Jerimaya 21:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Nọ vwẹ obọ rẹ Ọrovwohwo kẹ avwanre, kidie Nebukadreza ovie rẹ Babilọn kpare ofovwi bru avwanre cha, siẹvo ye Ọrovwohwo che ru kẹ avwanre kirobo rẹ iruo rẹ igbunu rọye ejobi epha, ro de ruo vwọ yan jẹ avwanre vwo.

Jerimaya 21:2 ပူးပေါင်းရင်းမြစ်များ

Jẹnẹsis 10:10

Emuophihọ rẹ uvie rọye ki Babẹl, Erẹk kugbe Akad, enana ejobi kẹ otọ ri Shinar epha.

Ivie rẹ Ivẹ 1:3

Amakashe rẹ Ọrovwohwo da ta kẹ Ilaija ohwo ri Tish nẹ, Vrẹn, yanran ra vwa ikọn rẹ ọvie ri Sameria, wọ ta kẹ ayen nẹ, Ọghẹnẹ gbe hẹ Izrẹl re nẹrhẹ ovwan kpo obo ri Bẹlzibọb, ẹdjọ rẹ Ekrọn kpo epha?

Ivie rẹ Ivẹ 17:24

Ovie rẹ Asiria da kua ihwo nẹ Babilọn rhe, vẹ Kuta, vẹ Ava, Hamat, vi Sefavem rhe, ọ da ghwẹ ayen phihọ irere ri Sameria ra kua ihwo rẹ Izrẹl nu na, ayen de rhe vwo Sameria, ayen de yeri irere rọye.

2 Ikun rẹ Ivie 32:21

Ọrovwohwo de ji amakashe ọvo, ọ da nyavwe egba rẹ ofovwi na kugbe isun na vẹ inotu na re hẹ erhọn rẹ ovie rẹ Asiria hwe. Etiyin o de rhivwi vẹ omavovwẹ kpo otọ rẹ obọ rọye. Ọke ro rhi vwo te uwevwi rẹ ẹdjọ rọye re, emọ rọye ẹvo da dia etiyin nyavwọ hwe.

Ẹyano 9:28

Rẹ Ọrovwohwo na, kidie osio rẹ imicho na vẹ agbrara na teri; mi jẹn uwe kpo, we gbi rhe mudia ọfa-a.

Aizaya 48:2

Kidie ayen vwẹ odẹ rẹ orere ọfuanfon na se oma, ayen da vwẹ ẹro so Ọghẹnẹ rẹ lzrel na, Ọrovwohwo rẹ otuofovwi na ọye he odẹ rọye.

Jerimaya 15:11

Jọ dia ọtiọye, E Ọrovwohwo, ọ da dianẹ me rẹ wẹ vwi fiki rẹ erhuvwu raye-en me rha rẹ wẹ vwọ ke ayen fiki rẹ ivwighrẹ vwẹ oke rẹ ukpokpogho!

Jerimaya 21:3

Jerimaya da ta kẹ ayem

Jerimaya 32:17

E Ọrovwohwo Ọghẹnẹ! Wọwẹ vwẹ ogangan wẹn rode na vẹ ẹgba rẹ obọ wẹn ma odjuvwu vẹ akpọ na! Emu ọvuọvo bẹn kẹ wẹ-ẹ.

Jerimaya 32:24

Nighe otuofovwi rhe riariẹ orere na phihọ rere ayen vwọ reyọ. Fiki rẹ ọlọkọ, owẹvwe vẹ ọtiekọ ọye e vwo siobọ nẹ orere na kẹ ihwo ri Kaldia ri phio na. Obo re wọ tare na ọ phiare, gbe nighe, wọ mrẹrẹ re.

Jerimaya 34:1

Ota rọ nẹ obọ rẹ Ọrovwohwo bru Jẹrimaya rhe, vwẹ ọke ri Nebukadreza ovie ri Babilọn vẹ otuofovwi rọye ejobi kugbe uvie rẹ akpọ na ejobi re hẹ otọ rẹ isuesun rọye vẹ ihwo na ejobi vwọ họnre Jerusalẹm vẹ irere rọye ejobi.

Jerimaya 37:17

Ovie Zedikaya de ji ohwo re se, Ovie na da bẹbẹ nọ vwẹ uwevwi rọye, ta nẹ, Ota nẹ obọ rẹ Ọrovwohwo rhe? Jerimaya da ta, Ota herọ Kẹsiẹye ọ ke ta, E che phi we phihọ obọ rẹ ovie ri Babilọn.

Jerimaya 37:3

Ovie Zedikaya de ji Jehukal ọmọ ri Shelemaya, vẹ Zẹfanaya orherẹn na, ọmọ ri Maseya, bru Jerimaya re ọmraro na rhe nẹ, Re Ọrovwohwo Ọghẹnẹ rẹ avwanre na kẹ avwanre.

Jerimaya 37:7

Enẹ Ọrovwohwo tare, Ọghẹnẹ rẹ Izrẹl: Enẹ wọ ta kẹ Ovie ri Juda ro ju we rhe nọ vwẹ obọ me na, Nighe, otu rẹ ofovwi ri Fero re rhe chọ we uko muegbe ri vwo rhivwi kpo Ijipt re, kpo otọ raye.

Izikiẹl 7:26

Ughwu kpahe ughwu, ekuvwie kpahe ekuvwie, ayen guọnọ emramrẹ vwẹ obọ rẹ ọmraro na, yẹ urhi re ghwrẹ vrẹn orherẹn abọ, aghwanre phiẹn ekpako na.

Iguẹdjọ 20:27

Etiyin ihwo rẹ Izrẹl na da ra nọ Ọrovwohwo (kidie ekpeti rẹ ọphọ rẹ Ọghẹnẹ na oboyi vwẹ ọke yena,

1 Samuẹl 10:22

Ayen da rhoma duotọ rọye vwẹ obọ rẹ Ọrovwohwo, Ohwo na rhe etinẹ na? Ọrovwohwo da ta, Nighe, o sioma nu vwẹ ohri rẹ aghwa na.

1 Samuẹl 28:15

Etiyin Samuẹl da ta kẹ Sọl, Die wo rhi vwo kpokpo uvwe ru wo vwo se vwe rhe? Sọl da kpahe, Me hẹ djarhe rode na; kidie ihwo ri Filistia kpare ofovwi rhe vwọ so vwẹ, yẹ Ọghẹnẹ chuko kẹ vwẹ ọ gbe kpahe kẹ vwẹ ọfa-a, vwẹ oma rẹ emraro eyẹ ẹvwerhẹ-ẹ; fiki rẹ ọtiọye na mi vwo se we rhe re wọ ta kẹ vwẹ obo ri mi ru.

1 Samuẹl 28:6

Ọke ri Sọl vwo duotọ rọye vwẹ ọbọ rẹ Ọrovwohwo, Ọrovwohwo kpahe kẹẹ, vwẹ ẹvwerhẹ, eyẹ Utẹ, eyẹ emraro-o.