Jerimaya 22:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Me ta kẹ wẹ vwẹ evun rẹ oyovwe wẹn, ẹkẹvuọvo wọ tare, Me cha kerhọ-ọn, Ọnana uruemu wẹn nẹ emọ rhe, nẹ wo nyo urhuru mẹ-ẹ.

Jerimaya 22:21 ပူးပေါင်းရင်းမြစ်များ

2 Ikun rẹ Ivie 33:10

Ọrovwohwo da ta ota kẹ Manasse kugbe ihwo rọye, ẹkẹvuọvo ayen davwerhọ-ọn.

Une rẹ Ejiro 129:1

Ayen kpokpo uvwe gangan nẹ ọke emọ mẹ rhe, Asakiephana gbe jẹn Izrẹl ta–

Isẹ 30:9

Ọ rha dia ọtiọye-e evun da vọn vwẹ nọ, ke me sen wẹn, ke me ta nẹ, Ono Ọrovwohwo na vwo? eyẹ me da rha dia ogbere koko, ki mi che chuji, ye me phọphọ odẹ rẹ Ọghẹnẹ mẹ.

Aizaya 48:8

Wo ji nyo dẹvo-o wo je riẹn devo-o, ne awanre rhe erhọn wẹn ji rhie-e. Kidie Me riẹnre nẹ wo se ru emu ogbarogba, ne nẹ ọke evwiẹ we rhe we onogbozighi.

Jerimaya 13:10

Ihwo umwemwu nana, re senre nẹ ayen nyo eta mẹ-ẹ na, re vwẹ udu ọgangan nene udu rẹ obọ rayen vwọ yan nene edjọ efa vwọ gan ayen je vwẹ uyovwi te otọ kẹ ayen na, ayen cha dia kerẹ otehun nana, ro fi emuọvo-o na.

Jerimaya 19:15

Enẹ Ọrovwohwo rẹ otuofovwi, Ọghẹnẹ rẹ Izrẹl, tare, Nighe, me herọ ghwa umiovwo cha orere nana kugbe irere rọye ejobi umiovwo ri mi ghwoghwo kpahọ ejobi, fikiridie ayen gan udu phihọ, ayen rhọvwe nyo eta mẹ-ẹ.

Jerimaya 2:25

Wo rhie awọ phihọ ya-an si upho wẹn nẹ urhuru rẹ ame. Ẹkẹvuọvo wọ tare o fiemu-u, kidie me guọnọ erhorha, me yan nene ayen.

Jerimaya 2:31

Ji te we, E uvwiẹ na, kerhọn rẹ ota rẹ Ọrovwohwo. Mẹvwẹ kẹ aghwa vwọ kẹ Izrẹl, eyẹ otọ ro mu ebri? Kidie ihwo me vwọ ta nẹ, Avwanreọ imuvwiẹ, avwanre gbi bru uwe rhe ofa-a?

Jerimaya 25:3

Etiyin ikpe uje gbẹ erha re, nẹ ẹgbukpe ihwe gbẹ erha ri Josaya ọmọ rẹ Amọn ovie ri Juda na, rhi te nonẹ na, ota rẹ Ọrovwohwo na bru vwe rhe, me je ta kẹ ovwan ẹtẹta kẹ, dede na wa kerhọ-ọn.

Jerimaya 25:4

Wa kerhọ-ọn wa je vwẹ erhọn kpotọ re we nyo-o, owene Ọrovwohwo na jẹ idibo na emraro na ejobi bru ovwan rhe vwẹ ọke ejobi,

Jerimaya 25:7

Dede na wa kerhọn mẹ-ẹ, eriyin Ọrovwohwo tare, nẹ wa vwẹ iruo rẹ abọ rẹ ovwan kpare ovwẹ ophu vwọ kẹ umiovwo rẹ obọ rẹ ovwan.

Jerimaya 25:8

Ọtiọye na enẹ Ọrovwohwo rẹ otuofovwi na tare, Fiki rẹ obo ri we nyo eta mẹ-ẹ na,

Jerimaya 3:24

Nẹ ọke emọ rẹ avwanre rhe, ọye emu rẹ omẹvuọ nana vwọ ghwọrọ obo rẹ esẹ rẹ avwanre wian kẹ igegede vẹ uchuru rayen, emeshare vẹ emetẹ rayen.

Jerimaya 3:25

Jẹn avwanre ji sherhẹ vwẹ evun rẹ omẹvuọ rẹ avwanre, ji jẹ ọghọ emuo rẹ avwanre ji rhurhu avwanre, kidie avwanre vẹ esẹ rẹ avwanre ru umwemwu kpahe Ọrovwohwo Ọghẹnẹ rẹ avwanre nẹ ọke emọ rẹ avwanre rhe rhi te nonẹ na; avwanre ji nyo urhuru rẹ Ọrovwohwo Ọghẹnẹ rẹ avwanre na-a.

Jerimaya 32:30

Kidie emọ rẹ Izrẹl vẹ emọ ri Juda rhe ji ru emuọvo-o jokpa rẹ umiovwo ọvo vwẹ obaro mẹ nẹ ọke emọ rhe, rẹ Izrẹl ji ru emu ọvo-o jokpa rẹ ophu mẹ rẹ ayen kpare ọvo, eriyin Orovwohwo tare.

