Jerimaya 22:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ẹkẹvuọvo wa gbe kerhọn rẹ eta nana-a, ye me vwẹ oma mẹ duvwu iyori, eriyin Ọrovwohwo tare, nẹ uwevwi nana cha dia ofefe.

Jerimaya 22:5 ပူးပေါင်းရင်းမြစ်များ

Jẹnẹsis 22:16

ọ da ta, Me vwẹ oma mẹ duvwu iyori, eriyin Ọrovwohwo tare, fikiridie wo ru Ọnana, wọ sa vwẹ ọmọ wẹn, ọmọ vuọvo wẹn na vwọ djahe obuko kẹ vwẹ-ẹ,

2 Ikun rẹ Ivie 7:19

Ẹkẹvuọvo wọ da rhẹriẹ oma re wọ da sen iji kugbe irhi mẹ ri mi ji kẹ wẹ, wọ da yanran ra gọ ẹdjọ efa,

2 Ikun rẹ Ivie 7:21

Vwẹ uwevwi nana, ra kpare kpenu na, kohwo kohwo rọ wanvrẹn ko che gbe unu, kọ ta, kidie nẹrhẹ Ọrovwohwo ru ọtiọna kẹ uwevwi nana vẹ otọ nana?

2 Ikun rẹ Ivie 7:22

Etiyin ke ayen cha ta, Fikiridie ayen sen Ọrovwohwo Ọghẹnẹ rẹ esẹ rayen rọ reyọ ayen nẹ otọ rẹ Ijipt rhe, ayen da djẹ gbane ẹdjọ efa, ayen da gọ ayen; fiki rẹ ọtiọye na ọye ọ vwọ ghwẹ ukpokpogho nana brn ayen rhe.

Une rẹ Ejiro 95:11

Fiki re ọtiọye na ki mi duvwi iyori vwe ophu mẹ ne ayen gbe cha ro urovwoma mẹ-ẹ.

Aizaya 1:20

Ẹkẹvuọvo wọ da sen wọ de mu kpahọ oda kọye a vwọ ghwọro owẹ, fikiridie unu rẹ Ọrovwohwo re tarọ.

Jerimaya 12:7

Me siẹn uwevwi mẹ, me yan jẹn ukuẹriọ mẹ vwo, mi phi ọ ro je vwe phihọ obo rẹ ivwighrẹ rọyẹ.

Jerimaya 17:27

Ẹkẹvuọvo wa kerhọn mẹ-ẹ, vwọ yọnrọn ẹdidjala na fuanfon vwo jẹ oghwa ẹghwa ruẹ anurhoro ri Jerusalẹm vwẹ ẹdidjala-a, ki mi koko erhanre phihọ, anurhoro rọye, kọ ghwọrọ ekete ri Jerusalẹm e gbi se fuo-o.

Jerimaya 26:4

Wọ me ta kẹ ayen, Enẹ Ọrovwohwo tare: Ọ da dianẹ wa kerhọn mẹ-ẹ, vwọ yan phihọ urhi me ri mi phihọ obaro rẹ ovwan,

Jerimaya 39:8

Ihwo ri Kaldia na da torhẹ uwevwi rẹ ovie na vẹ uwevwi rẹ ihwo na, ayen da ghwọrọ igbẹhẹ ri Jerusalẹm totọ.

Jerimaya 44:26

Fiki rẹ ọtiọye na we gbe nyo ota rẹ Ọrovwohwo na, ovwan Juda ejobi re dia otọ rẹ Ijipt na: Nighe, Me vwẹ odẹ mẹ rode na duvwu iyori nure, eriyin Ọrovwohwo tare, nẹ unu rẹ ohwo ri Juda ọvuọvo rọ dia otọ rẹ Ijipt na gbi se odẹ mẹ ọfa-a, nẹ, Kirobo rẹ Ọrovwohwo Ọghẹnẹ na vwọ herọ na.

Emọs 6:8

Ọrovwohwo Ọghẹnẹ vwẹ oma rọye duvwu iyori (eriyin Ọrovwohwo na, Ọghẹnẹ rẹ otuofovwi na tare) Me gba omephuo ri Jekọp, oma re ogba ọgangan rọye tu vwẹ, ki mi phi orere na vẹ obo re herọ phihọ obọ rẹ ivwighre.

Maika 3:12

Vwẹ ọtiọye na fiki wẹ ka cha vwi Zayọn voro udju, Jerusalẹm ko che hirhe phihọ ẹkuerhurhu, Ugbenu rẹ uwevwi na kẹ egbo rẹ irhe.

Matiu 23:38

Nighe me yan jẹ uwevwi rẹ ovwan vwo ofefe.

Hibru 3:18

Kẹ amono e duvwu iyori kẹ nẹ ayen che te omaerovwo mẹ-ẹ, ọ gbe dia ayen ri jẹ ọghọ emuo?

Hibru 6:13

Kidie ọke rẹ Ọghẹnẹ vwo ve ive kẹ Ebraham, rọ rha mrẹ ohwo ọfa rọ rho nọ oma rọye vwo duvwu iyori-i, ọ da vwẹ omaobọ rọye vwo duvwu iyori,

Hibru 6:17

Vwẹ ọtiọye na ọke rẹ Ọghẹnẹ vwọ guọnọ dje gbagba ro muẹro kẹ ohwo rọ cha reuku rẹ ivẹ na ro je kuorhẹriẹ bẹdẹ na, o de duvwu iyori phihọ,