Jerimaya 23:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Kidie otọ na vọnre vẹ igberadja; fiki rẹ ekan otọ na vwo muomahọ, odi rẹ aghwa na ejobi je ya re. Idjerhe rayen omiomiovwi, ẹgba rayen shehọ-ọ.

Jerimaya 23:10 ပူးပေါင်းရင်းမြစ်များ

Ezra 10:18

Vwẹ usun rẹ emọ rẹ irherẹn na re rọvwọ eya erhorha vwẹ otọ na, a da mrẹ Maaseya, Eliezer, Jarib vi Gedalaya, vwẹ usun rẹ emọ ri Jeshua rẹ ọmọ ri Jozadak kugbe imoni rọye.

Une rẹ Ejiro 107:34

otọ ro yovwẹ emu hirhe phihọ otọ rẹ ughweraka diodi, fiki rẹ umwemwu rẹ ihwo re dia.

Aizaya 24:6

Fiki rẹ ọtiọye na ekan kọ ghwọrọ akpọ na, ihwo re dia ke re oja fiki rẹ abe rayen; fiki rẹ ọtiọye na ihwo re dia akpọ na ejobi yamu, imihwo tutuno keye chekọ.

Aizaya 5:18

Ekan kẹ otu ri vwẹ ufi re efian evwọrọ kpono orukuruku ri kpono umwemwu kerẹsiẹ re kpono ekpẹrẹ,

Jerimaya 12:11

Ayen ruro phihọ ofefe, ofefe, o muomahọ kẹ vwẹ. E ru otọ na soso phihọ ofefe, ẹkẹvuọvo ohwo rọ dare herọ-ọ.

Jerimaya 14:2

Juda muomahọ Anurhoro rọye re brenu, ihwo rọye ra viẹ vwẹ otọ na, oviẹ ri Jerusalẹm mu kpenu

Jerimaya 6:13

Kidie nẹ omotete re te ọkpako rayẹn, vwo urhuru rẹ igho re eku; nẹ ọmraro re te orherẹn ruẹ emu rẹ egbẹnẹkẹ.

Jerimaya 7:9

Kẹ we cho uji, dia ozighẹ, we gbe igberadja, duvwu iyori rẹ eku, torhẹ incens ki Baal, we nene eghẹnẹ efa re ovwan riẹnre-e,

Jerimaya 9:10

Viẹ wo beroma kẹ igbenu na, je viẹ ovie kẹ odi rẹ aghwa na, kidie aguọghọ ayen ohwo ọvuọvo gbe wan vrẹ-ẹn e gbi nyo oviẹ rẹ uchuru vwọ-ọ, te emephran rẹ obenu kugbe e eravwe rẹ aghwa dje ghwru.

Jerimaya 9:12

Ono ohwo rọ ghwanre rọ sa riẹn otọ rẹ ọnana? Ono unu rẹ Ọrovwohwo tarọ kẹ, ro ghwoghwo phia? Die jabọ rẹ otọ na vwo miovwi, vwọ dia ofefe kerẹ aghwa rẹ ohwo ọvuọvo gbe wan vrẹ-ẹn?

Jerimaya 9:2

E manẹ ke me sa bọn uwevwi ọvo kẹ erhorha vwẹ evun rẹ atọn na, rere me yan jẹ ihwo na vwo, me hẹriẹ oma mẹ nẹ ayen! Kidie ayen ejobi igberadja usun rẹ ihwo re vwọrọn efian.

Hosia 7:4

Ayen ejobi igberadja re kpae, ayen họhọ enyerhanre rọ tuabọ gidi gidi, rẹ ohwo rọ kakemu rha hra erhanre na tavwe rọ ke kake-e.

Joẹl 1:10

A ghwọrọ idju na ejobi fiotọ, otọ na muomahọ; fikiridie a ghwọrọ ọka na, udi na re fiotọ, Evwri na re beroma.

Livitikọs 5:1

O da dianẹ ohwo ọvo ru umwemwu, ohwo re seri rhe asan otu rere o rhi se iseri kpahe uyota re emu rọ mrẹre eyẹ ọ ro nyori, ọ rha rhọvwe ta-a, ke ọye ọvo re ghwa orukuruku rọye.

Zẹfanaya 3:4

Emraro rọye ihwo ogbarogba, i vwo esegbuyota-a, irherẹn rọye gbe obo re fonro ẹgua, ayen zighẹ urhi na.

Malakae 3:5

Ki mi che si kẹre owẹ vwẹ orhiebro; ke me cha dia oseri rẹ okpakpa kpahe ebuepha na, kugbe igberadja na, kugbe otu ri duvwu iyori rẹ ogbarogba na, vẹ otu re ghwa otu re durhie iruo ria na, vẹ otu ri kpokpo eme-phrorivwi vẹ eyauku, otu ri gerẹ erhorha phihọ akakọ, ri jẹ oshọ mẹ ẹdjẹ na; eriyin Ọrovwohwo rẹ otuofovwi na tare.

1 Timoti 1:10

vwọ kẹ evwọfanrhiẹ, vwọ kẹ ọshare rọ rọvwọ ọshare, vwọ kẹ otu ri mu ihwo shẹ, evwọrọn efian, vwọ kẹ otu ri se oseri rẹ eku, kugbe oghẹre rẹ emu ehrahra efa ri she phiho omamọ rẹ uyono-o,

Hibru 13:4

E jẹn emu ọghọ kẹ orọvwe vwẹ ohri rẹ ovwan ejobi, e jẹn e gbe ehwa rẹ orọvwe na ẹgua-a; kidie Ọghẹnẹ cha vwẹ ọvwọfanrhiẹ kugbe otu ri gbe igberadja guẹdjọ.

Jems 4:4

Ovwan igberadja rẹ eya na, ovwan rha riẹn nẹ ugbeyan rẹ vwo mu ekuakua rẹ akpọ na, ọvweghrẹ vwẹ obaro rẹ Ọghẹnẹ? Fiki rẹ eriyin na, kohwo kohwo ro mu ugbeyan rẹ akpọ na, yọ vwẹ oma ru ọvweghrẹ rẹ Ọghẹnẹ.