Jerimaya 22:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Enẹ Ọrovwohwo tare: Ru obo ri shehọ vẹ ọsoso, sivwi ohwo re shenyẹ nẹ abọ rẹ ohwo ro shenyẹ na. Wo rue oruchọ eyẹ wọ ji gbe ozighi kẹ ọrhorha-a, ọmọphrori-i vwi-i, kugbe ayeuku-u, wo ji sun ọbara rẹ ọvwata vwẹ etinẹ na-a.

Jerimaya 22:3 ပူးပေါင်းရင်းမြစ်များ

2 Samuẹl 23:3

Ọghẹnẹ rẹ Izrẹl ta nure, oragha rẹ Izrẹl ra kẹ vwẹ. ọke rẹ ọvo de suẹn ihwo vwẹ ọ rẹ ọsoso ro de suẹn vwẹ oshọ rẹ Ọghẹnẹ,

Ivie rẹ Ivẹ 24:4

Kugbe ọbara rẹ eku ro sun te otọ, kidie ọ vwẹ ọbara rẹ eku vọn Jerusalẹm, yẹ Ọrovwohwo se vwo ghovwo-o.

ỌBE RẸ JOB 22:9

Wọ djẹ eyauku kpo abọ ofefe, wọ guọghọ abọ rẹ emephrorivwi.

ỌBE RẸ JOB 24:9

(Ihwo evo herọ re sanvwẹ ọmọphrorivwi nẹ unu rẹ evie, re reyọ ọmọ rẹ ovwiogbere vwo viẹnvwan).

Une rẹ Ejiro 68:5

Ọsẹ rẹ ọmọphrorivwi ọchochọ rẹ eyauku ọye Ọghẹnẹ vwẹ ẹdia ọfuanfon rọye.

Une rẹ Ejiro 82:4

Sivwi evwiẹrẹ na vẹ otu rẹ akpọ bẹn. sivwi ayen nẹ obọ rẹ ohwo umwemwu.

Une rẹ Ejiro 94:21

Ayen se oma koko vwọ so erhi rẹ ọvwata, ayen mi brorhiẹn rẹ ughwu hwe ọ rọ fuevun.

Une rẹ Ejiro 94:6

Ayen hwe ayeuku kugbe ọyoyan, ayen ozighẹ re ọmọphrorivwi;

Ẹyano 22:21

Wo ruẹ ọrhorha obo re chọre-e eyẹ wo shenyẹ-ẹ, kidie ovwan je dia erhorha vwẹ otọ rẹ Ijipt vẹrhe re.

Ẹyano 22:22

Wo kpokpo ayeuku-u eyẹ omophrorivwi-i.

Isẹ 23:10

Wo kporo ughwru rẹ awanre ra vwọ ghare otọ-ọ, wọ je vwẹ ẹgba vwọ rua otọ rẹ ọmọphrorivwi-i;

Isẹ 6:17

ero rọ jẹfia, ẹrẹnvwe rọ vwọrọn efian, vẹ abọ ri sun ọbara ekueku.

Aizaya 1:23

Isun wẹn ihwo rẹ okpetu ayen igbeyan rẹ iji. ọvuọvo guọnọ udi ẹriọ ayen mia djẹ nene ẹse? Ayen chochọ rẹ emephrorivwi e karohọ oviẹ rẹ ayeukuu.

Aizaya 58:6

Ọ dia oghẹre rẹ ewẹvwe ọtiọna Me jẹreyọ ra vwọ rhan ifi rẹ umwemwu, re vwo vwrẹn ifi rẹ urhekpe, re siobọ nẹ ohwo re shenyẹ kpo ọphẹ, rere e vwirhi kurhekpe kurhekpe?

Aizaya 58:7

Ọ dianẹ wa vẹ ihwo rẹ owẹvwe hwe gba ghare emu wẹ-ẹn, ra reyọ ivwiogbere ri vwo uwevwi-i vwo kpo uwevwi wẹ-ẹn; ọke wọ da mrẹ ohwo rọ ba phihọ, wo mi rhuo, ne wo gbi si oma wẹn nẹ kẹ omobọ wẹ-ẹn?

Jerimaya 19:4

Fikiridie ihwo na sen vwẹ, ayen torhẹ incẹnse kẹ eghẹnẹ efa vwo miovwo etinẹ na, eghẹnẹ re ayen vẹ esẹ rayen kugbe ivie ri Juda riẹnre-e, fikiridie ayen ghwa ọbara rẹ evwata rhe vwọ vọn etine na.

