Jerimaya 22:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ihwo rẹ irere buebu cha wan orere nana vrẹn dohwo dọrivẹ rọye cha ta kẹ, Die nẹrhẹ Ọrovwohwo ru okporere nana emu ọtiọnana?

Jerimaya 22:8 ပူးပေါင်းရင်းမြစ်များ

Jerimaya 16:10

Ọke wọ da ta eta na ejobi kẹ ihwo nana re, rẹ ayen da ta kẹ wẹ, Die nẹrhẹ Ọrovwohwo ghwoghwo umiovwo rode nana kpahe avwanre vwo? Die ọye orukuruku rẹ avwanre? Didi umwemwu me ru kpahe Ọrovwohwo rẹ Ọghẹnẹ rẹ avwanre vwo?

Jerimaya 40:2

Onotu rẹ ohẹrhẹ na da reyọ Jerimaya ọ da ta kẹ nẹ, Ọrovwohwo rẹ Ọghẹnẹ wẹn na ghwoghwo umiovwo nana kpahe etinẹ,

Jerimaya 40:3

Ọrovwohwo ruro, o ru obo rọ tare. Fikiridie we ru umwemwu kpahe Ọrovwohwo, we mu ọghọ kẹ urhuru rọye-e, kọye nẹrhẹ emu nana bru ovwan rhire na.

Uvwerhe 4:12

Ivie rẹ akpọ na segbuyota-a, eyẹ otu re dia akpọ na-a, rere ọvweghrẹ sa vwọ ro anurhoro ri Jerusalẹm.

Izikiẹl 12:16

Ẹkẹvuọvo ki mi che ruo rere emerha rayen vwọ djẹ vabọ nẹ obọ rẹ ọlọkọ na, nẹ owẹvwe vẹ emiavwe, rere ayen vwọ fan ẹgua rayen vwẹ ohri rẹ ẹgborho rẹ ayen ra na, rere ayen vwọ riẹn nẹ mẹvwẹ hẹ Ọrovwohwo na.

Izikiẹl 14:23

Ayen ki bru we uche, vwẹ ọke wọ da mrẹ idjerhe rayen kugbe uruemu rayen, ko wọ riẹn nẹ mi ruro ghevweghe-e, eriyin Ọrovwohwo Ọghẹnẹ na tare.

Izikiẹl 39:23

Ẹgborho na ejobi ke cha riẹn nẹ e ghine mu uwevwi rẹ Izrẹl ighuvwu fiki rẹ orukuruku rayen, fikiridie ayen ru emu rẹ ophiẹvwe kẹ vwẹ ọ da nẹrhẹ ovwẹ si opharo mẹ nu kẹ ayen, mi de phi ayen phihọ obọ rẹ ukọn rayen, a da vwẹ ọlọkọ nyavwe ayen ejobi hwe.

Izikiẹl 5:15

Ku wọ cha dia ohwo rẹ ehwẹjẹ vẹ oharebro, okpaẹkpa vẹ ometuo vwọ kẹ ẹgborho re riariẹ owẹ phihọ na, vwẹ ọke me da vwẹ owẹ gu ẹdjọ vwẹ evun rẹ ophu mẹ vẹ ivuemiovwo mẹ, kugbe efafa rẹ ivuemiovwo mẹ–Mẹvwẹ, Ọrovwohwo na, re tarọ–

Daniẹl 9:7

Ọvwata, E Ọrovwohwo, obọ wẹn ọ epha, ẹkẹvuọvo vwọ kẹ avwanre ozighi vọn avwanre opharo, kirobo rọ epha vwẹ ẹdọke ri nonẹ, kẹ ihwo ri Juda, vẹ ihwo re dia Jerusalẹm, kugbe Izrẹl ejobi, te e re kẹrẹ vẹ e re hẹ ogboko, vwẹ otọ ejobi ru wọ djẹ ayen ra fiki rẹ ozighi rẹ ayen gbe kpahe owẹ.