Jerimaya 22:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Wọ viẹ ọ ro ghwuru na-a, wo ji vwerhe-e, ẹkẹvuọvo viẹ kẹ ọ rọ yanran na gangan kidie o gbi rhivwi rhe ọfa-a rhe mrẹ orere rọye-e.

Jerimaya 22:10 ပူးပေါင်းရင်းမြစ်များ

Ivie rẹ Ivẹ 22:20

Fiki rẹ ọtiọye na, nighe, Me cha ghwe owẹ vwo rhe esẹ wẹn, ka cha ghwa wẹ kpo ushi wẹn vwe ufuoma, ẹro wẹn rha cha mrẹ umiovwo re me cha vwọ rhe etinẹ na-a. Ayen de rhivwi ra nẹ iyẹnrẹn rẹ ota na kẹ ovie na.

Ivie rẹ Ivẹ 23:29

Ọke rọye ọye Fero Niko ovie rẹ Ijipt vwọ kpare ofovwi bru ovie rẹ Asiria vwẹ urhie ri Yufretis. Ovie Josaya da ra vwa Fero Niko de hwe Josaya vwi Megido ọke rọ vwọ mrẹ.

2 Ikun rẹ Ivie 36:4

Ovie rẹ Ijipt da vwẹ Eliakim oniọvo rọye ma ovie phihọ enu ri Juda kugbe Jerusalẹm, o de wene odẹ rọye kpo Jehoyakim; ẹkẹvuọvo Niko da reyọ Jehoahaz oniọvo rọye o de muo kpo Ijipt.

Aghwoghwo 4:2

Mi de rhi roro mrẹ nẹ ihwo ri ghwu nure ri me yovwerhi nọ ihwo ekpokpọ re hẹ akpọ;

Aizaya 57:1

Ọvwata de ghwọrọ, ye ohwo ọvuọvo roro-o, ihwo esiri a kua ayen yanran, ye ohwo ovuọvo riẹ-ẹn. Kidie e si ọvwata nẹ okpetu,

Jerimaya 16:7

Ohwo che bru ikara kẹ ọ rọ vweri uvweri-i, ro vwo bruche fiki rẹ ohwo rọye ro ghwuru na-a; ohwo je vwẹ uko rẹ uchebro kẹ vwi fiki rẹ ọsẹ eyẹ oni rọye-e.

Jerimaya 22:11

Kidie Ọrovwohwo tare kpahe Shalọm rẹ ọmọ ri Josaya, ọvie ri Juda, rọ re uvie vwẹ ẹdia ri Josaya rẹ ọse rọye nuru ọ ro nẹ etinẹ yanran na. O gbi rhivwi rhe etinẹ ofa-a,

Jerimaya 22:18

Ọtiọye na enẹ Ọrovwohwo ta kpahe Johaikim ọmọ ri Josaya, ovie ri Juda: Ayen gbe viẹ kẹ-ẹ, tanẹ E oniọvo me! eyẹ E oniọvo mẹ rẹ ọmọte! Ayen gbe viẹ kẹ-ẹ, tanẹ, E ọrovwohwo eyẹ E ọrho rọye!

Jerimaya 22:27

Ẹkẹvuọvo otọ re ayen guọnọre nẹ ayen rhivwi ra na, ayen che se rhivwi ra-a.

Jerimaya 25:27

Kẹsiẹye wọ ke ta kẹ ayen, Enẹ Ọrovwohwo rẹ otuofovwi na, Ọghẹnẹ rẹ Izrẹl tare, Wa da re idi mu ovwan we geri, we she we gbi vrẹn ofa-a, fiki rẹ ọlọkọ re me vwọ cha ọhri rẹ ovwan na.

Jerimaya 28:4

Me je reyọ Jekonaya ọmọ ri Jehoiakim, ovie ri Juda kpo vẹ ihwo ejobi re mu nẹ Juda kpo Babilọn rhivwi rhe etinẹ, eriyin Ọrovwohwo na tare, kidie me cha guọghọ urhekpe rẹ ovie ri Babilọn.

Jerimaya 42:18

Kidie enẹ Ọrovwohwo rẹ otuofovwi Ọghẹnẹ rẹ Izrẹl tare, Ọtiobo rẹ ophu vẹ ivuemiovwo mẹ hwẹ ku ihwo ri Jerusalẹm na, ọtioye ivuemiovwo mẹ ji hwẹ ku ovwan vwẹ ọke ru we de kpo Ijipt. Wa cha dia isọn, emuroshọ, ekan, vẹ ehwẹjẹ rode. Wa gbe mrẹ etinẹ na ọfa-a.

Jerimaya 44:14

Vwe etiyin na ọvuọvo re umuku ri chekọ vwi Juda na re rhe dia otọ rẹ Ijipt na rọ sa vabọ eyẹ kọ rhọ eyẹ ki rhivwi kpo otọ ri Juda herọ-ọ, re ayen guọnọ rhivwi ra dia na, kidie ayen che se rhivwi-i, jokpa rẹ isoghoro evo.

Uvwerhe 4:9

Aghọghọ herọ kẹ otu rẹ ọlọkọ hweri nọ otu rẹ owẹvwe hweri ri vwioro kuẹfia fiki rẹ ọkarovwẹ rẹ emamọ rẹ aghwa.

Izikiẹl 24:16

Ọmọ rẹ ohwo, nighe, mi re muegbe re me cha vwọ reyọ ojevwe rẹ ẹro wẹn nẹ uwe oma kpregede; yu wo che muomahọ-ọ eyẹ viẹ eyẹ amẹoviẹ wẹn che sun te otọ-ọ.

Iyẹnrẹ Esiri ri Luk 23:28

Ẹkẹvuọvo ri Jesu vwọ rhẹriẹ oma ku ayen ọ da ta, Emetẹ ri Jerusalẹm, wa viẹ kẹ vwẹ-ẹ, ẹkẹvuọvo viẹ kẹ oma rẹ ovwan kugbe emọ rẹ ovwan.