Jerimaya 23:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Vwẹ evun rẹ emraro ri Sameria na me da mrẹ emuọvo rẹ ọchọre, ayen vwẹ Baal mraro ayen de sun Izrẹl rẹ ihwo mẹ ghwru.

Jerimaya 23:13 ပူးပေါင်းရင်းမြစ်များ

1 Ivie 18:40

Ilaija da ta kẹ ayen, We shabọ phihọ emraro ri Baal na; we jẹn ọvuọvo rẹ ayen djẹ vabọ-ọ. Ayen de shabọ phihọ ayen; Ilaija de sun ayen kpo uto ri Kishọn, o de hwe ayen vwẹ etiyin.

2 Ikun rẹ Ivie 33:9

Manasse da riẹriẹ Juda vẹ ihwo re dia Jerusalẹm, ọ da nẹrhẹ ayen ru umwemwu nọ ẹgborho rẹ Ọrovwohwo guọghọ nu kẹ ihwo rẹ Izrẹl dia.

Aizaya 9:16

kidie ihwo ri sun ihwo nana sun ayen ghwru, ihwo rẹ ayen sunrun ejobi e mu ayen rọ.

Jerimaya 2:8

Irherẹn na sa ta-a, Tivọ Ọrovwohwo na epha vwo? Ayen otu ri yono urhi na riẹn vwẹ-ẹn isun na gbe urhi mẹ ku; emraro na vwẹ Baal vwọ mraro, ayen de nene imu ri vwo erere-e.

Jerimaya 23:32

Nighe, Mi mu kpahe otu re mraro rẹ evwerhẹ rẹ efian, eriyin Ọrovwohwo tare, kugbe otu re ta kẹ ayen me vwẹ efian evwọrọ vẹ ozighi rayen vwo sun ihwo mẹ ghwru yi mi ji aye-en me je kẹ ayen oganga-an; ayen dia erere kẹ ihwo nana-a, eriyin Ọrovwohwo tare.

Jerimaya 36:2

Reyọ ekpirhi rẹ ọbe wo si eta re me ta kẹ wẹ kpahe Izrẹl vẹ Juda vẹ irere na ejobi phihọ, nẹ ẹdẹ re me vwọ ta ota kẹ we na, nẹ ẹdẹ ri Josaya rhi te ẹdẹ ri none na.

Hosia 4:11

Udi ekianke kugbe udi ọkpokpọ miẹ ayen iroro.

Hosia 4:12

Ihwo mẹ re duotọ rẹ akpọ vwẹ obọ rẹ ubrurhe, ọkpọ rayen kọye ayen vwọ bọ epha. Kidie urhuru sivwe rẹ ọfarhiẹ sun ayen ghwru, ayen da yan jẹn Ọghẹnẹ rayen vwo re gbe igberadja.

Maika 1:5

Enana ejobi ki fiki rẹ ogbeku ri Jekọp kugbe fiki rẹ umwemwu rẹ uwevwi rẹ Izrẹl. Die tobọ hẹ ogbeku ri Jekọp vwọ? Ọ dia Sameria-a? Die tobọ rha hẹ imwemwu rẹ uwevwi ri Juda? Ọ dia Jerusalẹm vworẹ?