Jerimaya 22:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Ọtiọye na enẹ Ọrovwohwo ta kpahe Johaikim ọmọ ri Josaya, ovie ri Juda: Ayen gbe viẹ kẹ-ẹ, tanẹ E oniọvo me! eyẹ E oniọvo mẹ rẹ ọmọte! Ayen gbe viẹ kẹ-ẹ, tanẹ, E ọrovwohwo eyẹ E ọrho rọye!

Jerimaya 22:18 ပူးပေါင်းရင်းမြစ်များ

2 Samuẹl 1:26

Mi vwerhi kẹ wẹ, omoni mẹ Jonatan; wọ nabọ je vwe gangan; ivuẹvwerhọ wẹn kpahe ovwẹ igbunu, ọ nọ ivuẹvwerhọ rẹ eya.

1 Ivie 13:30

ọ de sho orivwi rọye phihọ ushi rẹ obọ rọye; ayen de vwere, tanẹ, Eghwo, oniọvo mẹ!

Ivie rẹ Ivẹ 23:36

Ikpe uje gbẹ iyori ọye Jehoyakin kpako te ọke ro vwo mu uvie phihọ ẹriọ, ọ da re uvie ikpe uhwọvo vwi Jerusalẹm. Odẹ rẹ oni rọye Zebida ọmọtẹ ri Pedaya ri Ruma.

Ivie rẹ Ivẹ 23:6

Ọ da reyọ Ashera na nẹ uwevwi rẹ Ọrovwohwo rhe, ọ da reyọ nẹ Jerusalẹm vwo kpo uto ri Kidrọn, ọ da torhẹ vwẹ uto ri Kidron, o de duvwo ivwivwuvwu, o de tue ivwuvwu rọye phihọ enu rẹ ishi rẹ ihwo gheghe.

Ivie rẹ Ivẹ 24:6

Etiyin Jehoyakin da vwerhẹ kugbe esẹ rọye, Jehoyakin ọmọ rọye da rhe re uvie vwẹ ẹdia rọye.

1 Ikun rẹ Ivie 3:15

Emọ rẹ eshare ri Josiah: Johanan ọmọkpako rọye, orivẹ Jehoyakim, Ọrerha Zedikaya, Ọrẹne Shallum.

2 Ikun rẹ Ivie 35:25

Jerimaya da je viẹ kẹ Josaya; re eshare re sua ine te eya re sua ine de roro ine vwo so Josaya rhi te nonẹ na. Ayen de ji iji nana vwẹ Izrẹl; nighe, e si ayen phihọ ọbe rẹ ovie.

2 Ikun rẹ Ivie 36:5

Jehoyakim da dia ikpe uje gbe iyori ọ ghwanre te ọke ro vwo mu phihọ ẹriọ, ọ da re ikpe uhwọvo vwi Jerusalẹm. O de ru obo re brare vwẹ obaro rẹ Ọrovwohwo Ọghẹnẹ rọye.

Jerimaya 16:4

Emiavwe ọbrabra che hwe ayen. A cha viẹ aye-en, e ji che shi aye-en; ayen cha họhọ isọn vwẹ enu rẹ otọ na. Ọlọkọ vẹ owẹvwe che hwe ayen, irivwi rayen ke dia emuọre kẹ emephran rẹ enu kugbe eranvwe rẹ akpọ na.

Jerimaya 16:6

Ihwo ride vẹ ihwo itete che ghwẹ vwẹ otọ nana, e che shi aye-en, ọ rọ viẹ ayen gbe dia-a eyẹ kẹ ọ ro bru ẹto eyẹ ọ rọ wanrẹ uyovwi kẹ aye-en.

Jerimaya 21:11

Wọ je ta kẹ uwevwi ri Juda nẹ, Nyo ota rẹ Ọrovwohwo na,

Jerimaya 22:10

Wọ viẹ ọ ro ghwuru na-a, wo ji vwerhe-e, ẹkẹvuọvo viẹ kẹ ọ rọ yanran na gangan kidie o gbi rhivwi rhe ọfa-a rhe mrẹ orere rọye-e.

Jerimaya 22:12

ẹkẹvuọvo asan rẹ ayen muro ra na, oboyi o de ghwu ọ gbe mrẹ otọ nana ọfa-a.

Jerimaya 34:5

Wo che ghwu vwẹ ufuoma. Kirobo ra torhẹ adjija kẹ esẹ wẹn ye, eriyin ihwo je cha torhẹ adjija kẹ wẹ ra da je viẹ kẹ wẹ, ta nẹ, Eghwo, orovwori! Kidie me ta ota na nure, eriyin Ọrovwohwo tare.

Jerimaya 36:30

Ọtiọye na enẹ Ọrovwohwo ta kpahe Jehoiakim ovie ri Juda, O che vwo ohwo ro tidia ekete ri Devid na-a, e che mu orivwi rọye kufia phihọ oheri rẹ uvo vẹ ekpahe rẹ ason.