Jerimaya 22:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Mi do we vẹ oni ro vwiẹ wẹ kpo orere ọfa, asan re de vwiẹ wẹ-ẹ, oboyi wo de ghwu.

Jerimaya 22:26 ပူးပေါင်းရင်းမြစ်များ

Ivie rẹ Ivẹ 24:15

O de mu Jehoyakin kpo Babilọn; ọ da kua oni rẹ ovie na, vẹ eya rẹ ovie na, vẹ ediaguare rọye vẹ imiragua rẹ otọ na, ọ da vwẹ ayen ru ighuvwu nẹ Jerusalẹm re te Babilọn.

Ivie rẹ Ivẹ 24:8

Ikpe ihwe gbẹ ẹrenre Jehoyakin kpako tẹ ọke ra vwọ ma ovie, ọ da re uvie emeranvwe erha vwẹ evun ri Jerusalẹm. Odẹ rẹ oni rọye Nehushita, ọmọtẹ rẹ Elnatan ri Jerusalẹm.

Ivie rẹ Ivẹ 25:27

Vwẹ ẹdẹ uje gbẹ ighwrẹ re emeranvwe rihwe gbẹ ivẹ rẹ ukpe rọgban gbẹ ighwrẹ ri Jehoyakin ovie ri Juda vwọ ijọpha, Ivomerodak ovie ri Babilọn da vwẹ ẹnwẹ esiri si Jehoyakin nẹ imu vwẹ evun rẹ ukpe yena rọ vwọ to uvie ẹriọ phihọ na.

Ivie rẹ Ivẹ 25:29

Kọye Jehoyakin da ghwiẹ iwun rẹ uwodi rọye phihọ otọ. Kẹdẹ kẹdẹ rẹ akpọ rọye kọye ọ vwọ re emu vwọ imẹjẹ rẹ ovie na siẹ rẹ ọke rẹ emuẹriọ de te.

Ivie rẹ Ivẹ 25:30

Vwọ kẹ ẹkẹn ughwẹ rọye, ovie na da vwẹ omosa kẹ kọke kọke, uchọke rọ tọn te.

Aizaya 22:17

Nighe, Ọrovwohwo na che kpono uwe gidi gidi, E wẹ rẹ ọgba na. O shabọ phihọ we, ghwaghwa.

Jerimaya 10:18

Kidie enẹ Ọrovwohwo na tare: Nighe, mi che fru ihwo rẹ otọ na kufia vwẹ ọke nana me je ghwẹ okpetu rhurhu ayen, rere ọ da ayen.

Jerimaya 13:18

Ta kẹ ovie vẹ oni rọye; Reyọ agbara ro kpotọ, kidie erhu rẹ uvie oyoyivwi wẹn na nẹ uyovwi wẹn nure.

Jerimaya 16:13

ọtiọye na mi che phi ovwan nẹ otọ nana kpo otọ rẹ esẹ rẹ ovwan rẹ ovwan riẹnre-e, kẹ etiyin wa da ga edjọ efa re te ason te uvo, kidie mi che ni ovwan ẹro-o.

Jerimaya 22:27

Ẹkẹvuọvo otọ re ayen guọnọre nẹ ayen rhivwi ra na, ayen che se rhivwi ra-a.

Jerimaya 28:4

Me je reyọ Jekonaya ọmọ ri Jehoiakim, ovie ri Juda kpo vẹ ihwo ejobi re mu nẹ Juda kpo Babilọn rhivwi rhe etinẹ, eriyin Ọrovwohwo na tare, kidie me cha guọghọ urhekpe rẹ ovie ri Babilọn.

Jerimaya 29:2

Ọnana ọke rẹ Ovie Jekonaya, vẹ oni rẹ ovie, eghwara na, isun ri Juda vi Jerusalẹm, ewena na, kugbe idjogu na vwo nẹ Jerusalẹm nu.

Jerimaya 44:14

Vwe etiyin na ọvuọvo re umuku ri chekọ vwi Juda na re rhe dia otọ rẹ Ijipt na rọ sa vabọ eyẹ kọ rhọ eyẹ ki rhivwi kpo otọ ri Juda herọ-ọ, re ayen guọnọ rhivwi ra dia na, kidie ayen che se rhivwi-i, jokpa rẹ isoghoro evo.