Jerimaya 21:12

E uwevwi ri Devid! Enẹ Ọrovwohwo tare Brorhiẹ esiri vwẹ urhiọke, Sivwi ohwo re Shenyẹ na nẹ abọ rẹ Ohwo ro shenyẹ na, eyẹ ophu mẹ da rhe kerẹ erhanre, rọ la rẹ ohwo je se fuo, fiki rẹ iruo ogbegho rẹ ovwan.

Jerimaya 22:17

Ẹkẹvuọvo wọ vwẹ ibiẹro vẹ udu vwọ kẹ erere ọchọchọ ọvo, vwo sun ọbara rẹ evwata te otọ, ji vwo ru oshenyẹ vẹ ozighi.

Jerimaya 26:16

Kẹsiẹye isun vẹ ihwo na ejobi ke ta kẹ irherẹn na vẹ emraro na nẹ, Ohwo nana fo abe rẹ ughwu-u, kidie ode rẹ Ọrovwohwo rẹ Ọghẹnẹ rẹ avwanre ọ vwọ ta ota kẹ avwanre na.

Jerimaya 5:28

oma da rhe ro ayen sọkọ sọkọ. Ayen riẹn ughwru vwẹ uruemu rẹ orukuruku-u, ayen brorhiẹ rẹ esiri-i ayen nyo ota rẹ ọmọphrorivwi re vwo ruo yovwi-i, ayen je chọ ochọ rẹ ọrakpọbẹ kẹ-ẹ.

Jerimaya 7:23

Ẹkẹvuọvo urhi nana me vwọ kẹ ayen, Nyo urhuru mẹ, ke me dia Ọghẹnẹ kẹ ovwan, ovwan ke dia ihwo mẹ, rere wa yan vwẹ idjerhe ejobi ri mi dje kẹ ovwan rere o vwo yovwi kẹ ovwan.

Jerimaya 9:24

ẹkẹvuọvo ọ rọ yoma gba vwẹ ọna yoma, nẹ ọye vughe uvwe ọye je riẹn vwẹ, nẹ mẹvwẹ Ọrovwohwo ro nẹ ẹguọnọ ro jẹrhẹriẹ, rọ guọnọ uyota kugbe ọvwata vwẹ akpọ na, kidie imu nana ri je vwe eriyin Ọrovwohwo na tare:

Uvwerhe 3:36

rere ọ vwọ rhẹriẹ iroro rẹ ohwo rẹ Ọrovwohwo rhọvwe phihọ-ọ.

Izikiẹl 18:12

o mi shenyẹ ọrivẹ rọye rẹ akpọ bẹn, ọ gborho ihwo, o siobọ nẹ emu re vwo vien ewu-an, ọ kparẹ ẹrọ rọye kpenu vwọ nẹ ema, o gbe ẹgua,

Izikiẹl 18:7

o shenyẹ ohwo ọvuovo-o, o da hwa osa rọ rere vwẹ ọke ro bruru, o cho uji-i, ọ vwẹ emu kẹ ohwo rẹ owẹvwe hwe, ọ me vwẹ ewun kẹ ohwo rọ ban phihọ,

Izikiẹl 22:7

Ọsẹ vẹ oni a vwẹ ayen jehwe vwẹ evun wẹ, ọrhorha rọ hẹ uherevie wẹn, wa karhiẹn emu rọye mie, te ọmọphrorivwi te ayeuku e ru ayen chọ vwẹ evun wẹn.

Izikiẹl 45:9

E nẹ Ọrovwohwo Ọghẹnẹ tare: Oteri, E isun rẹ Izrẹl! Ku ogbarogba vẹ oshenyẹ kufia, ru ọsoso vẹ ọvwata; we gbi keke ihwo mẹ nẹ otọ raye-en, eriyin Ọrovwohwo Ọghẹnẹ tare.

Joẹl 3:19

Ijipt kọ cha rhoma dia ofefe Edom kọ cha dia aghwa ofefe ghevweghe, fiki rẹ emu ogbarogba re ru kẹ ihwo ri Juda, kidie ayen sun ọbara rẹ ekun te otọ vwẹ otọ rayen.

