Jerimaya 22:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Odju che sun isuigode wẹn, e che mu esen wẹn kpo ighuvwu kẹsiẹye oma ke vo wẹ ku wo kpogho fiki rẹ umwemwu wẹn ejobi.

Jerimaya 22:22 ပူးပေါင်းရင်းမြစ်များ

Aizaya 64:6

Avwanre da rhe họhọ ohwo ro jẹfuọn, uruemu rẹ ọvwata rẹ avwanre ejobi da họhọ ewun rẹ inuhu muru. Avwanre ejobi vwioro re kerẹ ọbe, orukuruku rẹ avwanre, kerẹ odju, re muẹ avwanre yanran.

Aizaya 65:13

Fiki rẹ ọtiọye na enẹ Ọrovwohwo Ọghẹnẹ tare: Nighere, idibo Mẹ cha re emu, ẹkẹvuọvo owẹvwe che hwe we, nighere, idibo mẹ cha da udi, ẹkẹvuọvo urhuru che hwe we, nighe, idibo Mẹ cha ghọghọ, ẹkẹvuọvo oma cha vo owẹ,

Jerimaya 10:21

Kidie isiugegede na epha djidji, ayen nọ vwẹ obọ rẹ Ọrovwohwo na-a; vwẹ otiọye na ogbi yovwi kẹ aye-en, igegede rayen ejobi ke hrabọ.

Jerimaya 12:10

Isuigegede guọghọ ogba ri vain mẹ ayen chiyi ẹkẹn mẹ muotọ, ẹkẹn oyoyovwi mẹ na hirhe phihọ aghwa ofefe.

Jerimaya 2:36

Mavo wo ni ovwravwra wẹn frae te, wo vwo ku idjerhe wẹn rhẹriẹ! Ijipt cha phọphọ owẹ kirobo rẹ Asiria je phọphọ owẹ

Jerimaya 2:37

Evun rẹ etiyin wo ji che nurhe vẹ abọ re wọ ghwẹ kpahe uyovwi, kidie Ọrovwohwo siẹn otu ru wọ vwẹ ẹro so wa rha sa wan oma rẹ ayen yovwi-i.

Jerimaya 2:8

Irherẹn na sa ta-a, Tivọ Ọrovwohwo na epha vwo? Ayen otu ri yono urhi na riẹn vwẹ-ẹn isun na gbe urhi mẹ ku; emraro na vwẹ Baal vwọ mraro, ayen de nene imu ri vwo erere-e.

Jerimaya 20:11

Ẹkẹvuọvo Ọrovwohwo vo vwẹ herọ kerẹ isodje rọ muoshọ, vwẹ ọtiọye na iri mu kpahe ovwẹ cha yẹghrẹ, ayen se phi vwe kparobọ-ọ. Oma cha vọ ayen gangan, kidie ayen cha kparobọ-ọ. Ijọghọevwo kọ dia erayen bẹdẹ, ọ cha sa chọrọ ẹro bẹdẹ-ẹ.

Jerimaya 30:14

Ovwan chọrọ ese rẹ ovwan ẹro; ayen gbe kerhọn rẹ ovwa-an; kidie me vwe ẹghwiẹ rẹ ọvweghrẹ ghwiẹ ovwan, ehwe rẹ ọvweghrẹ ro vwo aruẹdọ-ọ, fikiridie abe rẹ ovwan ọrhuarho, fikiridie imwemwu rẹ ovwan gbori gangan.

Jerimaya 4:30

E wọwẹ, ra kua jovwo na, Die wo rori ru wọ vwọ vwẹ isene rhuẹrẹ oma re wọ vwọ reyọ iro vwọ sẹ fia, ru wọ vwọ vwẹ itiro si ẹro wẹn? Wọ de rhuẹrẹ oma wẹn ghevweghe. Esen wẹn jẹ wẹ fia, ayen guọnọ owẹ hwe.

Jerimaya 5:13

Emraro na che hirhe phihọ aphopho, ota na hẹ evun raye-en. Eriyin e che ru kẹ ayen!

Jerimaya 7:19

Mẹvwẹ kọye ayen kpare ophu na? eriyin Ọrovwohwo na tare. Ọ dia omobọ rayen, ayen vwo gbe ozighi na?

Hosia 12:1

Ifrem Osun rẹ odju, ọ vwọ tua odju rẹ obaro ọnre vwẹ ẹdẹ na ejobi; ogbarogba vẹ ozighi ra rhoma buẹ phihọ; ayen vẹ Asiria re vwo ọrhọvwekugbe, ayen re muẹ ọfigbo kpo Ijipt.

Hosia 13:15

Owenẹ ọ rho bodo bodo kerẹ ẹgon, odju rẹ obaro ọnre, odju rẹ Ọrovwohwo cha rhe, ọ kpara nẹ obo aghwa cha; ogbugbu rọye cha kpọ, imigbo rọye cha yamu, o che hwerhe kemu kemu esiri rọ sẹro rọye nu ejobi kufia.

Hosia 4:19

Odju phare ayen phihọ ibekpe rọye, oma kọ cha vo ayen fiki rẹ agbada rayen.

Zekaraya 11:17

Ekan kẹ osuigegede Mẹ rọ je fọ na, ọ rọ djẹ jẹ igodẹ vwo na! E jẹn ọlọkọ nyavwọ ugbobọ vẹ ẹro rẹ obọrhe rọye! E jẹn rọye sida, rẹ ubiẹro rẹ obọrhe rọye rhu.

Zekaraya 11:8

Vwẹ emeranvwe ọvo Me da ghwọrọ isuigegede erha. Ẹkẹvuọvo mi gbi se chirako raye-en, ayen da vwẹ ovwẹ ru ọvweghrẹ.