Jerimaya 22:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Obo me herọ na, eriyin Ọrovwohwo tare, owenẹ Konaya ọmọ ri Jehoiakim, ovie ri Juda, dia ubiosa rẹ obọrhe mẹ dede, me je bẹrẹ owẹ kufia ghene.

Jerimaya 22:24 ပူးပေါင်းရင်းမြစ်များ

Ivie rẹ Ivẹ 24:12

Jehoyakin ovie ri Juda da vwẹ oma rọye kẹ ovie ri Babilọn, oma rọye, vẹ oni rọye, vẹ idibo rọye, vẹ isun rọye kugbe ediaguare rọye ye vwẹ oma rayen kẹ. Ovie rẹ Babilọn de mu Jehoyakin phihọ uwodi rọ vwọ re uvie ikpe ẹrẹnre nu.

Ivie rẹ Ivẹ 24:15

O de mu Jehoyakin kpo Babilọn; ọ da kua oni rẹ ovie na, vẹ eya rẹ ovie na, vẹ ediaguare rọye vẹ imiragua rẹ otọ na, ọ da vwẹ ayen ru ighuvwu nẹ Jerusalẹm re te Babilọn.

1 Ikun rẹ Ivie 3:16

Uvwiẹ ri Jehoyakim: Jekonaya ọmọ rọye rẹ ọshare, Zedikaya ọmọ rọye rẹ ọshare,

2 Ikun rẹ Ivie 36:9

Jehoyachin da dia ikpe ẹrẹnre ọ ghwanre te ọke ro vwo mu ẹriọ phihọ, ọ da re emeranvwe erha kugbe ẹdẹ ihwe vwi Jerusalẹm. Ọ de ru obo re brare vwẹ obaro rẹ Ọrovwohwo.

Solomon 8:6

Gbe ku vwe kerẹ isa phihọ udu wẹn, gba gba vwẹ mu obọ kerẹ evwarha; kidie ẹguọnọ pha gangan kerẹ ughwu; omẹriọ pha brabra kerẹ ushi. O muẹ la kerẹ erhanre, ogidi erhanre rode gangan.

Aizaya 49:16

Nighere, Mi vi we phihọ ẹhẹrhobọ mẹ; igbẹhẹ wẹn he obaro Mẹ kọke kọke

Jerimaya 13:18

Ta kẹ ovie vẹ oni rọye; Reyọ agbara ro kpotọ, kidie erhu rẹ uvie oyoyivwi wẹn na nẹ uyovwi wẹn nure.

Jerimaya 22:28

Ohwo nana Konaya na, ochẹ ro fi emuọvo-o ro ghwuru, ochẹ ra vwẹ ẹro te-e? Die sorọ evwo do vẹ emọ rọye kufia kpo otọ re ayen riẹnre-e?

Jerimaya 22:6

Kidie enẹ Ọrovwohwo tare kpahe uwevwi rẹ ovie ri Juda: Wọ họhọ Giliad kẹ vwẹ, kerẹ enu ri Libanọn, dede na uyota mi che ru we phihọ aton, phihọ orere re jẹ dia.

Jerimaya 24:1

Ri Nẹbukadreza ovie ri Babilọn vwo mu Jekonaya ọmọ re Jehọiakim, ovie ri Juda, kugbe isun ri Juda, te ewena, te idjogun, nẹ Jerusalẹm rhe, ro vwo mu ayen imu vwo kpo Babilọn, Ọrovwohwo da vwẹ emramrẹ nana vwọ nẹ vwẹ. Nighe, ibere ri fig ivẹ da hẹ obaro rẹ uwevwi rẹ Ọrovwohwo na.

Jerimaya 28:4

Me je reyọ Jekonaya ọmọ ri Jehoiakim, ovie ri Juda kpo vẹ ihwo ejobi re mu nẹ Juda kpo Babilọn rhivwi rhe etinẹ, eriyin Ọrovwohwo na tare, kidie me cha guọghọ urhekpe rẹ ovie ri Babilọn.

Jerimaya 29:2

Ọnana ọke rẹ Ovie Jekonaya, vẹ oni rẹ ovie, eghwara na, isun ri Juda vi Jerusalẹm, ewena na, kugbe idjogu na vwo nẹ Jerusalẹm nu.

Jerimaya 37:1

Zedikaya ọmọ ri Josaya, ohwo ri Nebukadreza ovie ri Babilọn vwo mu ovie vwẹ otọ ri Juda ọ da re uvie vwẹ ẹdia ri Konaya ọmọ ri Jehoiakim

Hegae 2:23

Vwẹ ẹdẹ yena, eriyin Ọrovwohwo rẹ otuofovwi na tare, ke me reyọ owẹ, E Zerubabẹl odibo mẹ, ọmọ ri Shealtiẹl eriyin Ọrovwohwo tare, ki nu ru we kerẹ ubiosa, kidie Me jẹ wẹ reyọ nure, eriyin Ọrovwohwo rẹ otuofovwi na tare.