Jerimaya 22:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ayen ke kpahe, Fikiridie ayen siẹn ọphọ rẹ Ọrovwohwo rẹ Ọghẹnẹ rayen, ayen da vwẹ uyovwi kpotọ kẹ eghẹnẹ efa, ayen da gọ ayen.

Jerimaya 22:9 ပူးပေါင်းရင်းမြစ်များ

1 Ivie 9:8

Uwevwi nana ko che hirhe phihọ erhurhu; kohwo kohwo rọ wanvrẹn ejobi ko gbe unu, kọ fiọn unu; kẹ ayen ta, Die Ọrovwohwo vwo ru enẹ kẹ otọ nana kugbe uwevwi nana?

Ivie rẹ Ivẹ 22:17

Fikiridie ayen sen vwẹ ayen da torhẹ insẹns kẹ edjọ, rere ayen vwọ kpare ovwẹ ophu vẹ iruo rẹ abọ rayen, fiki rẹ ọtiọye na ophu mẹ kọ cha tua kpahe etinẹ na, e gbi se fuo-o.

2 Ikun rẹ Ivie 34:25

Fikiridie ayen sen vwẹ ayen torhẹ insẹns kẹ ẹdjọ rere ayen vwọ kpare ovwẹ ophu fiki rẹ iruo rẹ obọ rayen, fiki rẹ ọtiọye na ki mi che ku ophu mẹ phihọ etinẹ na yẹ a gbe mrẹ ohwo ro fue-e

Jerimaya 11:10

Ayen rhivwi kpo umiovwo rẹ esẹ rayen ride, ihwo re rhọvwe nyo eta mẹ-ẹ ayen yan nene edjọ efa vwo ga ayen, uwevwi rẹ Izrẹl vẹ uwevwi ri Juda miovwo ọphọ ri mi nene esẹ rayen re na.

Jerimaya 11:3

Ku wo ta kẹ ayen nẹ, Enẹ Ọrovwohwo na tare, Ọghẹnẹ rẹ Izrẹl. Ekan kẹ ohwo kohwo rọ kerhọn rẹ eta rẹ ọphọ nana-a,

Jerimaya 16:11

Etiyin wọ ke vuẹ ayen nẹ: Fikiridie esẹ rẹ ovwan sen vwẹ, eriyin Ọrovwohwo tare, ayen de nene edjọ efa ayen da ga ayen, ayen da vwẹ uyovwi kpotọ kẹ ayen, ayen da sen vwẹ, ayen gbe yọnrọn urhi mẹ-ẹ,

Jerimaya 50:7

Otu re mrẹ ayen ejobi da guọghọ ayen, ivwighrẹ rayen da tanẹ, Ma re abe-e, kidie ayen ru umwemwu kpahe Ọrovwohwo, ẹdia rẹ esẹ rayen na.

Jerimaya 9:13

Ọrovwohwo tare nẹ: Fiki rẹ obo rẹ ayen vwọ siẹn urhi mẹ ri mi phihọ obaro rẹ ayen na, re ayen rhe nyo urhuru mẹ-ẹ na, vwọ yan nene-e na,

Izikiẹl 12:16

Ẹkẹvuọvo ki mi che ruo rere emerha rayen vwọ djẹ vabọ nẹ obọ rẹ ọlọkọ na, nẹ owẹvwe vẹ emiavwe, rere ayen vwọ fan ẹgua rayen vwẹ ohri rẹ ẹgborho rẹ ayen ra na, rere ayen vwọ riẹn nẹ mẹvwẹ hẹ Ọrovwohwo na.

Izikiẹl 14:23

Ayen ki bru we uche, vwẹ ọke wọ da mrẹ idjerhe rayen kugbe uruemu rayen, ko wọ riẹn nẹ mi ruro ghevweghe-e, eriyin Ọrovwohwo Ọghẹnẹ na tare.

Izikiẹl 39:23

Ẹgborho na ejobi ke cha riẹn nẹ e ghine mu uwevwi rẹ Izrẹl ighuvwu fiki rẹ orukuruku rayen, fikiridie ayen ru emu rẹ ophiẹvwe kẹ vwẹ ọ da nẹrhẹ ovwẹ si opharo mẹ nu kẹ ayen, mi de phi ayen phihọ obọ rẹ ukọn rayen, a da vwẹ ọlọkọ nyavwe ayen ejobi hwe.

Izikiẹl 5:15

Ku wọ cha dia ohwo rẹ ehwẹjẹ vẹ oharebro, okpaẹkpa vẹ ometuo vwọ kẹ ẹgborho re riariẹ owẹ phihọ na, vwẹ ọke me da vwẹ owẹ gu ẹdjọ vwẹ evun rẹ ophu mẹ vẹ ivuemiovwo mẹ, kugbe efafa rẹ ivuemiovwo mẹ–Mẹvwẹ, Ọrovwohwo na, re tarọ–

Urhi Rivẹ 29:24

uyota, ẹgborho na ejobi ke cha tanẹ, Die nẹrhẹ Ọrovwohwo ru otọ nana ọtiọna? Die ghwa ogidi rẹ ophu rode nana rhe?