Jerimaya 22:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Yan kpo Lebanọn, wo kperi, je kpare urhuru wẹn vwi Beshan, viẹ nẹ Abarim rhe kidie esen wẹn ejobi a ghwọrọ ayen.

Jerimaya 22:20 ပူးပေါင်းရင်းမြစ်များ

Ivie rẹ Ivẹ 24:7

Ovie rẹ Ijipt gbe rhe nẹ otọ rọye phia ọfa-a, kidie ovie ri Babilọn reyọ ẹtẹrhe rẹ ovie rẹ Ijipt suẹn nẹ uto rẹ Ijipt re te urhie ri Yufretis.

Aizaya 57:13

Ọke wo de bunu, gbe jẹn ekru rẹ oma wẹn sivwi uwe, Odju che dju ayen yanran, ẹnwẹn cha kpare ayen kufia. Ẹkẹvuọvo ohwo ro sioma rọye nu vwẹ oma Mẹ che vwo otọ na, kọ cha vwẹ ugbenu ọfuanfọn Me reuku.

Jerimaya 2:25

Wo rhie awọ phihọ ya-an si upho wẹn nẹ urhuru rẹ ame. Ẹkẹvuọvo wọ tare o fiemu-u, kidie me guọnọ erhorha, me yan nene ayen.

Jerimaya 2:36

Mavo wo ni ovwravwra wẹn frae te, wo vwo ku idjerhe wẹn rhẹriẹ! Ijipt cha phọphọ owẹ kirobo rẹ Asiria je phọphọ owẹ

Jerimaya 2:37

Evun rẹ etiyin wo ji che nurhe vẹ abọ re wọ ghwẹ kpahe uyovwi, kidie Ọrovwohwo siẹn otu ru wọ vwẹ ẹro so wa rha sa wan oma rẹ ayen yovwi-i.

Jerimaya 22:22

Odju che sun isuigode wẹn, e che mu esen wẹn kpo ighuvwu kẹsiẹye oma ke vo wẹ ku wo kpogho fiki rẹ umwemwu wẹn ejobi.

Jerimaya 25:9

gbe nighe, mi che se uvwiẹ rẹ obọhwẹre ọnre cha, eriyin Ọrovwohwo tare, kugbe Nebukadreza ovie ri Babilọn, odibo mẹ na, me ghwẹ ayen rhe vwọ họnre otọ nana vẹ ihwo re dia, je kpahe irere nana re yarierẹ na; me cha ghwọrọ ayen tọtọtọ, mi de ru ayen imuosho vẹ unuẹfiọn, kugbe ihwo ra hwe bẹdẹ.

Jerimaya 3:1

Ọ da dianẹ ohwo siẹn aye rọye ro de no obọ rọ da rọvwọ ohwo ọfa, kẹ ọshare na se rhivwi bro ra? Kẹ otọ yena gbi miovwi gangan? we nene esen buebu gbe igberadja, ovwan gbi rhivwi bru vwe rhe? Eriyin Ọrovwohwo na tare.

Jerimaya 4:30

E wọwẹ, ra kua jovwo na, Die wo rori ru wọ vwọ vwẹ isene rhuẹrẹ oma re wọ vwọ reyọ iro vwọ sẹ fia, ru wọ vwọ vwẹ itiro si ẹro wẹn? Wọ de rhuẹrẹ oma wẹn ghevweghe. Esen wẹn jẹ wẹ fia, ayen guọnọ owẹ hwe.

Uvwerhe 1:19

Mi se esen mẹ ẹkẹvuọvo ayen phiẹn vwẹ, irherẹn mẹ kugbe ekpako mẹ ghwọrọ phihọ evun rẹ orere na, re ayen vwọ guọnọ emuọre re ayen vwo vwo ẹgba.

Uvwerhe 1:2

O beroma rẹ oviẹ vwẹ ason, ameoviẹ hẹ egban rọye, vwẹ usun rẹ esen rọye na ejobi o vwo ọvuọvo rọ vwẹ uchebro kẹ-ẹ; Igbeyan rọye ejobi hirhe phihọ ivwighrẹ rọye.

Izikiẹl 23:22

Fiki rẹ ọtiọye na, E Oholibah, e nẹ Ọrovwohwo Ọghẹnẹ tare. Nighe, me cha kpare esen wẹn na vwọ so wẹ e re wọ djẹ kẹ fikiridie i phu we rhe, kc me kpare ayen vwọ so wẹ vwi kabọ kabọ.

Izikiẹl 23:9

Fiki rẹ ọtiọye na mi de siobọ no kẹ itu rẹ esen rọye, vwọ kẹ otu rẹ Asiria, ro pho nene krẹ krẹ na.

Izikiẹl 27:6

Vwẹ ehahe ri Bashan ọye ayen vwọ kare uvi wẹn, ayen da vwẹ afọn so erheri ọ ro nẹ erhuru ri Saiprọs rhe, ra vwẹ akeni vwọ phare.

Ukeri 27:12

Ọrovwohwo da ta kẹ Mosis, Yanran kpo enu rẹ ugbenu nana rẹ Abarim, rere wọ ra mrẹ otọ re me vwọ kẹ ihwo rẹ Izrẹl na.

Urhi Rivẹ 32:49

Yeri kpo ugbenu nana rẹ Abarim na, Ugbenu ri Nebo, rọ hẹ otọ ri Moab na, ro hirhe aro ku Jeriko; re wo ni otọ ri Kenan, ọ re Me vwọ kẹ ihwo rẹ Izrẹl nẹ e dia na;