Jerimaya 35:15

Mi ji idibo mẹ rẹ emraro na ejobi bru ovwan rhe, mi ji ayen ejojo, nẹ, Dohwo didjerhe umwemwu rọye rhẹriẹ ru, wa rhuẹrẹ eyere rẹ ovwan, vwo je edjọ efa ẹyan nene re we jẹn ayen egọ, re wa sa dia evun rẹ otọ re me kẹ ovwan vẹ esẹ rẹ ovwan na. Ẹkẹvuọvo wa vwẹ erhọn kpọtọ-ọ wa je kerhọn mẹ-ẹ.

Jerimaya 48:11

Moab egbomọphẹ nẹ ọke emọ rhe ro tidia phihọ enu rẹ ikiẹn rọye eji kuọ nẹ ọche phihọ ochẹ-ẹ, eyẹ ọ je yanran kpo imu-u; ọtiọye ọdavwẹ rọye ji no obọ-ọ ọnrhe rọye je rhẹriẹ-ẹ.

Jerimaya 6:16

Enẹ Ọrovwohwo na tare, Mudia vwẹ oma rẹ idjerhe, wo ni, wọ nọ ekpen re idjerhe rẹ awanre na asan rẹ omamọ rẹ idjerhe epha, ru wa yan phihọ, re wọ mrẹ urovwoma vwọ kẹ ẹnwẹn rẹ ovwan Ẹkevuọvo ayen da ta nẹ, Avwanre cha yan phihọ-ọ.

Izikiẹl 20:13

Ẹkẹvuọvo uwevwi rẹ Izrẹl de mu kpahe ovwẹ vwẹ evun rẹ aghwa, ayen gbe yan phihọ evun rẹ iji mẹ-ẹ ẹkẹvuọvo ayen da sen irhi mẹ, rẹ ohwo rọ sẹro rayen ko rhọ, ẹdidjala mẹ ayen de gbe ẹgua tughu tughu. Etiyin mi de roro nẹ mi ku ophu mẹ ku ayen vwẹ evun rẹ aghwa na, rere mi ghwe furhie ayen re kakare.

Izikiẹl 20:21

Ẹkẹvuọvo emọ na de mu kpahe ovwẹ, ayen gbe yan phihọ iji mẹ-ẹ, ayen gbe vwẹ ẹro kpotọ sẹro rẹ irhi mẹ-ẹ, rẹ ohwo rọ sẹro rọye kọ rhọ, ayen gbe ẹdidjala mẹ na ẹgua. Me da jẹ iroro nẹ mi ku ophu mẹ ku ayen vwẹ evun rẹ aghwa.

Izikiẹl 20:28

Kidie ọke re me vwọ reyọ ayen rhe otọ ri mi ve kẹ ayen nẹ me vwọ kẹ ayen nu, etiyin kasan kasan rẹ ayen da mrẹ ugbenu ro kpenu eyẹ urhe rọ vẹ ẹbe gbidi, etiyin kọye ayen de ze izobo rayen, ayen me vwẹ izobo rọ kpare ophu mẹ vwọ rhe, etiyin ọnrhẹ ororo rayen mi bru kpenu, ke etiyin ayen da jẹ udi kuotọ.

Izikiẹl 20:8

Ẹkẹvuọvo ayen de mu kpahe ovwẹ ayen gbe kerhọn mẹ-ẹ, ayen ohwo ọvuọvo gbe rhọvwe ku obo ri tuoma rẹ ẹro rayen mrẹ ghọghọ na kufia-a, eyẹ ayen ji siobọ nu ema re Ijipt na-a. Etiyin mi de roro nẹ mi ku ophu mẹ ku ayen rere mi hirhe ivuemiovwo mẹ ku ayen vwẹ uherevie rẹ otọ rẹ Ijipt na.

Zẹfanaya 3:2

Ọ kerhọn rẹ urhuru ọvuọvọ-o, ọ reyọ obo re dje kẹ-ẹ. Ọ vwẹ ẹro so Ọrovwohwo-o, o si kẹrẹ Ọghẹnẹ rọye-e.

Zekaraya 7:7

Ọke ra vwọ dia Jerusalẹm ro vwo vwo erhuvwu, re irere rọye vwọ gba yariẹ phihọ, re vwo yere obọhwẹre ọnre vẹ igo rọye, enana dia eta rẹ Ọrovwohwo wan oma rẹ emraro rẹsosuọ ta-a?

Urhi Rivẹ 31:27

Kidie Me riẹn obo rẹ ovwan gan udu te obo rẹ ovwan je dia ihwo ebẹbẹn te; nighe, Asakiephana Me vẹ ovwan vwọ herọ Me je vwọ nwẹn na, ovwan je ghwa gan udu kpahe Ọrovwohwo nonẹ na; komavo ọ gan te mi de ghwu nu!

Urhi Rivẹ 9:24

Nẹ ẹdẹ Me vwo riẹn ovwan rhe na, we mu kpahe Ọrovwohwo na gangan.

Urhi Rivẹ 9:7

Karohọ, wo jo chọrọ owẹ ẹro-o, obo wọ nẹrhẹ Ọrovwohwo wẹn mu ophu vwẹ evun rẹ aghwa na, nẹ ẹdẹ ru wo vwo vrẹn nẹ otọ rẹ Ijipt rhe, rhi te etinẹ na, ọye wo vwo mu kpahe Ọrovwohwo na.