Livitikọs 19:15

Ovwan bru orhiẹn rẹ eku vwẹ ẹdjọeguo rẹ ovwa-an; We phi oma phihọ ẹbẹre ọvo kẹ igbere na-a eyẹ kẹ ẹguọnọ rẹ ihwo ride eruo-o, ẹkẹvuọvo ovwan vwẹ evun esiri guẹdjọ re irivẹ re ovwan.

Emọs 5:15

Tuoma rẹ umwemwu, guọnọ emu esiri, wọ bro omamọ orhiẹn vwẹ anurhoro, ọke ọvo Ọrovwohwo, Ọghẹnẹ rẹ otuofovwi na, kọ sa re ehrọre rẹ umuku ri Josẹf ro chekọ na.

Emọs 5:24

Ẹkẹvuọvo we gbe jẹ orhiẹbrọ rẹ uyota djẹ kerẹ ọkẹre re ame, rẹ ọvwata dia kerẹ urhie rọ djẹ rara.

Maika 3:11

Igbuyovwi rọye da udi tavwe ri ki brorhiẹ, irherẹn rọye yono fiki rẹ osa, emraro na hẹrhẹ igho re ke mraro, ye ayen vwẹ oma kpahe Ọrovwohwo ayen me ta, Ọrovwohwo na he uherevie rẹ avwanre-e? Emu umwemwu ọvuọvo che te avwanre oma-a.

Maika 6:8

O dje kẹ wẹ nure, E ohwo na, obo ri yoma; kidie Ọrovwohwo tobọ guọnọ vwẹ obọ wẹ ru emu rọ dia ọsoso, guọnọ aruẹdọn, kugbe rere wọ rha vwẹ oma kpotọ yan nene Ọghẹnẹ wẹn?

Malakae 3:5

Ki mi che si kẹre owẹ vwẹ orhiebro; ke me cha dia oseri rẹ okpakpa kpahe ebuepha na, kugbe igberadja na, kugbe otu ri duvwu iyori rẹ ogbarogba na, vẹ otu re ghwa otu re durhie iruo ria na, vẹ otu ri kpokpo eme-phrorivwi vẹ eyauku, otu ri gerẹ erhorha phihọ akakọ, ri jẹ oshọ mẹ ẹdjẹ na; eriyin Ọrovwohwo rẹ otuofovwi na tare.

Matiu 23:23

Ekan kẹ ovwan otu rẹ isiẹbe kugbe Farisi, evwọrọn efian! ovwan nenesi rẹ emu fanfaurhiẹ, we mi gbobọnyẹ emu ro fori, eta re urhi, ẹdjeguo, aruẹdọn kugbe esegbuyota; enana fobo ru we ru jovwo, we de gbobọnyẹ ayen.

Urhi Rivẹ 10:18

Ọ brorhiẹ rẹ ọmọphrorivwi vẹ ayeuku, rọ guọnọ erhorha rọ kẹ emuẹriọ vẹ emwa.

Urhi Rivẹ 24:17

Ase rẹ ọrhorha eyẹ ọ rẹ omophrorivwi wo kuorhẹriẹ-ẹ, wọ je reyọ amwa rẹ ayeuku viẹnwa-a,

Urhi Rivẹ 24:7

Ọ da dianẹ ohwo ro cho ohwo ọvo vwẹ usun rẹ imoni rọye na, rẹ ihwo rẹ Izrẹl na, ro de ruo kerẹ ọviẹn eyẹ ọ da shẹ, oji yena ko ghwu; rere wọ vwọ hworhẹ umwemwu na nẹ uherevie wẹn.

Urhi Rivẹ 25:1

Ọ da dianẹ ẹghwọ herọ vwẹ uherevie rẹ ihwo, rọ ghwa ayen kpo ẹguare, rẹ de brorhiẹ rẹ ayen ivẹ, re de brorhiẹ ohwo rọ rease re de bruhwe ọ rọ reabe,

Urhi Rivẹ 27:19

Ekan kẹ ohwo rọ rhẹriẹ ase rẹ ọrhorha, ọ rẹ ọmophrorivwi kugbe ayeuku. Ihwo na ejobi Me kpahe tanẹ, Isẹ.

Jems 1:27

Omamọ rẹ egagọ ro jẹ ẹgua evwo vwẹ obaro rẹ Ọghẹnẹ rẹ avwanre kugbe Ọsẹ rẹ avwanre na ọ na, rere o mie te asan rẹ emephran orivwi kugbe eyauku re hẹ ukpokpogho, rere o rhe si oma rọye phrẹphrẹ nẹ etatọrọ rẹ akpọ na.