Jerimaya 23:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ẹkẹvuọvo vwẹ emraro ri Jerusalẹm me mrẹ emuọvo ro muoshọ, ayen gbe igberadja ayen je yan vwẹ evun rẹ ofian, ayen ru obọ rẹ iruimwemwu gan, vwẹ eriyin ọ ro kurhẹriẹ nẹ umwemwu gbe herọ-ọ ayen ejobi da họhọ Sodọm kẹ vwẹ, ihwo re dia da họhọ Gomora.

Jerimaya 23:14 ပူးပေါင်းရင်းမြစ်များ

Jẹnẹsis 13:13

Vwẹ ọke nana ihwo ri Sodọm na brare gangan, iruimwemwu ride na vwẹ obaro rẹ Ọrovwohwo.

Jẹnẹsis 18:20

Etiyin Ọrovwohwo da ta kẹ, Kidie ekuvwie rẹ edo ri Sodọm vi Gomora ọ rhoro gangan umwemwu rayen brare gangan,

Jẹnẹsis 19:24

Etiyin Ọrovwohwo da rhọ osio rẹ ibieragha vẹ erhanre phihọ Sodọm vi Gomora nẹ obo odjuvwu rhe,

Jẹnẹsis 19:25

ọ da ghwọrọ irere yena ejobi, vẹ ishekpotọ na ejobi, kugbe ẹbe re djẹ vwẹ otọ na ejobi.

Aizaya 9:15

ọkpako kugbe ohwo ro vwo oghọ ọye uyovwi, ọmraro ro yono efian ọye urhurhuvwun,

Jerimaya 14:14

Ọrovwohwo da ta kẹ vwẹ, Emraro na vwẹ odẹ me mraro rẹ ofian, mi ji ayẹ-ẹn mi ji iji kẹ aye-en eyẹ ta kẹ aye-en, aroẹmrẹ rẹ ofian ayen mrẹ kẹ ovwan na, epha ri fiemu-u, vẹ ọphiọvwẹ rọ hẹ udu rayen.

Jerimaya 18:13

Vwẹ ọtiọye na enẹ Ọrovwohwo tare: Nọ vwẹ uherevie rẹ irere na, ono nyo oghẹre nana dẹvure? Ọmọtobẹ rẹ Izrẹl ru emu ọbrabra.

Jerimaya 20:16

E jẹ ohwo yena họhọ irere rẹ Ọrovwohwo gerishe rọ vwo arodọvwẹ kẹ na, e jo nyo oviẹ vwẹ urhiọke kugbe unuebo vwẹ oghẹruvo,

Jerimaya 23:17

Ayen dje eta efa kẹ otu re siẹn ota rẹ Ọrovwohwo na. O che yovwẹ kẹ ovwan ji te ayen ihwo ri nene udu ọgangan rẹ evun rẹ rayen nẹ, Umiovwo se te ovwa-an.

Jerimaya 23:22

Ọ dianẹ ke ayen mudia vwẹ ẹguare mẹ, manẹ ayen ghwoghwo ota mẹ kẹ ihwo mẹ, manẹ ayen ku ayen rhẹriẹ nẹ idjerhe umwemwu rayen, ji nẹ umiovwo rẹ eyere rayen.

Jerimaya 23:32

Nighe, Mi mu kpahe otu re mraro rẹ evwerhẹ rẹ efian, eriyin Ọrovwohwo tare, kugbe otu re ta kẹ ayen me vwẹ efian evwọrọ vẹ ozighi rayen vwo sun ihwo mẹ ghwru yi mi ji aye-en me je kẹ ayen oganga-an; ayen dia erere kẹ ihwo nana-a, eriyin Ọrovwohwo tare.

Jerimaya 29:21

Enẹ Ọrovwohwo rẹ otuofovwi, Ọghẹnẹ rẹ Izrẹl, tare, kpahe Ehab ọmo ri Kolaya vẹ Zedikaya ọmọ ri Masaya, rẹ mraro rẹ efian kẹ ovwan vwẹ odẹ mẹ nighe, me cha reyọ ayen vwọ kpo obọ ri Nebukadreza ovie ri Babilọn, ọ che hwe ayen ghwẹ vwẹ irharo wẹn.

Jerimaya 29:23

fikiridie ayen ru uruemu rẹ ẹkpa vwẹ Izrẹl ayen vẹ eya rẹ irivẹ rayen gbe ọfanrhiẹn, ayen da vwẹ odẹ mẹ ta eta rẹ efian re me vuẹ ayen nẹ ayen ta-a. Mẹvwẹ ohwo rọ riẹnre, mẹvwẹ je he oseri, eriyin Ọrovwohwo tare.

Jerimaya 36:2

Reyọ ekpirhi rẹ ọbe wo si eta re me ta kẹ wẹ kpahe Izrẹl vẹ Juda vẹ irere na ejobi phihọ, nẹ ẹdẹ re me vwọ ta ota kẹ we na, nẹ ẹdẹ ri Josaya rhi te ẹdẹ ri none na.

Jerimaya 49:18

Kerẹ ọke ra vwọ ghwọrọ Sodọm vẹ Gomora vẹ irere re kẹrẹ ayen na, eriyin Ọrovwohwo tare, ohwo cha dia etiyi-in, ohwo cha yan vwọ-ọ.

Uvwerhe 4:6

Kidie efafa ra fa ọmọtẹ rẹ ihwo mẹ rhonọ ehwe ri Sodom, ra guọghọre vwẹ ẹroẹbrẹ na, ọ dianẹ a vwẹ obọ te-e.

Izikiẹl 13:16

Enana emraro rẹ Izrẹl re mraro kpahe Jerusalẹm re mrẹ emramrẹ rẹ ufuoma kpahọ, yẹ ufuoma herọ-ọ, ọtiọye Ọrovwohwo Ọghẹnẹ tare.

