Jerimaya 23:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Tẹ ọmraro tẹ orherẹn riẹn Ọghẹnẹ-ẹ, vwẹ evun rẹ uwevwi mẹ me da mrẹ umwemwu rayen vughe eriyin Ọrovwohwo tare.

Jerimaya 23:11 ပူးပေါင်းရင်းမြစ်များ

2 Ikun rẹ Ivie 33:5

Ọ da so egbada kẹ ekuakua rẹ obo odjuvwu na vwẹ evun rẹ eguan ivẹ rẹ uwevwi rẹ Ọrovwohwo na.

2 Ikun rẹ Ivie 33:7

Oma rẹ kare na o de muo phihọ uwevwi rẹ Ọghẹnẹ na, rẹ Ọghẹnẹ ta kẹ Devid kugbe Solomọn rẹ ọmọ rọye, Vwẹ uwevwi nana, kugbe evun ri Jerusalẹm, re me jẹreyọ vwẹ orua rẹ Izrẹl ejobi na, ọye mi phi odẹ mẹ phihọ bẹdẹ;

2 Ikun rẹ Ivie 36:14

Irherẹn ride na ejobi kugbe ihwo na rhe vwo esegbuyota-a, ayen de nene ẹgua rẹ ẹgborho na, ayen de gbe uwevwi rẹ Ọrovwohwo ro ru fon vwi Jerusalẹm ẹgua.

Ezra 10:18

Vwẹ usun rẹ emọ rẹ irherẹn na re rọvwọ eya erhorha vwẹ otọ na, a da mrẹ Maaseya, Eliezer, Jarib vi Gedalaya, vwẹ usun rẹ emọ ri Jeshua rẹ ọmọ ri Jozadak kugbe imoni rọye.

Jerimaya 11:15

Didi ogangan avwebọ mẹ vwori vwẹ uwevwi mẹ, ro vwo ru ogbegbiru nu na? Kẹ ive vẹ izobo rẹ eranvwe sa rhẹriẹ ẹghwọrọ wẹ na? Wo se phuoma?

Jerimaya 23:15

Ọtiọye na enẹ Ọrovwohwo rẹ otuofovwi na ta kpahe emraro na: Nighe, me cha vwẹ emu ro muenu ghẹrẹ ayen, me ke ayen ame rẹ obi da, kidie vwẹ obọ rẹ emraro ri Jerusalẹm Jẹn ọghẹnẹ ẹriẹn rhe wan ro otọ na ejobi.

Jerimaya 32:34

Ayen phi ometuo rayen phihọ uwevwi ra vwẹ odẹ mẹ se vwo miovwo.

Jerimaya 5:31

emraro na mraro rẹ efian irherẹn na ki nene idjedje rayen ihwo mẹ ghwa reyọ wan ọtiọye, komavọ ovwan ru vwẹ ọke rẹ oba de te?

Jerimaya 50:6

Ihwo mẹ rhe dia kerẹ igegede ri ghwruru, isuigegede rayen sun ayen ghwru, ayen ku ayen rhẹriẹ vwẹ enu rẹ igbenu, nẹ ugbenu ride kpo ugbenu otete ayen yan ra, ogba rayen chọrọ ayen ero.

Jerimaya 6:13

Kidie nẹ omotete re te ọkpako rayẹn, vwo urhuru rẹ igho re eku; nẹ ọmraro re te orherẹn ruẹ emu rẹ egbẹnẹkẹ.

Jerimaya 7:30

Fikiridie emọ ri Juda ru emu omiomiovwi vwẹ obaro mẹ eriyin Ọrovwohwo na tare, ayen mu orukuruku rayen vi vwẹ uwevwi ra vwẹ odẹ mẹ se na, ayen de gbe ẹgua.

Jerimaya 8:10

Vwẹ ọtiọye na ke me vwẹ eya rayen kẹ ihwo efa, ke me vwẹ udju rayẹn kẹ otu ri phi ayen kua, fikiridie nẹ omotete rayen re te omirẹgua vwo urhuru rẹ igho rẹ eku; nẹ orherẹn re te ọmraro ejobi vwọrọn ofian.

Uvwerhe 2:20

Nighe, E Ọrovwohwo rere wọ mrẹ! Ono wọ vẹ ọye gbe ru imu nana vwọ? Kẹ eya re emọ rayen, emọ rẹ ayen vwọ bele na? Eyẹ ke hwe irherẹn vẹ emraro ghwu vwẹ ẹshẹ rẹ Ọrovwohwo?

Izikiẹl 23:39

Kidie ọke rẹ ayen vwo hwe emọ rayen vwo ze izobo kẹ edjọ rayen nu, vwẹ ẹdẹ yena ọvuọvo na ayen da rhe enu rẹ ẹshẹ mẹ rhi gbe ẹgua. Ọnana obo rẹ ayen ruru vwẹ uwevwi mẹ.

Izikiẹl 44:10

Ẹkẹvuọvo ihwo ri Livae ri tephe kẹ vwẹ, ri ghwru nẹ uvwe oma re nene edjọ rayen vwẹ ọke rẹ Izrẹl vwo ghwru, ke ghwa oghwa rẹ ehwe rayen.

Izikiẹl 7:20

Ekuakua iyoyovwi rẹ oma ẹrhuẹrẹ rayen ayen de ghwa ayen diodi, ayen vwẹ ihoho rẹ ẹgua rayen vwo ru obo ri tuoma rayen; vwẹ ọtiọye na ki mi ru obo ri jẹfuọn kẹ ayen.

Izikiẹl 8:11

Ekpako ujorha gbẹ ihwe rẹ uwevwi rẹ Izrẹl de mudia vwẹ obaro rayen, vi Ja-azaniah rẹ ọmọ ri Shafan ro mudia vwẹ ohri rayen, ọvuọvo vwo ẹphẹre vwẹ obọ, ivwirhi rẹ ugboduma na de bru kpenu.

Izikiẹl 8:16

O da reyọ ovwẹ rhe ọguan rẹ uherevie rẹ uwevwi rẹ Ọrovwohwo na, gbe nighe, vwẹ anurhoro rẹ uwevwi rẹ Ọrovwohwo na, vwẹ uvwre rẹ ọmọguan na vẹ agbada na, ihwo kerẹ uje gbẹ ẹnẹ herọ, ri chuku ku uwevwi rẹ Ọrovwohwo, ayen de chuko ku uwevwi rẹ Ọrovwohwo na ji hirhe opharo ku ọnre, re ga ọnre na.

Zẹfanaya 3:3

Inotu rọye re dia evun rọye epha kerẹ ikpohrokpo re guan, iguẹdjọ rọyẹ epha kerẹ ikpohrokpo rẹ ovwọnvwọn ri jẹ emuọvo vwo hẹrhẹ irhiọke-e.

Zẹfanaya 3:4

Emraro rọye ihwo ogbarogba, i vwo esegbuyota-a, irherẹn rọye gbe obo re fonro ẹgua, ayen zighẹ urhi na.