Jerimaya 22:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ẹkẹvuọvo wọ vwẹ ibiẹro vẹ udu vwọ kẹ erere ọchọchọ ọvo, vwo sun ọbara rẹ evwata te otọ, ji vwo ru oshenyẹ vẹ ozighi.

Jerimaya 22:17 ပူးပေါင်းရင်းမြစ်များ

1 Ivie 21:19

Ku wọ ta kẹ, E nẹ Ọrovwohwo tare, Wo hwe nure, ku wọ ra reuku? Ku wọ ta kẹ, E nẹ Ọrovwohwo tare Vwẹ asan re eranko da rare ọbara ri Nabọt etiyin ọ da je rare ọbara wẹn.

Ivie rẹ Ivẹ 23:37

O de ru obo ri miovwiri vwẹ obaro rẹ Ọrovwohwo, kirobo rẹ esẹ rọye ejobi ruru.

Ivie rẹ Ivẹ 24:4

Kugbe ọbara rẹ eku ro sun te otọ, kidie ọ vwẹ ọbara rẹ eku vọn Jerusalẹm, yẹ Ọrovwohwo se vwo ghovwo-o.

2 Ikun rẹ Ivie 36:8

Asakiephana eyenre ri Jehoyakim ri chekọ, kugbe ẹgua ro ruru, kugbe obo ra mrẹ keri ba obọ, nighe e si ayen phihọ Ọbe rẹ Ivie rẹ Izrẹl vi Juda; Jehoyachin ọmọ rọye da re vwẹ ẹdia rọye.

ỌBE RẸ JOB 31:7

Ọ da dianẹ ichiyotọ mẹ ghwru nẹ idjerhe na, rẹ udu mẹ da yan nene ẹro mẹ, rọ da dianẹ upe tamu abọ mẹ;

Une rẹ Ejiro 10:3

Kidie oruimwemwu yeyan rẹ ẹguọnọ rẹ ohwo ro vwo urhuru rẹ erere harha ekan ọ je ghwa sia Ọrovwohwo.

Ẹyano 18:21

Ọ rọmarho wọ me sanọ ihwo re goma vwẹ ohri rẹ ihwo na, ọtiẹ ihwo re djẹ oshọ rẹ Ọghẹnẹ, ihwo ra vwẹ ẹro so rẹ udiẹriọ tuoma, keye wo phihọ enu rẹ ihwo na re dia isun rẹ ihwo na i ri ujori ihwe, e rẹ ujori e rẹ ujuvẹ gbẹ ihwe, vẹ e rẹ ihwe.

Isẹ 24:2

kidie ozighi ọvo udu rayen roro, eta rẹ ogbarogba eye ayen ta.

Aizaya 56:11

Eranko na vwo urhuru sivwi gangan; evun vọn aye-en. isuigọde na rhe ji vwo erianriẹ-ẹn; dohwo didjerhe rọye hirhe aro ku, dohwo derere rọye guọnọ, ohwo ọvo, ayen ejobi re.

Jerimaya 17:11

Obo rẹ ọhohowa rhọghọ nẹ ọ sa aye-en na, eriyin ohwo rọ wa idjerhe umwemwu fe epha, vwẹ uherevie rẹ ẹdẹ rọye kẹ ayen yan jovwo, oba rọye ọ me rhe dia ẹkpa.

Jerimaya 19:4

Fikiridie ihwo na sen vwẹ, ayen torhẹ incẹnse kẹ eghẹnẹ efa vwo miovwo etinẹ na, eghẹnẹ re ayen vẹ esẹ rayen kugbe ivie ri Juda riẹnre-e, fikiridie ayen ghwa ọbara rẹ evwata rhe vwọ vọn etine na.

Jerimaya 22:3

Enẹ Ọrovwohwo tare: Ru obo ri shehọ vẹ ọsoso, sivwi ohwo re shenyẹ nẹ abọ rẹ ohwo ro shenyẹ na. Wo rue oruchọ eyẹ wọ ji gbe ozighi kẹ ọrhorha-a, ọmọphrori-i vwi-i, kugbe ayeuku-u, wo ji sun ọbara rẹ ọvwata vwẹ etinẹ na-a.

Jerimaya 6:13

Kidie nẹ omotete re te ọkpako rayẹn, vwo urhuru rẹ igho re eku; nẹ ọmraro re te orherẹn ruẹ emu rẹ egbẹnẹkẹ.

Jerimaya 6:6

E nẹ Ọrovwohwo rẹ otuofovwi na tare. She irhe rọye ghwiotọ wa gba ohẹrhẹ kpahe Jerusalẹm. Ọnana orere ro fo ehwe gangan; emuọvo hẹ evun rọye-e jọkpa rẹ oshenyẹ.

Jerimaya 7:6

rẹ ovwan gbi shenyẹ ọrhorha-a, rẹ ovwan gbi shenyẹ ọmọphrorivwi-i, kugbe ayeuku-u, eyẹ ovwan gbi sun ọbara ekueku te otọ vwẹ etinẹ na-a, rẹ ovwan gbi nenesi rẹ eghẹnẹ efa-a kẹ emiovwo rẹ ovwa-an,

Jerimaya 8:10

Vwẹ ọtiọye na ke me vwẹ eya rayen kẹ ihwo efa, ke me vwẹ udju rayẹn kẹ otu ri phi ayen kua, fikiridie nẹ omotete rayen re te omirẹgua vwo urhuru rẹ igho rẹ eku; nẹ orherẹn re te ọmraro ejobi vwọrọn ofian.

