Jerimaya 22:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Kidie Ọrovwohwo tare kpahe Shalọm rẹ ọmọ ri Josaya, ọvie ri Juda, rọ re uvie vwẹ ẹdia ri Josaya rẹ ọse rọye nuru ọ ro nẹ etinẹ yanran na. O gbi rhivwi rhe etinẹ ofa-a,

Jerimaya 22:11 ပူးပေါင်းရင်းမြစ်များ

Ivie rẹ Ivẹ 23:29

Ọke rọye ọye Fero Niko ovie rẹ Ijipt vwọ kpare ofovwi bru ovie rẹ Asiria vwẹ urhie ri Yufretis. Ovie Josaya da ra vwa Fero Niko de hwe Josaya vwi Megido ọke rọ vwọ mrẹ.

Ivie rẹ Ivẹ 23:30

Idibo rọye de mu orivwi rọye phihọ ekpẹrẹ vwi Megido, ayen da ghwa rhe Jerusalẹm, ayen de sho phihọ evun rẹ ushi robọ rọye. Ihwo rẹ otọ na da reyọ Jehọahaz ọmọ ri Josaya rhe, ayen da vwẹ evwri ghworo uyovwi, ayen de vwo mu ovie vwẹ ẹdia rẹ ọsẹ rọye.

Ivie rẹ Ivẹ 23:31

Ikpe uje gbẹ erha Jehoahaz kpako te vwẹ ọke ra vwọ ma ovie, ọ da re uvie emeranvwe erha vwi Jerusalẹm. Odẹ rẹ oni rọye Hamutal, ọmọtẹ ri Jerimaya rẹ Libna.

Ivie rẹ Ivẹ 23:34

Fero Niko da vwẹ Elayakim ọmọ ri Josaya ma ovie vwẹ ẹdia ri Josaya, ọsẹ rọye, o de wene odẹ rọyẹ kpo Jehoyakin. Ẹkẹvuọvo ọ da reyọ Jehoahaz yanran; ọ da vwọ rhe Ijipt, etiyin kọye o de ghwu.

1 Ikun rẹ Ivie 3:15

Emọ rẹ eshare ri Josiah: Johanan ọmọkpako rọye, orivẹ Jehoyakim, Ọrerha Zedikaya, Ọrẹne Shallum.

2 Ikun rẹ Ivie 28:12

Ehọnvwọre rẹ ihwo rẹ Ifrem evo, Azaraya ọmọ ri Johanan, Bẹrẹkaya ọmọ ri Meshillemọt, Jehizkaya ọmọ ri Shallum, kugbe Amaza ọmọ ri Hadlai, de mudia ta ota kpahe usun rẹ ofovwi na rọ cha na,

2 Ikun rẹ Ivie 34:22

Etiyin Kilkaya kugbe ihwo rẹ ovie ji ba de bru Hulda ọmraro rẹ aye, aye ri Shallum ọmọ ri Tokhar, ọmọ ri Hasra, ohwo rọ sẹro rẹ iwun (Asakiephana ki Jerusalẹm ọ dia vwẹ Urhuvwu Rivẹ) ọ da nẹ iyẹnrẹn na kẹ.

Jerimaya 22:27

Ẹkẹvuọvo otọ re ayen guọnọre nẹ ayen rhivwi ra na, ayen che se rhivwi ra-a.

Zẹfanaya 1:1

Ota rẹ Ọrovwohwo ro bru Zẹfanaya rhe ọmọ ri kushi, ọmọ ri Gẹdalaya, ọmọ rẹ Amaraya, rẹ ọmọ ri Hẹzikaya, vwẹ ọke ri Jọsaya ọmọ rẹ Amọn, ovie ri Juda.