Jerimaya 22:30 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁰ Enẹ Ọrovwohwo tare: Si ohwo nana phihọ otọ kere ẹgan, ohwo ro che yovwẹ kẹ vwẹ ẹdẹ rọye ejobi-i, kidie ọmọ rọye ọvuọvo cha dia ẹdia rọye-e vwo tidia ekete ri Devid, vwọ rhoma re uvie vwi Juda.

Jerimaya 22:30 ပူးပေါင်းရင်းမြစ်များ

ỌBE RẸ JOB 18:19

O vwo ọmọ eyẹ uvwiẹ vwẹ ohri rẹ ihwo rọye-e, ohwo ro ghwu chekọ gbe hẹ asan rọ dia jovwo-o.

Une rẹ Ejiro 94:20

Ke ihwo umwemwu ri suẹn na se kuoma kugbe uwe, re vwẹ urhi na ruẹ emu ogbarogba?

Jerimaya 10:21

Kidie isiugegede na epha djidji, ayen nọ vwẹ obọ rẹ Ọrovwohwo na-a; vwẹ otiọye na ogbi yovwi kẹ aye-en, igegede rayen ejobi ke hrabọ.

Jerimaya 2:37

Evun rẹ etiyin wo ji che nurhe vẹ abọ re wọ ghwẹ kpahe uyovwi, kidie Ọrovwohwo siẹn otu ru wọ vwẹ ẹro so wa rha sa wan oma rẹ ayen yovwi-i.

Jerimaya 22:2

Nyo ota rẹ Ọrovwohwo na, E Ovie ri Juda, ro tidia ekete ri Devid na, wọwẹ, vẹ idibo wẹn re rua anurhoro nana.

Jerimaya 29:32

otiọye na enẹ Ọrovwohwo tare. Nighe, Mi che ru Shemaya ri Nehelam vẹ uvwiẹ rọye gangan, o gbi che vwo ohwo rọ dia uherevie rẹ ihwo nana rọ mrẹ emu esiri ri mi che ru kẹ ihwo mẹ na-a, eriyin Ọrovwohwo na tare, kidie ọ ta ota omiomiovwi kpahe Ọrovwohwo na.

Jerimaya 36:30

Ọtiọye na enẹ Ọrovwohwo ta kpahe Jehoiakim ovie ri Juda, O che vwo ohwo ro tidia ekete ri Devid na-a, e che mu orivwi rọye kufia phihọ oheri rẹ uvo vẹ ekpahe rẹ ason.

Jerimaya 52:10

Ovie ri Babilọn de hwe emeshare ri Zedikaya vwe irharo rọye, eriyin rhe o ji hwe isun ri Juda vwẹ obi Ribla.