Izikiẹl 13:19

Wo gbe vwe ẹgua vwẹ ohri rẹ ihwo mẹ fiki rẹ ẹkuobọ rẹ ọka kugbe ubro rẹ ikara, we mi hwe ihwo ri fo ughwu-u, ihwo ri fo ughwu we mi je ayen vwo, vwẹ oma rẹ efian re wa vwọrọ kẹ ihwo mẹ, re kerhọn rẹ efian.

Izikiẹl 22:25

Isun rọye vwẹ uherevie rọye e họhọ okpohrokpo ro do rọ chẹghẹ eranvwe na, ayen ria ihwo kpokpọ; ayen ghwẹ efe vẹ eravwọ esiri, ayen bru evakpo buebu phihọ uherevie rọye.

Hosia 6:10

Vwẹ evun rẹ uwevwi rẹ Izrẹl me da mrẹ okpemu rode; ọfarhiẹ rẹ Ifrem hẹ etiyin, e gbe Izrẹl ẹgua.

Emọs 4:11

Me guọghọ ovwan ẹvo, kerẹ ẹsie re Ọghẹnẹ vwọ guọghọ Sodọm vi Gomorah, wa da họhọ imwerhanre re kpare she nẹ erhanre, yu we ji rhivwi bru vwẹ rhe-e, Ọrovwohwo na tarọ.

Maika 1:5

Enana ejobi ki fiki rẹ ogbeku ri Jekọp kugbe fiki rẹ umwemwu rẹ uwevwi rẹ Izrẹl. Die tobọ hẹ ogbeku ri Jekọp vwọ? Ọ dia Sameria-a? Die tobọ rha hẹ imwemwu rẹ uwevwi ri Juda? Ọ dia Jerusalẹm vworẹ?

Maika 3:11

Igbuyovwi rọye da udi tavwe ri ki brorhiẹ, irherẹn rọye yono fiki rẹ osa, emraro na hẹrhẹ igho re ke mraro, ye ayen vwẹ oma kpahe Ọrovwohwo ayen me ta, Ọrovwohwo na he uherevie rẹ avwanre-e? Emu umwemwu ọvuọvo che te avwanre oma-a.

Zẹfanaya 3:4

Emraro rọye ihwo ogbarogba, i vwo esegbuyota-a, irherẹn rọye gbe obo re fonro ẹgua, ayen zighẹ urhi na.

Zekaraya 13:2

Je vwẹ ẹdẹ yena, Ọrovwohwo rẹ otuofovwi tare, mi che si edẹ rẹ ema nẹ otọ na, ra gbe karohọ ayen ọfa-a; eriyin rhe mi ji si emraro vẹ erhi re ijẹfuọn nẹ otọ na.

Malakae 1:1

Ena eta rẹ epha rẹ Ọrovwohwo rẹ Malakae bọ kẹ Izrẹl.

Matiu 11:24

Me ta kẹ ovwan nẹ, o yovwi kẹ Sidọn vwẹ ẹdẹ ẹdjọeguo vwọ nọ wẹ.

Urhi Rivẹ 32:32

Kidie vain rayen nẹ vain ri Sodọm rhe, o ji nẹ aghwa ri Gomora rhe; otie rayen otie rọ vwo obi, ẹrhẹghẹ rayen yara.

1 Timoti 4:2

fiki rẹ omeru rẹ evwọrefian rọ vwara muẹ ndu rẹ ayen kerẹ umomo rẹ ogun,

2 Pita 2:6

ọ da dianẹ ro vwo hirhe irere ri Sodọm vi Gomora vwọ hẹ iwurhie o de vwo bruhwe ayen nẹ e phoro ayen nẹ akpọ na rọ vwọ dia oniru kẹ ayen ihwo umwemwu;

Ọbe ri Jud 1:7

kirobo ri Sodọm vi Gomora kugbe irere re riariẹ ayen phihọ na, re vwẹ oma rayen kẹ ọfanrhiẹ egbe rẹ urhuru sivwe rẹ ugboma si ghwru na, ra da vwẹ ayen ru oka vwọ reoja rẹ ehwe rẹ erhanre ri bẹdẹ na.

Ẹvwọphia 11:8

irivwi rayen ke cha riẹn nene urhuvwu rẹ orere rode na ra vwẹ itẹ se nẹ Sodọm kugbe Ijipt, asan ra da kanre Ọrovwohwo mu agbagba.

Ẹvwọphia 19:20

E de mu eranvwe na, kugbe emraro rẹ efian na ri ruẹ emu rẹ igbunu kẹ mrẹ na re vwọ phiẹn ihwo ra ka oka rẹ eranvwe na phihọ na kugbe ihwo re gọ oma rọye. E de mu ayen ivẹ na ọkpokpọ teye ẹtẹrhe rẹ erhanre rọ torhẹ vẹ ibiosio rẹ erhanre.

Ẹvwọphia 21:8

Ẹkẹvuọvo vwọ kẹ ọvwoshọ, ọ ro jẹ esegbuyota evwo, ọ ro gbe ẹgua, vwọ kẹ ozighẹ, ovwofanrhiẹ, ọmraro, ọgọedjọ, kugbe ọvwọrọn ofian, ughwẹ rayen kẹ ẹtẹrhe rẹ erhanre da tua vẹ ibiosio rẹ erhanre na, kọye hẹ ughwu rivẹ.

Ẹvwọphia 22:15

Otu rẹ eranko na, emraro rẹ ofian, evwofanrhiẹ, izighẹ, egọedjọ, kugbe otu re vwọrọn ofian, ki che mudia otafe.