Izikiẹl 18:12

o mi shenyẹ ọrivẹ rọye rẹ akpọ bẹn, ọ gborho ihwo, o siobọ nẹ emu re vwo vien ewu-an, ọ kparẹ ẹrọ rọye kpenu vwọ nẹ ema, o gbe ẹgua,

Izikiẹl 19:6

Kẹ ọ kọn vwẹ ọhri rẹ ikpohrokpo na, o de rhi hirhe phihọ upene rẹ okpohrokpo, o de yono obo re muẹ eranvwe, o de hwe ihwo.

Izikiẹl 19:7

Ọ da guọghọ ogba ọgangan rayen, ọ da kua irere rayen fiotọ, otọ na da kua re kugbe ihwo re herọ ejobi rẹ ayen vwo nyo edo rọye.

Izikiẹl 19:9

Ọ vẹ oghọre vwẹ unu e de mu phihọ akpẹrẹ, ayen de muo rhe ovie ri Babilọn, ayen de muo phihọ uwodi, rere e vwo je urhurhu rọye enyo vwe enu rẹ igbenu rẹ Izrẹl na.

Izikiẹl 22:6

Nighe, isun rẹ Izrẹl re hẹ evun wẹ, ohwo ọvuọvo vẹ obo rẹ ogangan rọye teri ghwe mu kpahe ọbara esuo.

Izikiẹl 33:31

Ayen ki bru we rhe kirobo rẹ ihwo cha, ayen ki che tidia kẹrẹ owẹ kerẹ ihwo mẹ, ayen ki nyo obo ru wo ta ẹkẹvuọvo yẹ ayen ruo-o, kidie ẹbẹrunu ọye ẹguọnọ rẹ ayen epha, ẹkẹvuọvo yẹ ayen vwẹ udu rayen kpahe erere rayen cha mrẹ.

Maika 2:2

Udju re ohwo ọfa da ayen ẹro, ayen mi gborho ayen, iwevwi re ayen, ayen Me ghwẹ ayen reyọ; ayen shenyẹ ohwo vẹ uwevwi rọye, ohwo vẹ uku rọye.

Maika 3:10

re vwẹ ọbara bọn Zayọn re vwẹ oruchọ bọn Jerusalẹm.

Zẹfanaya 3:3

Inotu rọye re dia evun rọye epha kerẹ ikpohrokpo re guan, iguẹdjọ rọyẹ epha kerẹ ikpohrokpo rẹ ovwọnvwọn ri jẹ emuọvo vwo hẹrhẹ irhiọke-e.

Ọbe ri Pọl si rhe Ihwo ri Rom 1:29

Udu rayen da vọn vẹ orukuruku, ozighi, urhuru, ọhoho. E vọnre vẹ omẹriọ, ozighẹ, ẹghwọ, ophiẹvwe, ota ọbrabra, iguegu,

1 Kọrẹnt 6:10

eyẹ iji, eyẹ ọvwurhuru, eyẹ ọgbidi, eyẹ ọharhekan, eyẹ ogborhugborho sa reuku rẹ uvie rẹ Ọghẹne na-a.

Kolose 3:5

Gbe hwe urhuru sivwe ofefe rẹ akpọ na re o ghwu; igberadja, inuhu, avwerhe rẹ ugboma, ẹguọnọ ọbrabra, urhuru evwo ro hirhe oma phihọ ẹdjọ.

Joshua 7:21

ọke me vwọ mrẹ adagba ri Shinar oyoyovwi vwẹ ohri rẹ ekuakua na, kugbe shekẹl ujori ivẹ rẹ idọnọ, kugbe ubrogba rẹ oro rọ họhọ te shekẹl ujuvẹ gbẹ ihwe, etiyin urhuru rẹ ayen de si vwe, me da reyọ ayen; nighere, a tọn ayen phihọ otọ vwẹ evun rẹ utughẹ mẹ, vẹ idọnọ na ra vwọ ka obotọ.

2 Pita 2:14

Ẹro rẹ ayen vọnre vẹ igberadja, evun rẹ umwemwu vọn aye-en. Ayen riẹriẹ ihwo ri mudia ga-an. Ayen yono udu rayen phihọ urhuru evwo. Emọ ra harhere!

2 Pita 2:3

Fiki rẹ urhuru kugbe ọphiẹvwe rayen ke cha vwẹ ovwan chueki; nẹ awanre rhe ọye obruhwe rayen vwọ hẹ otọ, o vwo ovwerhẹ vwẹ ọke rẹ ẹghwọrọ raye-en.

1 Samuẹl 8:3

Dede na emọ rọye yan nene idjerhe rọye-e, ẹkẹvuọvo esi rẹ erere kọye ayen nene; ayen da re udi ayen da bọvwọ ẹdjọ rhu.