Jerimaya 21:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ekpuyovwi mẹ cha vwẹ obọ ra riẹnre vẹ ugbobọ ọgangan họnre ovwan vwẹ evun rẹ ophu vwẹ evun rẹ ogidi kugbe evun rẹ ivuemiovwo rode.

Jerimaya 21:5 ပူးပေါင်းရင်းမြစ်များ

Ẹyano 6:6

Fiki rẹ ọtiọye na gba ta kẹ ihwo rẹ Izrẹl, “Mẹvwẹ Ọrovwohwo na, mi che si we nẹ otọ rẹ oja rẹ ihwo rẹ Ijipti, ki mi che si we nẹ ọviẹn rayen, ke me tan wẹ nu obọ rẹ ayen.

Ẹyano 9:15

Kidie asan rẹ ọke teri na ye me vwẹ obọ mẹ vwọ vwẹ emiavwe mu we vẹ ihwo wẹn, manẹ yẹ si we nẹ akpọ na re.

Aizaya 10:4

Emuọvo rhe chekọ-ọ jokpa rẹ ighuvwu ra cha ghwọrọ eyẹ eye she vwẹ ohri rẹ ihwo re hweri. Kidie vwẹ enana ejoi na ophu rọye fueri-i yen obọ rọye je riẹn phia.

Aizaya 5:25

Kọye ophu rẹ Ọrovwohwo vwọ tua kpahe ihwo rọye, ọ da riẹn obọ kpahe ayen ọ da ghwiẹ ayen, igbenu na de kpogho irivwi rayen kerẹ ikueku vwẹ uherevie rẹ urhuvwu Vwẹ enana ejobi na ophu rọye ji fue-e, yẹn obọ rọye je riẹn phia rhe.

Aizaya 63:10

Ẹkẹvuọvo ayen gbe ozighi ayen da nẹrhẹ ophu mu Erhi ọfuanfon na, fiki rẹ ọtiọye na ọ da rhoma rhe dia ọvweghre rayen, ekpuyovwi rọye da họnre ayen.

Aizaya 9:12

Otu ri Siria vwẹ obaro ọnre kugbe Filistia vwẹ obuko ọnre mi rhie unu vwo mu Izrẹl rọ. Kidie vwẹ enana ejobi na ophu rọye feuri-i yẹn obọ rọye je riẹn phia.

Aizaya 9:17

Fiki rẹ ọtiọye na oma gbe vwerhe Ọrovwohwo kpahe imighene raye-en, o gbe re ehrọre rẹ ọmọphrorivwi vẹ eyauku raye-en, kidie ayen ohwo ọvuọvo vwo Ọghẹnẹ-e, ayen iruimwemwu rẹ unu rayen ọvuọvo ta ota rẹ ẹkpa. Kidie vwẹ enana ejobi na ophu rọye ji fue-e, yẹn obọ rọye je riẹn phia.

Aizaya 9:21

Manasse ria ọ rẹ Ifrem, Ifrem ria ọ ri Manasse, ayen de koko vwọ so Juda. Vwẹ enana ejobi na ophu rọye fueri-i yẹ obọ rọye je riẹn phia.

Jerimaya 32:17

E Ọrovwohwo Ọghẹnẹ! Wọwẹ vwẹ ogangan wẹn rode na vẹ ẹgba rẹ obọ wẹn ma odjuvwu vẹ akpọ na! Emu ọvuọvo bẹn kẹ wẹ-ẹ.

Jerimaya 32:37

Nighe, Me cha ghwẹ ayen koko nẹ irere kirere re me vwẹ ophu ọgangan mẹ vẹ ivue miovwo mẹ djẹ ayen ra na rhe etinẹ, kẹ ayen dia egbẹrhẹnẹdẹ.

Jerimaya 36:7

Siẹvo ye orẹ rayen che kpo obaro rẹ Ọrovwohwo, nẹ dohwo didjerhe umwemwu rọye cha rhẹriẹ nu, kidie ophu vẹ ivuemiovwo rẹ Ọrovwohwo ro roro kpahe ihwo nana rhoro gangan.

Jerimaya 37:10

Kidie owenẹ ovwan se hwe otu rẹ ofovwi rẹ ihwo ri Kaldia na soso re họnre ovwan na, rẹ ihwo re woma ọvo de chekọ, vwẹ dohwo dutughẹ rẹ ayen epha, ayen de vrẹn ayen cha vwẹ erhanre torhe orere nana.

Jerimaya 6:12

A cha vwẹ uwevwi rayen kẹ ihwo efa, te udju vẹ eya rayen ejobi, kidie me cha riẹn obọ mẹ kpahọ kpahe ihwo rẹ otọ na eriyin, Ọrovwohwo na tare.

Uvwerhe 2:3

Ọ guọghọ ogangan rẹ Izrẹl ejobi vwẹ evun rẹ ophu ọgangan rọye. O de si obọrhe rọye nẹ ayen oma vwẹ obaro rẹ ivwighrẹ; na, kọ torhẹ kere ogidi erhanre vwi Jekọp, ejobi kọ torhẹ riariẹ

Izikiẹl 39:3

ke me cha reyọ umurhabọ wẹn nẹ obọhwẹre wẹn rhe, ki mi che ru edada wẹn she va obọrhe wẹn abọ.

Izikiẹl 5:8

Fiki rẹ ọtiọye na enẹ Ọrovwohwo Ọghẹnẹ tare. Nighe, Mẹvwẹ, ekpuyovwi mẹ, kọ vwọ so wẹ; ke me che brorhiẹ wẹn vwẹ irharo rẹ ẹgborho na.

Urhi Rivẹ 4:23

Wa Me joma rẹ ovwan otọ, ọphọ rẹ Ọrovwohwo Ọghẹnẹ rẹ ovwan na da rha chọre ovwan ẹro, ọ rẹ ọ vẹ owẹ gba re na, re wọ da rha kanre oma rọ họhọ emu kemu rẹ Ọrovwohwo Ọghẹnẹ wẹn na sẹn kẹ wẹn na.

Urhi Rivẹ 4:34

Eyẹ o vwo ọghẹnẹ ọvo rọ sa ra reyọ ẹgborho nẹ ohri rẹ ẹgborho ọfa kẹ omobọ rọye re, ọ da vwẹ edavwini, vẹ eka vẹ imuigbunu, kugbe ofovwi, eye vwẹ obọgangan, vẹ ugbobọ ra riẹn phihọ kugbe oshọ rode na, kerẹ ọtiobo rẹ Ọrovwohwo rẹ Ọghẹnẹ rẹ ovwan ru kẹ ovwan mrẹ vwẹ evun rẹ Ijipt na?