ọrovwohwo rẹ otuofovwi na, Ọghẹnẹ rẹ Izrẹl, tare Kighe, me cha vwẹ akoro vwọ ghẹrẹ ihwo nana, me da vwẹ ame rẹ obi kẹ ayen da.

Uvwerhe 3:15

Obo re yara ọye ọ vwọ vọn evun mẹ, Ọ da vwẹ akoro vwọ vọn vwẹ evun.

Uvwerhe 3:19

Karophihọ oma ẹlaghọ mẹ vẹ eyarọ mẹ, akoro kugbe akrasa.

Uvwerhe 3:5

Ọ rhiẹ imu ọ hwaphihọ riariẹ ovwẹ vẹ ukpokpogho rọ yara korokoro.

Zekaraya 13:2

Je vwẹ ẹdẹ yena, Ọrovwohwo rẹ otuofovwi tare, mi che si edẹ rẹ ema nẹ otọ na, ra gbe karohọ ayen ọfa-a; eriyin rhe mi ji si emraro vẹ erhi re ijẹfuọn nẹ otọ na.

Matiu 27:34

Ayen da vwẹ udi rọ yara korokoro kẹ, rọ vwọ davwọ o jọ da-a.

Urhi Rivẹ 29:18

Wa kẹnoma eyẹ a da rhe mrẹ ọshare eyẹ aye eyẹ orua eyẹ uvwiẹ ọvo, rẹ udu rọye kurhẹriẹ jẹ Ọrovwohwo Ọghẹnẹ rẹ avwanre vwo nonẹ na ra ga edjọ rẹ ẹgborho yena; eyẹ a da rhe mrẹ ọvo rọ mọ omamọ ro vwo obi kugbe omamọ ro muenu vwẹ uherevie rẹ ovwan,

Ẹvwọphia 8:11

Odẹ rẹ isio na kẹ Akoro. Akarha rẹ ame na de hirhe vwọ hẹ akoro, ame de hwe ihwo buebu, fikiridie ọ yara.